ओलीलाई प्रचण्डको प्रश्न: छोराछोरीलाई बन्दुक बोकाएर जंगल लानु मेरो दोष हो ?

विराटनगर । नेपाल कम्युनिस्ट पार्टी (नेकपा) प्रचण्ड–नेपाल समूहले शुक्रबार विराटनगरमा विरोधसभा गरेको छ । विराटनगरस्थित महेन्द्रचोकको सडकमा विरोधसभा गरेको हो ।

शुक्रबार एउटै मञ्चबाट पुष्पकमल दाहाल ‘प्रचण्ड’ र माधवकुमार नेपाल, वरिष्ठ नेता झलनाथ खनाल र योगेश भट्टराईले विरोधसभालाई सम्बोधन गरे ।

सभालाई सम्बोधन गर्दै नेता नेपालले नेकपा भित्र तमासा गर्ने एक मात्र व्यक्ति प्रधानमन्त्री केपी ओली भएकाले उनले चालेका कदमको विरोधमा दैनिक सडकमा नागरिक थपिने क्रम बढेको बताए ।

‘जनताको त्याग र बलिदानबाट आएको संविधानको घाँटी रेट्ने काम केपी ओलीबाट भएको छ,’ उनले भने ‘आफूलाई प्रथम अध्यक्ष भन्ने तर पार्टीलाई नमान्ने एक मात्र पार्टी भित्रको तमासा गर्ने व्यक्ति केपी ओलीनै हुन्।’

नेता नेपालले प्रतिनिधिसभा विघटन गरेर पछारिएपछि पनि खुट्टा उचालेर ओलीले मेरो खुट्टा माथि नै छ भनिरहेको आरोपसमेत लगाए । वकिल, पूर्वप्रधानन्यायाधीश, पत्रकार, नागरिक समाजलाई सबैलाई ओलीले अपमान गरेको नेपालको आरोप छ ।

छोराछोरीलाई बन्दुक बोकाएर जंगल लानु मेरो दोष हो ?

सभालाई सम्बोधन गर्दै प्रचण्डले प्रधानमन्त्री ओलीलाई प्रतिक्रियावादी एजेण्टले सार्वभौम संविधानलाई अतिक्रमण गरेको आरोप लगाए । उनले प्रधानमन्त्री ओलीलाई भष्मासुर भन्दै प्रतिक्रियावादीको एजेन्ट र दालल भएर संसद विघटन गरेको बताए ।

चुनावी अभियानको बेला छोराको त्यही सेरोफेरोमा आफ्नो छोरीको पनि निधन भएको सम्झिँदै प्रचण्डले देशलाई समाजवादको दिशामा लागेर अहिलेका युवा युवतीलाई उज्यालो पार्ने आफ्नो सपना रहेको बताए । आफ्ना नाता गोतालाई मात्र हेर्ने गरेको आरोप ओलीले आफूलाई लगाएको भन्दै उनले ओलीलाई ‘नपुंसक’को संज्ञा दिए । ‘म नपुंसक नहुनु मेरो दोष हो ?, आफैँलाई प्रश्न गर्दै भने, ‘म नपुंसक भइन, म निसन्तान भइन, के मेरो दोष हो ? मैले अमेरिका छोराछोरी पठाइन, छोराछोरीलाई म सँगै बन्दुक बोकाएर जंगल लिएर गएँ त्यो मेरो दोष हो ?’ उनले भने ।

प्रचण्डले देश कोरोना महामारीले आक्रान्त भएको बेला औषधि ल्याउनका लागि भ्रष्टाचार गर्ने व्यक्तिलाई च्यापेको, ७० करोड भ्रष्टाचार गर्नेलाई ओलीले जोगाएको समेत आरोप लगाए ।

प्रचण्डले प्रतिनिधि सभा भंग नभएको दोहोर्याउँदै केपी ओलीले गुण्डागर्दी शैलीमा जे गर्यो त्यही नहुने भन्दै र संविधान अनुसार संसद भंग नभएको दाबी गरे । संविधानमा नभएको अधिकार प्रयोग गरेर गरिएको संसद विघटन स्वीकार्न नसक्ने भएकाले सभामुख मार्फत संसद बोलाउन सक्ने दाबी उनले गरे ।

सभालाई सम्बोधन गर्दै नेता योगेश भट्टराईले यस्तो समयमा पनि कांग्रेस मौन बस्नु कांग्रेसका पूर्व नेताहरुको अपमान भएको बताए । ‘पहिले संविधान विरोधी काम हुँदा र प्रतिनिधिसभा विघटन हुँदा कांग्रेस सडकमा थियो,’ उनले भने, ‘अहिले कांग्रेस मौन बस्नु आफ्नो इतिहास बिर्सनु हो ।’

विरोधसभामा उपस्थित नेकपा नेता तथा कार्यकर्ता । विरोधसभामा उपस्थित कार्यकर्ता ।

भर्खरै प्रकाशित

कतार प्रहरीमा शून्य लागतमा भर्ना प्रक्रिया हुनुपर्ने सर्त नमानेर म्यानपावरले…

काठमाडौँ । कतारका लागि नेपाली राजदूत नारदनाथ भारद्वाजलाई गत वर्ष सेप्टेम्बर २७ मा कतारको आन्तरिक मन्त्रालयका उच्च अधिकारीले एउटा सुखद खबर सुनाए । त्यो थियो, त्यहाँको…

राष्ट्रिय सहमति कायम गरेर छिटै एमसीसी पारित गरौं : बाबुराम…

काठमाडौं । पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले राष्ट्रिय सहमति कायम गरेर अमेरिकी सहयोग परियोजना एमसीसी सम्झौता पारित गर्न सुझाव…

काममा असाध्यै व्यस्त थिएँ, राज कुन्द्रा के गरिरहेका थिए मलाई…

राज कुन्द्रा पोर्नोग्राफी केसमा मुम्बई क्राइम ब्रान्चले २३ जुलाईमा शिल्पा शेट्टीको बयान दर्ता गरेको थियो । एक भारतीय सञ्चार माध्यमले शिल्पाले प्रहरीलाई दिएको बयानको विस्तृत…

बागमती प्रदेशमा पनि बादल नै एमाले इन्चार्ज !

काठमाडौं । नेकपा एमाले काठमाडौंले गरेको प्रशिक्षणलाई बागमती प्रदेश इन्चार्जको भूमिकामा रामबहादुर थापा बादलले सम्बोधन गरेका छन् । कमलादीस्थित प्रज्ञाभवनमा जिल्ला स्तरीय प्रशिक्षणमा बादल प्रदेश…

सेतो पुतली आतंक : १८ वर्षे युवाको गुम्यो ज्योति, ५–१५…

लालप्रसाद शर्मा, घनश्याम खड्का, अगन्धर तिवारी (कान्तिपुर) पोखरा/म्याग्दी/पर्वत । म्याग्दीको बेनी–७ बेनीबजारका १८ वर्षीय अमृत पुनको देब्रो आँखामा भदौ १३ मा सेतो पुतलीको झुस परेर…