रोल्पा : दुर्घटनाग्रस्त ट्यांकरबाट पोखिएको डिजेल चोर्दै गरेको भिडियो सामाजिक सञ्जालमा भाइरल

काठमाडौं । दुर्घटनाग्रस्त ट्यांकरबाट पोखिएको डिजेल जर्किन तथा बोत्तलमा भर्दै गरेको एउटा भिडियो यतिबेला सामाजिक सञ्जालमा भाइरल छ । भिडियोमा दुर्घटनामा क्षतिग्रस्त भएर सडकमा लडिरहेको ट्यांकरमा निस्किएको पेट्रोलियम पदार्थ केही मानिसहरु बोत्तल तथा जर्किनमा डिजेल भरिरहेका देखिन्छन् ।

ट्यांकरको पछाडि पट्टीबाट बगिरहेको डिजेल भर्ने मध्येका एक बर्दी कै प्रहरी पनि छन् । उक्त भिडियो केही घण्टाअघि मात्रै दीपु राना नामको अकाउन्टबाट टिकटकमा पोष्ट भएको छ । भिडियोमा जोखिमपूर्ण रुपमा तेल भरिएको देखिन्छ ।

एक महिनाअघिको घटना

गत माघ १५ गते रोल्पा सदुमुकाम नजिकै भएको दुर्घटनाको भिडियो अहिले बल्ल सार्वजनिक भएको जिल्ला प्रशासन कार्यालय रोल्पाले जनाएको छ । रोल्पा नगरपालिका वडा नं. १ भदौरे मन्दिरको घुम्तिमा ना ४ ख २२५७ नम्बरको ट्याङ्कर सडक देखि करिव ५० मिटर तल खसेर दुर्घटनामा परेको रोल्पाका प्रमुख जिल्ला अधिकारी नरेन्द्रकुमार रानाले बताए ।

‘एउटा घुम्तीबाट खसेर ट्यांकर अर्को घुम्तीमा आईपुगेको र दुर्घटनामा चालकको मृत्यु भएको थियो । भिडियो एक महिना अघिको होे,’ प्रजिअ रानाले भने ।

नेपालगञ्ज डिपोबाट रोल्पामा रहेको जलजला पेट्रोल पम्पको तेल बोकेर आएको ट्याङ्कर दुर्घटनामा परेको थियो । दुर्घटनामा परी चालक हरबजन सिंहको ज्यान गएको थियो भने सहचालक १९ वषिर्य सुनिल शंकर सामान्य घाइते भएका थिए ।

जोखिमपूर्ण काम

भाइरल भिडियोमा मानिसहरु हतार-हतार डिजेल भरिरहेका देखिन्छन् । त्यसरी डिजेल भरेको भिडियो प्राप्त भएको नेपाल आयल निगमले जनाएको छ ।

कुनै पनि दुर्घटना लगत्तै इन्धनको ट्यांकरबाट त्यसरी इन्धन भर्न अत्यन्तै जोखिमपूर्ण भएको निगमका प्रवक्ता विनित मणि उपाध्याय बताउँछन् ।

‘हामीले पनि ढिलै थाहा पायौं, यो घटना झण्डै एक महिना अघिको हो । त्यस्तो काम गर्नु अर्को दुर्घटना निम्त्याउनु हो,’ प्रवक्ता उपाध्यायले भने ।

प्रज्वलनशील डिजेलमा छिटो आगो सल्किने र त्यसले ठूलो मानवीय क्षति निम्त्याउन सक्ने उनले बताए ।

डिजेल प्रज्वलनशील भएकै कारण यसलाई अनाधिकृत बिक्रीमा रोक लगाइएको तथा ट्यांकरमा अति प्रज्वलनशील पदार्थ भनि लेखेरै ढुवानी गरिने गरिएको उनको भनाइ छ ।

यस्ता सवारी साधन दुर्घटना लगत्तै सुरक्षा गर्नु पर्ने प्रहरी पनि तेल भर्न लाग्नु भने लज्जाको विषय भएको निगमले जनाएको छ ।

 

भर्खरै प्रकाशित

प्रशिक्षक अब्दुल्लाहको आरोपपछि एन्फा उपाध्यक्ष नेम्वाङले यस्तो भने

सामाजिक सञ्जालमा फुटबलका मुख्य प्रशिक्षक अबदुल्लाह अल्मुताइरीले राजीनामाको घोषणा गरे पनि अखिल नेपाल फुटबल संघ (एन्फा)ले आधिकारि रूपमा नआएको जनाएको छ। उपाध्यक्ष पंकजविक्रम नेम्वाङका कारण…

माधवकुमार नेपाललाई बराबरी अधिकारसहित दोस्रो अध्यक्ष

नेकपा एमालेभित्र आन्तरिक विवाद समाधान गर्न दबाब बढिरहेका बेला माधवकुमार नेपाल पक्षका नेताले समान अधिकारसहित सम्मानजनक एकता आवश्यक रहेको बताएका छन्। नेता नेपालले रायसुझावका लागि…

राज कुन्द्राको बचाउ गर्दै शिल्पाको बयान–‘उनले पो’र्न होइन इराटिक फिल्म…

पो’र्न फिल्म बनाएको आरोपमा प’क्राउ परेका आफ्ना श्रीमान् राज कुन्द्राको बचाउ गर्दै नायिका शिल्पा सेट्टीले उनी निर्दोष रहेको बयान दिएकी छिन् । मुम्बई पुलिसको क्रा’इम…

चाइनाको भेरोसेल खोप र अमेरिकाको जोन्सन खोपमा कुन लगाउँदा राम्रो…

काठमान्डौ । चाइनाको भेरोसेल खोप र अमेरिकाको जोन्सन खोपमा के फरक छ ? कुन राम्रो ? जोनसन खोप रुघा लाग्ने एडेनो भाइरसमा कोरोना भाइरसका स्पाइक…

अबको २६ वर्षमा भारत, अमेरिका र चीन बराबर धनी हुन्छ…

काठमाडौँ । भारतीय अर्बपति मुकेश अम्बानीले अबको २६ वर्षभित्र भारत, अमेरिका र चीन सरह बराबरी धनी हुने दावी गरेका छन् । भारतको सबैभन्दा धनी र…