म्यानमारमा भएको सैन्य ‘कू’को काठमाडौंमा विरोध

१९ माघ, काठमाडौं । म्यानमारमा भएको सैन्य ‘कू’को काठमाडौंमा विरोध भएको छ । बृहत नागरिक आन्दोलनका अभियन्ताहरूले सोमबार दिउँसो ४ः३० बजे माइतीघर मण्डलामा भेला भएर नेपालमा जस्तै प्रतिगमन सुरु भएको भन्दै विरोध गरेका हुन् ।

आइतबार सिफलमा विरोध प्रदर्शन गरेको नागरिक अभियन्ताहरूले माइतीघरमा आकस्मिक विरोध प्रदर्शन गरे ।

दिउँसो अनामनगरमा बसेको ‘बृहत् नागरिक आन्दोलन’को बैठकले लोकतन्त्र एउटा देशसँग मात्र सम्बन्धित नहुने निचोड निकाल्दै तत्काल विरोध गर्ने निर्णय गरेको थियो । बैठकपछि अभियन्ताहरू युग पाठक, नारायण वाग्ले, राजेन्द्र महर्जन, अर्चना थापा, सञ्जीव उप्रेती, रीता परियार लगायतको टोली माइतिघरतर्फ लागेका थिए ।

विरोध प्रदर्शनमा ‘म्यानमारी जनताको अधिकार फिर्ता गर’, ‘हामी म्यानमारको जनताको पक्षमा छौं’ लगायतका ब्यानर बोकेर अभियन्ताहरूले प्रदर्शन गरेका थिए । उनीहरूले सैनिक सत्तामाथि विश्व समुदायको कहिल्यै साथ नहुने भन्दै शान्तिपूर्ण भेलासहित आफ्ना कुरा राखे ।

प्रदर्शनमा बोल्दै अभियन्ता सागर परियारले विश्वको जुनसुकै देशको लोकतन्त्रमाथि आक्रमण भए पनि त्यो सह्य नहुने बताउँदै सैन्य ‘कू’को भर्त्सना गरे । परियारले भने, ‘कुनै पनि ‘कू’ स्वतन्त्र नागरिकले स्वीकार गर्न सक्दैन । अझ म्यानमारको सन्दर्भमा त्यहाँ निकै जटिल अवस्था छ । यसैले तत्काल लोकतन्त्र बहाली हुनुपर्छ ।’

यता प्रदर्शनलाई सम्बोधन गर्दै विश्लेषक उज्ज्वल प्रसाईंले म्यानमारको कूबाट नेपाली नागरिकले पनि पाठ सिक्दै सचेत हुनुपर्ने बताए । प्रसाईंका अनुसार नेपालमा पनि कमजोर प्रतिपक्षको फाइदा उठाउँदै जुनसुकै बेला कू हुन सक्नेछ । ‘पुसमा संसद विघटन भयो, माघमा सैन्य अभ्यास भन्दै बख्तरबन्द गाडी सहरमा घुमाइँदैछ’ प्रसाईंले भने, ‘यो प्रतिकूल अवस्थामा हाम्रो लोकतन्त्रमाथि प्रहार हुने सम्भावना धेरै हुन्छ ।’

केपी ओली सरकारले धर्म निरपेक्षता, संघीयता, संसदलाई निरन्तर प्रहार गर्नु सैन्य कूकै शैली भएको प्रसाईंको मत थियो ।

बृहत नागरिक आन्दोलनका अभियन्ता युग पाठकले म्यानमारको लोकतन्त्रमाथि मात्र नभएर समग्र विधिको शासनमाथि सैन्य आक्रमण भएको टिप्पणी गरे । उनले अनलाइनखबरसँग भने, ‘लोकतन्त्रमाथि प्रहार हुँदा चुप बस्नै मिल्दैन भन्ने सोचले सडकमा आएका हौं । हामी म्यानमारी जनताको अधिकारको लागि आवाज बुलन्द गर्नेछौं ।’

माइतीघरबाटै अभियन्ता अनुभव अजितले आफू म्यानमार गएको अनुभव सुनाउँदै त्यहाँ रहेका नेपाली मूलका म्यानमारी जनताको जीवनरक्षाको माग राखे । ‘नेपाल र म्यानमारबीच धेरै समाजिक–आर्थिक समानता छ’, अजितले भने, ‘यसर्थ नेपाली जनता म्यानमारको घटनाले चिन्तित हुँदा विश्व समुदायले पनि म्यनमारमाथि चासो राख्नुपर्छ ।’

विश्लेषक राजेन्द्र महर्जनले पनि विश्व परिवेशमा लोकतन्त्रमाथि एकपछि अर्को आक्रमण भएको टिप्पणी गरे । महर्जनका अनुसार निरंकुश शक्तिले लोकतन्त्र, विश्वशान्ति र अग्रगमनमा खलल पुर्‍याइरहेको छ ।

विरोध प्रदर्शनमा युवा टोलीको सक्रिय उपस्थिति थियो । विश्वविद्यालय पढ्दै गरेका युवा अभियन्ताहरू विवश बाबु, देवव्रत, बच्चु हिमांशुलगायतले म्यानमारको सैन्य ‘कू’को खुलेर विरोध गरे । बृहत् नागरिक आन्दोलनले मंगलबार सहीद शुक्रराज र गंगालालको सम्मानमा उनीहरूलाई गोली हानिएको स्थान शोभा भगवतीमा कार्यक्रम गर्दैछ ।

भर्खरै प्रकाशित

कुटपिटको अभियोगमा ज्वाला संग्रौलासहित तीन जना पक्राउ

काठमाडौं । प्रहरी कार्यालयमा महिलामाथि कुटपिट गरेको अभियोगमा आफूलाई अभियन्ता बताउने ज्वाला संग्रौलासहित तीन जना पक्राउ परेका छन् । काठमाडौं प्रहरी प्रमुख एसएसपी अशोक सिंहका…

१५९ बोरा अवैध धानको बिउ खाल्डोमा पुरेर नष्ट

गत जेठमा चितवन र नवलपुरबाट नियन्त्रणमा लिइएको ५ हजार ६ सय ९५ किलो अवैध धानको बिउ आइतबार खाल्डोमा पुरेर नष्ट गरिएको छ। कृषि ज्ञान केन्द्र…

उपत्यकामा निजी गाडी चलाउन दिने तयारी, साँझ ५ बजे सिडिओको…

काठमाडौं । उपत्यकामा निषेधाज्ञा थप गर्दा निजी सवारी साधनलाई सञ्चालन गर्न दिने प्रशासनले तयारी गरेको छ । जोर–विजोर प्रणालीमा चल्न दिने वा अरु नियम लगाउने…

थर थाहा पाएर कोठा नदिने घरबेटी प’क्राउ

थरका कारण तनहुँकी २४ वर्षीय रूपा सुनारलाई कोठा नदिने घरबेटी प’क्राउ परेकी छन्। काठमाडौंको बबरमहलस्थित प्रधान थरकी महिलालाई महानगरीय प्रहरी वृत्त सिंहदरबारले प’क्राउ गरेको महानगरीय…

कहिलै नछुट्टिने भनेर १२३ दिनसम्म सँगै हतकडी लगाएका जोडीले टिभीमै…

आखिर सम्बन्ध बिग्रिसकेको छ र मन टुटिसकेको छ भने जति बल गर्दा पनि विवाह बन्धन टिक्न सक्दो रहेनछ । युक्रेनमा एक जोडीको हकमा यस्तै भएको…