बालुवाटार नेकपा माओवादी केन्द्र नै फुटाउने गृहकार्यमा, गृहमन्त्री थापाको बढ्यो सक्रिएता

काठमाडौं । सत्तारूढ दल नेकपा (माओवादी केन्द्र) फुटाउनेबारे गृहमन्त्री रामबहादुर थापा ‘बादल’ ले गृहकार्य थालेका छन् । सर्वोच्च अदालतको पछिल्लो फैसलाले नेकपा (एमाले) र नेकपा (माओवादी केन्द्र) अलग–अलग भएका छन् ।

तर, सरकारलाई दिएको समर्थन भने माओवादी केन्द्रले फिर्ता लिएको छैन् । पार्टी अलग भएपछि हिजो र आज दुई पटक माओवादी केन्द्रको स्थायी कमिटी बैठक बसेको छ । तर, समर्थन फिर्ताबारे ठोस निर्णय लिएको छैन् ।

अध्यक्ष पुष्पकमल दाहाल ‘प्रचण्ड’ ले प्रधानमन्त्री केपी शर्मा ओली नेतृत्वको सरकार गिराउने र कांग्रेस, आफ्नो पार्टी र जसपा नेपालको संयुक्त सरकार बनाउने गृहकार्यमा जुटेका छन् । तर, बालुवाटार भने नेकपा (माओवादी केन्द्र) नै फुटाउने गृहकार्यमा जुटेको छ । यसको लागि गृहमन्त्री बादलले प्रचण्डनिकट नेताहरुसँग आन्तरिक छलफल अघि बढाएका छन् ।

स्रोतकाअनुसार बादलसँगको छलफलमा माओवादी केन्द्र फुटाउनेबारे हरिबोल गजुरेल, जनार्दन शर्मा, देवेन्द्र पौडेल छन् । ओली सरकारको नेतृत्वमा माओवादी केन्द्रबाट पाँच जना मन्त्री छन् । गृहमन्त्री बादलसहित उद्योगमन्त्री लेखराज भट्ट, सहरी विकासमन्त्री प्रभु साह, उर्जामन्त्री टोपबहादुर रायमाझी, श्रममन्त्री गौरिशंकर चौधरी छन् । उनीहरु सांसद हुन् । खानेपानीमन्त्री मणिचन्द्र थापा र दावा लामा पनि माओवादी केन्द्रबाट मन्त्री छन् । तर, उनीहरु सांसद होईनन् ।

दल विभाजनको लागि केन्द्रीय कमिटी र संसदीय दलमा ४०/४० प्रतिशत पुर्याउनुपर्ने प्रावधान छ । माओवादी केन्द्रसँग ५३ सांसद छन् । दल विभाजनको लागि २२ सांसद आवश्यक पर्छ । बादलले त्यसको लागि प्रयत्न गरिरहेको बुझिएको छ ।

केन्द्रीय कमिटीमा बादलसहित उनीसँग वार्तामा बसेका नेताहरु मिल्दा ४० प्रतिशत सजिलै पुग्ने आँकलन गरिएको छ । माओवादी केन्द्र फुटाउन सहयोग गर्नेहरुलाई महत्वपूर्ण मन्त्रालयको जिम्मेवारी दिईने आश्वासन दिएको पनि स्रोतको दाबी छ ।

प्रचण्डले ओली नेतृत्वको सरकार ढाल्नको लागि कांग्रेस र जसपा नेपालसँग पहल गरिरहेका छन् । हिजोमात्रै उनले कांग्रेस सभापति शेरबहादुर देउवा र जसपा नेपालका संघीय परिषद अध्यक्ष डा. बाबुराम भट्टराईसँग छलफल गरिसकेका छन् । आजमात्रै, पनि दाहालले जसपाका अध्यक्ष महन्थ ठाकुर र शीर्ष नेता राजेन्द्र महतोसँग पनि छलफल गरेका छन् ।

भर्खरै प्रकाशित

माधव नेपाल धेरै अघि बढेको ओलीको निश्कर्ष, एमाले एकताको सम्भावना…

काठमाडौं । नेकपा (एमाले) भित्रको आन्तरिक विवाद हल हुनेमा नेताहरु नै अन्यौलमा परेका छन् । अध्यक्ष तथा प्रधानमन्त्री केपी शर्मा ओली र वरिष्ठ नेता माधव…

आरक्षण ब्राह्मणहरुले पनि पाएकै हुन् : नरेश रेग्मी

आरक्षण ब्राह्मणहरुले पनि पाएकै हुन। पढ्ने आरक्षण। यो देशमा सबैले पढ्ने आरक्षण कहाँ पाए र? ब्राह्मणहरुले वेद पढे। पुराण पढे। कर्मकाण्ड पढे र कर्मकाण्ड गरे।…

योगाको उत्पत्ति नैपालमै भएको हो, त्यतिबेला भारतको अस्तित्व नै थिएन…

काठमाडौं– प्रधानमन्त्री केपी शर्मा ‌ओलीले योगको उत्पति नेपालमै भएको बताएका छन्। भारतले आफ्नो भूमिमा भएको दाबी गरेपनि त्यो समय उक्त देश नै अस्तित्वमा नरहेको उनको…

क्रिस्टियानो रोनाल्डो १४ सेकेन्डमा ९२ मिटर दौडे

युरोकप २०२० अन्तर्गत शनिबार राति जर्मनी र पोर्चुगलबीच ६ गोलको रोमाञ्चक खेल भयो । सम्भवतः यो खेल चालू युरोकपको समूह चरणकै रोमाञ्चक खेल बन्यो होला । पोर्चुगलका…

बन्यो अब मोटरबाटो पनि बन्ला नि : अध्यक्ष ढकाल

गुल्मीको बडिगाड खोलामा गत सात आठ बर्ष देखि अलपत्र परेको पुल निर्माणको कार्य कतिपय सम्पन्न भएका छन् ​भने कतिपय अन्तिम चरणमा पुगेका छन् । एउटै…