भाइरल सचिन : राजेश हमालसँग भिडियोदेखि ‘मेरी बास्सै’मा अभिनयसम्म

नेपाली गीतसंगीत पछिल्लो केही समयदेखि भ्यूज, ट्रेन्डिङ र टिकटकमा रमाएको छ । गीत सफलताको मापन त्यसको शब्द, संगीत, स्वर र भिडियो भन्दा पनि भ्यूज, ट्रेन्डिङ र टिकटकका आधारमा निर्भर हुने गरेको छ ।

यसैले पनि होला, नेपाली म्यूजिक भिडियोमा टिकटकमा राम्रो फलोअर्स कमाएका अनुहारदेखि सामाजिक संजाल र युटुबमा भाइरल भएका व्यक्तिहरु देखिने गरेका छन् ।

पछिल्लो केही समयदेखि गुल्मीका ९ बर्षिय बालक सचिन परियार नेपाली म्यूजिक भिडियो र युटुबमा चर्चामा छन् । हुनत, यसरी चर्चामा आउने सचिन पहिलो पात्र भने होइन । ‘तरकारीवाली’देखि थुप्रै अनुहारले क्षणिक चर्चाको स्वाद चाखिसकेका छन् । तर, अधिकांश अहिले कहाँ छन् कमैलाई मात्र थाहा होला ।

सचिन परियार एक युटुब च्यानलमा अन्तरवार्ता दिएपछि एकाएक भाइरल भए । सचिनको रमाइलो तरिकाले बोल्ने शैली तथा आनीबानी धेरैलाई रोचक लाग्यो । उनको यही शैलीले अन्तरवार्ता हेर्नेको संख्या लाखौ पुग्यो । उनले बोलेका शब्दहरु टिकटकमा भाइरल भए । टिकटकदेखि चलचित्रमा समेत चलेका कलाकारले उनको संवादमा मुख चलाए ।

उनै सचिनले ‘इन्द्रेणी’कार्यक्रममा पुगेर बालगायिका आयुषा गौतमसँग रमाइलोका साथ गीत गाए ।

लगत्तै सचिन परियारको पहिलो गीत भनेर सार्वजनिक भयो, ‘ओठ खोलेर’ । सचिन परियारसँगै अर्की बाल गायिका रबिना बसेल लगायतको स्वर रहेको गीतलाई युटुबमा राम्रै दर्शकले हेरे । हालसम्म यो गीतको भिडियोलाई ६७ लाख बढी पटक हेरिसकिएको छ । भिडियोमा सचिनलाई रमाइलो तरिकाले प्रस्तुत गरिएको छ ।

लोकदोहोरीमा चलेकी मोडल करिष्मा ढकाल लगायतले भिडियोमा अभिनय गरेका छन् ।
त्यसपछि सचिनको दोस्रो गीत सार्वजनिक भयो, ‘रातो रबर’ । सचिन र रबिना बसेलको स्वर रहेको गीत सार्वजनिक भएको एक सातामा युट्युबमा ११ लाख बढीले हेरेका छन् । अहिले यो गीत युटुब ट्रेन्डिङको पाँचौ स्थानमा छ ।

यसअर्थमा, सचिन अहिले ट्रेन्डिङको अग्रपंक्तिमा छन् । सचिनले ‘ढाका चोली’बोलको गीतको भिडियोमा अभिनय गरे । यस्तै सचिनले अभिनय गरेको अर्को भिडियो ‘रुमाल खस्छ की’ पनि सार्वजनिक भयो । गतवर्ष युट्युबमा भाइरल होचो कदकी मुना मगर र सचिनको अभिनयमा सार्वजनिक गीतलाई पनि युटुबमा ६ लाख भन्दा बढी पटक हेरिएको छ ।

नेपाली चलचित्रका चर्चित नायक राजेश हमालसँग काम गर्ने सपना धेरैको हुन्छ । तर, सचिनले यो सपना पुरा गर्नका लागि लामो समय पर्खिनुपरेन । भाइरल बालक सचिनसँग हमालले पनि कम्मर मर्काए । भिडियोमा सचिनले राजेश हमालको ‘हे…’ बोलको संवाद समेत बोलेका छन् ।

‘बरको छायाँले’बोलको गीतमा सचिनले राजेशसँग अभिनय गरेका हुन् । यो गीतको भिडियो सार्वजनिक भएको तीन दिनमात्र भयो । तीन दिनमा भिडियोलाई युटुबमा ९ लाख भन्दा बढीले हेरेका छन् । यो भिडियोले पनि ट्रेन्डिङमा कब्जा जमाएको छ ।

रोचक कुरा त के भने, नायक राजेश हमालले लकडाउनपछि काम गरेका भिडियोहरुमा सबैभन्दा छोटो समयमा धेरै हेरिएको भिडियो ‘बरको छायाँले’ हो । सचिनले भिडियो मात्र होइन, हाँस्य टेलिसिरियल ‘मेरी बास्सै’मा समेत अभिनय गरिसकेका छन् ।

अहिले युटुबमा सचिन मात्र छन् भन्दा हुन्छ । जुन, केही महिना अगाडि अरु कसैको नाममा थियो । सचिनलाई म्यूजिक भिडियो निर्माताहरुले भाइरल बालकको रुपमा मात्र प्रयोग गर्छन् या उनको प्रतिभालाई चिनेर अगाडि बढाउँछन् त्यो केही समयमै देखिनेछ । तर, सचिनको चर्चा के सधै यसरी नै होला त ? कि सचिनको ठाउँ केही महिनामै अर्को भाइरल व्यक्तिले लिनेछन् ? यो भने मुख्य प्रश्न हो ।

भर्खरै प्रकाशित

न्यायालयबाट भएका पछिल्ला केही फैसलाप्रति प्रधानमन्त्री ओलीको असन्तुष्टि

प्रधानमन्त्री केपी शर्मा ओलीले न्यायालयबाट भएका पछिल्ला केही फैसलाप्रति आपत्ति जनाएका छन् । नेपाल टेलिभिजनलाई बिहीबार अन्तरवार्ता दिँदै प्रधानमन्त्री ओलीले पछिल्लो समय सर्वोच्च अदालतले सरकारका…

मन्त्रीहरूको कार्यभार तोकियो, स्वास्थ्य तथा जनसंख्या मन्त्रालयको कार्यभार कृष्णगोपाल श्रेष्ठलाई

काठमाडौँ । राष्ट्रपति विद्यादेवी भण्डारीले प्रधानमन्त्री र मन्त्रीहरूको कारभार तोकेकी छन् । प्रधानमन्त्री केपी शर्मा ओलीको बिहीबारको सिफारिसबमोजिम कार्यभार तोकिएको राष्ट्रपति कार्यालयले जनाएको छ ।…

समर्थकले रोनाल्डोलाई कोकको बोतलले हा’नेपछि….

पोर्चुगलका स्टार क्रिस्टियानो रोनाल्डो निकै फर्ममा देखिएका छन् । उनले जारी युरो कपका समूह चरणका तीनवटै खेलमा गोल गरे । फ्रान्स विरुद्धको खेलमा २ गोल…

चीनको धम्किबाट जव ताइवान नडराई यस्तो भन्यो

ताइवानले चीनसँग हुने यु’द्धको लागि तयार रहनुपर्ने समय आएको बताएको छ। ताइवानको सीमा क्षेत्रमा बढ्दो चिनियाँ सैन्य गतिविधिले यु’द्धको सम्भावना निम्तिएको ताइवानका विदेशमन्त्री जोसेप वुले…

माइतीघरमा शिक्षामन्त्रीको पुत्ला दहन, जातीय विभेदविरुद्ध प्रदर्शन

काठमाडौं । काठमाडौंको माइतीघरमा जातीय विभेदविरुद्ध दलित अधिकारकर्मी र विद्यार्थीहरुले प्रदर्शन गरेका छन् । ‘मान्छे भएर बाँच्ने अधिकार सुनिश्चित गर’ लेखिएको ब्यानरसहित अधिकारकर्मीले प्रदर्शन गरेका…