नेकपामाथिको प्रतिबन्ध फिर्ता हुँदै, विप्लव वार्ताको एजेण्डा तय गर्दै

काठमाडौँ । नेपाल कम्युनिस्ट पार्टीमाथिको प्रतिबन्ध फुकुवाको गृहकार्यमा सरकार जुटेको छ । नेकपाका महासचिव विप्लवले शनिबार एक विज्ञप्ति जारी गरेर आफूहरु सरकारसँग वार्ताको लागि सकारात्मक भएको जानकारी गराएका थिए ।

त्यसैगरी प्रधानमन्त्री केपी शर्मा ओलीले शनिबार नै विराटनगरमा भएको जनसभामा नेकपामाथिको प्रतिबन्ध फिर्ता लिने घोषणा गरेका थिए । विप्लवको विज्ञप्ति आएसँगै सरकारले प्रतिबन्ध फिर्ता लिने गृहकार्य गरेको हो ।

परराष्ट्रमन्त्री प्रदिप ज्ञावलीले विप्लवको विज्ञप्तिलाई सरकारले सकारात्मक रुपमा लिएको भन्दै वार्ताको लागि आवश्यक तयारी भइरहेको संचारमाध्यमहरुलाई बताइसकेका छन् । उनले वार्ताको लागि आवश्यक पर्ने कार्यहरु सरकारले अगाडि बढाएको बताए । मन्त्री ज्ञवालीले घुमाउरो भाषामा नेकपामाथिको प्रतिबन्ध फिर्ता लिने बताएका बताएका छन् ।

एक मन्त्रीका अनुसार भोलि (सोमबार) बस्ने मन्त्रिपरिषद् बैठकले नेकपामाथिको प्रतिबन्ध फिर्ता लिएको निर्णय गर्ने जानकारी दिए । “सोमबारको मन्त्रिपरिषद् बैठकले विप्लवजीमाथिको प्रतिबन्ध फिर्ता लिने गरी सरकारले तयारी गरेको छ । तयारी पूरा भएमा भोलि नै प्रतिबन्ध फिर्ता हुन्छ” उनले भने । कुनै कारण भोलि ढिला भयो भने मंगलबारसम्म प्रतिबन्ध फिर्ता भइसक्ने उनले अनलाइन डबलीसँग बताए ।
त्यसैगरी नेकपाले पनि वार्ताबारे छलफल अगाडि बढाएको छ । शनिबार विप्लवले पार्टीका गतिविधि सहज हुने वातावरण भए सरकारसँग वार्ताको लागि सकारात्मक भएको बताएका थिए ।

त्यसअघि फागुन १ जनयुद्ध दिवसको अबसरमा विप्लवले जारी गरेको विज्ञप्तिमा संसदीय व्यवस्था वा वैज्ञानिक समाजवादी व्यवस्था भन्नेमा जनमतको आधारमा फैसला गर्न सकिने बताएका थिए । “सार्वभौमसत्ता सम्पन्न जनताको जनमतद्वारा वैज्ञानिक समाजवाद कि पूँजीवादको फैसला गर्ने” जनयुद्ध दिवसको अबसरमा विप्लवद्वारा जारी विज्ञप्तिमा उल्लेख थियो ।

नेकपा, क्रान्तिकारी माओवादी, वैज्ञानिक समाजवादी पार्टी र ऋषि कट्टेल नेतृत्वको नेकपाबीच रणनैतिक मोर्चाबन्दी भएको छ । मोर्चाले पहिलो चरणमा बुटवल, धनगढीलगायतका स्थानमा जनसभा गर्ने निर्णय गरेको थियो । बुटवलको जनसभा सम्पन्न भइसकेको छ भने मोर्चाका नेताहरु धनगढीको जनसभामाको तयारीमा जुटेका छन् ।

(नेकपा)को विभाजनसँगै सरकारले जनयुद्धका बाँकी काम गर्ने बताउँदै आएको छ । जनमुक्ति सेना, बहिर्गमित जनमुक्ति सेनाका विषय, घाइते तथा अपांगलगायतका विषयमाम पनि सरकारले कार्यदल नै बनाएर हल गर्न छलफल गरिरहेका छ ।

भर्खरै प्रकाशित

फागुनमा सकिँदैछ मेयर शाक्यको पाँचवर्षे कार्यकाल, कहाँ पुग्यो नगरवासीले चढ्ने…

आजभन्दा चार वर्षअघि काठमाडौं महानगरपालिकाको मेयरमा चुनाव लड्दै गर्दा विद्यासुन्दर शाक्यले आफ्नो कार्यकालमा काठमाडौंमा मेट्रो रेल र मोनो रेल कुदाउने प्रतिवद्धता जनाएका थिए । मेयर…

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…

यी हुन् स्वास्थ्यमन्त्री शेरबहादुर तामाङले १९ दिनमा गरेको चार वटा…

काठमाडौं । पूर्वमन्त्री शेरबहादुर तामाङले आफूले स्वास्थ्य मन्त्रालय सम्हालेपछि गरेका काम सार्वजनिक गरेका छन् । बुधबार फेसबुकमार्फत मन्त्री तामाङले १९ दिनमा गरेको चार वटा कामको…

यूएईले अनुमति दिएका यी दुई खोप लगाएपछि मात्र प्रवेश अनुमति…

काठमाण्डौ । गएको वैशाख पाँच गते यूएईबाट बिदामा नेपाल फर्कनुभएका मोरङ बेलबारीका रमेशप्रसाद भट्टराईलाई कम्पनीले दिएको बिदा सकियो । ६५ दिनको बिदामा आउनुभएका उहाँ अवस्था…