प्रचण्डसँगको भेटपछि उपेन्द्र यादवले भने- कसको दिमाग बिग्रिएको छ र ओलीको सरकारमा जानू

जनता समाजवादी पार्टीका अध्यक्ष उपेन्द्र यादवले केपी ओलीको सर्वसत्तावादलाई परास्त पार्ने विषयमा माओवादी केन्द्रसँग छलफल भएको जानकारी दिएका छन्।

नेपाल कम्युनिष्ट पार्टी माओवादी केन्द्रका अध्यक्ष प्रचण्डलगायतका नेतासँग शनिबार पेरिसडाँडामा भएको छलफलबाट बाहिरिएका नेता यादवले केपी ओलीसँग कुनै पनि हालतमा सहकार्य नहुने दोहोर्‍याए।

‘कसको दिमाग बिग्रिएको छ र केपी ओलीको सरकारमा जानू,’ यादवले भने,‘आजको बैठकमा ओलीको सर्वसत्तावादलाई परास्त पार्ने र सरकारबाट बाहिर निकाल्ने विषयमा छलफल भयो।’

उनले ओलीलाई सरकाबाट हटाउने सहमति नजिक नेपाली कांग्रेस, माओवादी केन्द्र र आफूहरू पुगेको बताए। यसबारे चाँडै तीन दलबीच पुनः छलफल हुने जानकारी दिए।

यादवले सरकारसँग रेशम चौधरीको रिहाइको एजेन्डामाथि मात्रै छलफल भएको दाबी गरे। उनले सरकारमा सहभागिताको विषयमा ओली नेतृत्वको सरकारसँग सहमति नभएको खुलासा गर्दै रेशमलाई सरकारले रिहा गरिदिए धन्यवाद दिने बताए।

जनता समाजवादी पार्टी (जसपा) का अध्यक्षहरु महन्थ ठाकुर, उपेन्द्र यादवलगायत नेताको माओवादी केन्द्रका अध्यक्ष प्रचण्डसँग छलफल गर्न शनिबार बिहान पेरिसडाँडा पुगेका थिए।

बैठकले प्रधानमन्त्री ओलीको सर्वसत्तावाद परास्त गर्ने निस्कर्ष निकालेको यादवले जानकारी दिए। ओलीको सर्वसत्तावादविरुद्ध संघर्ष गर्ने निस्कर्ष निकालिएको यादवको भनाइ थियो ।

बैठकमा सहभागी जसपाका अध्यक्ष महन्थ ठाकुरले भने छलफललाई निरन्तरता दिने सहमति भएको जानकारी दिए।

ठाकुरले आफूहरुका लागि एमाले,कांग्रेस र माओवादी सबै उस्तै रहेको भन्दै सत्ता समीकरणमा कोही नजिक वा कोही टाढा नरहेको बताए । उनले यो देशमा आफूहरुले कतैबाट सुरक्षा नपाएको गुनासोसमेत गरे ।

‘यो देशमा हाम्रो स्थान छैन,उहाँहरुलाई हाम्रो सहयोग किन चाहियो? सेना, प्रशासन,न्यायपालिका कतैबाट पनि हामीलाई सहयोग छैन, हाम्रा मान्छे छुटाउने र मुद्दा सम्बोधन गर्ने सवालमा सबै उस्तै छन्। हामीले सत्ता समीकरणबारे कुनै निर्णय गरेका छैनौं’, उनले भने,‘छलफललाई निरन्तरता दिने सहमति भयो।’

बैठकपछि प्रतिक्रिया दिँदै मा‌ओवादी केन्द्रका नेता नारायणकाजी श्रेष्ठले पछिल्लो राजनीतिक घटनाक्रमबारे छलफल भएको बताए। उनले यसबारेमा थप छलफल गर्ने बताए।

नयाँ सरकार गठनका विषयमा छलफल भए पनि ठोस निर्णयमा भने नपुगेको नेता श्रेष्ठले जानकारी दिए।

श्रेष्ठकाअनुसार नयाँ सरकार समीकरणका विषयमा दुई दलबीच थप छलफल गर्ने सहमति भएको छ। त्यसपछि नेपाली कांग्रेस, माओवादी केन्द्र र जसपा गरी तीनवटै दल बसेर पनि वार्ता गर्ने सहमति भएको नेता श्रेष्ठको भनाई छ।

केही दिनयता जसपाका नेताहरु सत्तारुढ नेकपा एमाले,प्रमुख विपक्षी नेपाली कांग्रेस र नेकपा (माओवादी केन्द्र)सँग छलफलमा छन् ।

भर्खरै प्रकाशित

शेरबहादुरजीले काँध फेर्ने बेला आयो, सभापतिमा गोपालमान श्रेष्ठको पनि दावी

काठमाडौँ  । कांग्रेसको आसन्न १४ औं महाधिवेशनमा नेतृत्व दोर्‍याउने घोषणासहित तयारीमा जुटेका सभापति शेरबहादुर देउवालाई उनकै समूहबाट चुनौती थपिएको छ । उपसभापति बिमलेन्द्र निधिले देउवालाई चुनौती…

यस कारण फिलिपिन्स सरकारले यस कारण नष्ट गर्दैछ महँगा कारहरू

फिलिपिनो सरकारले गाडी तस्करहरूलाई चेतावनी दिन २१ वटा लक्जरी कार नष्ट गरेको छ। शुक्रबार सरकारको आदेशमा अनुमानित अमेरिकी १.२ मिलियन डलरको गाडी नष्ट गरिएको अटो…

नेपालमा भेटियो डेल्टा भेरियन्टमा नयाँ म्युटेसन, पुरानो भन्दा अझ संक्रामक

काठमाडौं । नेपालमा कोरोना संक्रमण फैलाएको डेल्टा भेरियन्ट मा नयाँ म्युटेसन भेटिएको छ । यो डेल्टा भेरियन्टभन्दा अझ संक्रामक मानिने जनस्वास्थ्यविद्हरु बताउँछन् । स्वास्थ्य तथा…

मुस्ताङको काभ्रेभीरमा पहिरोले पुरियो मालवाहक ट्रक

जोमसोम । उत्तर-दक्षिण जोड्ने राष्ट्रिय गौरवको बेनी-जोमसोम सडकखण्ड अन्तर्गत मुस्ताङ र म्याग्दीको सिमाना काभ्रेभीर सडकमा आइतबार दिउँसो एक मालवाहक ट्रक पहिरोले पुरिएको छ । मुस्ताङको…

एमालेभित्रका पुर्वमाओवादी : ओलीसँग असन्तुष्टि र समूहमा अन्तरकलह

काठमाडौँ । एकपछि अर्को गरी नाटकीयरूपमा विकसित राजनीतिक घटनाक्रमले एमालेभित्रका ‘माओवादी’ नेताहरू असमञ्‍जसमा परेका छन् । न सन्तोषजनक भूमिका न त भविष्यको स्पष्ट मार्गचित्र, बरु…