चुनाव हार्ने डरले प्रचण्ड-माधव समूहले सडक तताइरहेको आरोप

बर्दिबास । केपी ओली समूहका स्थायी समिति सदस्य तथा पूर्वमन्त्री रघुवीर महासेठले प्रचण्ड-माधव समूहले चुनाव हार्ने डरले सडक तताइरहेको आरोप लगाएका छन् ।

‘नयाँ निर्वाचनले संविधान र संघीयता संकटमा परेको होइन कि प्रचण्ड र माधवजीको स्वार्थ संकटमा परेको हो । हाम्रो आँखा बैशाखमा हुने प्रतिनिधि सभाको चुनावमा छ,’ नेता महासेठले भने ।

प्रधानमन्त्री ओली समूहको बर्दिबास नगरस्तरीय भेलालाई सम्बोधन गर्दै उनले नेकपा पार्टी फुटको अन्तिम मोडमा पुगेको पनि बताए । ‘काम गर्न पनि नदिने, सरकारको राम्रो कामलाई जनताको बीचमा पनि नलाने अनि नयाँ जनादेशका लागि जनतामा जाने प्रधानमन्त्री ज्यूको कदम कसरी असंवैधानिक भयो ?’उनले सोधे ।

सर्वोच्च अदालतमा रहेको संसद विघटनसम्बन्धी मुद्दाको फैसला आफुहरुको पक्षमा हुने उनले जिकिर समेत उनले गरेका छन् । ‘सर्वोच्च अदालतले जे निर्णय गर्छ, हामी त्यही मान्न तयार छौँ,’उनले भने,‘संसद विघटनको पक्षमा फैसला सुनायो भने हामी चुनावमा जान्छौँ । संसद पुर्नस्थापनाको फैसला गर्‍यो भने हामी आन्दोलन गर्दैनौँ ।’

प्रधानमन्त्रीको पक्षमा अदालतको फैसला आउनेमा उनको विश्वास थियो । ‘संविधान अनुसार नै प्रधानमन्त्री ज्यूले संसद विघटन गर्नुभएको हो । त्यसैले हाम्रो पक्षमा अदालतको फैसला आउँछ,’उनले ठोकुवा गरे ।

‘जनतालाई तर्साएर, डराएर प्रतिपक्ष बन्दुक उठाएर फेरि मांसहारी आन्दोलन गर्न खोज्दैछन्,’प्रचण्डलाई लक्षित गर्दै उनले भने,‘देशमा अर्को जनयुद्धको आवश्यकता छैन ।’

भर्खरै प्रकाशित

एमाले सांसदहरुले तत्काल राजीनामा दिनुपर्छ : बाबुराम भट्टराई

सत्ता साझेदार जनता समाजवादी पार्टीका संघीय परिषद अध्यक्ष डा.बाबुराम भट्टराईले नेकपा एमालेका सांसदहरुलाई पदबाट राजीनामा दिन चुनौति दिएका छन् । पूर्वप्रधानमन्त्री समेत रहेका भट्टराईले संसदलाई…

पाइलट एजी शेर्पा : जस्ले ७३ जनालाई नयाँ जीवन दिए

काठमाडौं । एजी शेर्पा अर्थात् ७३ जना यात्रुको जीवन फर्काइदिने भगवान । ‘हामफाल्छौँ, नबाँचिनेरहेछ’ भनेर जीवन माया मारेर चिच्याउँने यात्रुको मुहारमा खुसी ल्याइदिए पाइलट एजी…

भारतको सीमामा ५० हजार चिनियाँ सैनिक, नियन्त्रण रेखामा ठूलो संख्यामा…

काठमाडौं। भारत चीन सीमा क्षेत्र पूर्वी लद्दाखको वास्तविक नियन्त्रण रेखा (एलएसी) मा चीनले ५० हजार सैनिक तैनाथ गरेको छ । यस क्षेत्रमा चिनियाँ सेनाले ठूलो…

परराष्ट्रमन्त्री अमेरिका पुगेपछि भने, ‘एमसीसी संशोधन हुन सक्दैन, जसरी पनि…

काठमाडौं । परराष्ट्रमन्त्री डा. नारायण खड्काले अमेरिकी सहयोग परियोजना (एमसीसी) संशोधन हुन नसक्ने बताएका छन् । संयुक्त राष्ट्रसंघको ७६ औं महासभामा भाग लिन न्युर्योक पुगेका…

विमानका यात्रुको अनुभव : एयर होस्टेसको आँखामा आँसु थियो, हामीले…

११ असोज, काठमाडौं । सोमबार काठमाडौंबाट उडेको वुद्ध एयरको विमान विराटनगर विमानस्थलमा अवतरण हुन नसकेपछि फेरि काठमाडौं फर्कियो । त्रिभुवन विमानस्थलमा पनि सहजै अवतरण हुन…