यस कारण फेरी बन्द हुनेभयो ‘द कपिल शर्मा शो’

चर्चित भारतीय टेलिभिजन कार्यक्रम ‘द कपिल शर्मा शो’ बन्द हुने भएको छ। विगत दुई वर्षदेखि दर्शकलाई मनोरञ्जन प्रदान गर्दै आएको हास्यप्रधान ‘द कपिल शर्मा शो’ ले यही फेब्रुअरी मध्यबाट केही समयका लागि ‘ब्रेक’ लिन लागेको भारतीय अखबार टाइम्स अफ इन्डियाले जनाएको छ।

सन् २०१८ डिसेम्बरदेखि कार्यक्रम सञ्चालन भइरहेको यो शाेका प्रस्तोता कमेडियन कपिल शर्मा हुन् भने उनीसँगै किकु शारदा, कृष्णा अभिषेक, भारती सिंह, अर्चना पुरन सिंहलगायत कमेडियनको प्रस्तुति छ।

‘रिपोर्टहरू अनुसार कार्यक्रम बन्द गरेर के गर्ने भन्ने योजना छैन। द कपिल शर्मा शो विभिन्न कारण दर्शकमाझ निकै रूचाइएको कार्यक्रम हो। कार्यक्रममा उपस्थित दर्शक र उनीहरूको कथा मुख्य कारण थियो,’ एक श्रोतले टाइम्स अफ इन्डियालाई भनेका छन्, ‘तर महामारी कारण लाइभ दर्शकको कमी छ। फिल्महरू सार्वजनिक हुन पाएका छैनन्।

बलिउड कलाकारहरू कार्यक्रममा आउन पनि डराइरहेका छन्। यस्तोमा निर्माण टोलीले कार्यक्रम सञ्चालनबाट ब्रेक लिँदा उचित ठाने कि भन्ने छ।’

अहिले कपिलकी श्रीमती गिन्नी दोस्रो बच्चासँगै गर्भवती छिन्।

‘कपिललाई यस कारण पनि ब्रेक चाहिएको हुन सक्छ। यता काम भएन भने घर र परिवारलाई समय दिन भ्याउँछन्। द कपिल शर्मा सो तीन महिनापछि, अवस्था सामान्य भएसँगै पुनः सञ्चालन हुनसक्ने सम्भावना छ।’

यद्यपि कपिलले ‘द कपिल शर्मा शो’को अहिलेको सिजन बन्द गर्ने र नयाँ सिजन सुरु गर्ने विषयमा कुनै घोषणा गरेका छैनन्।

कपिलले हालै आफूले डिजिटल प्लेटफर्म नेटफ्लिक्ससँग सहकार्य गर्न लागेको खुलाएका थिए। इन्स्टाग्राममा भिडिओ सेयर गर्दै उनले लेखेका थिए, ‘यहाँ निकै खुसीको कुरा छ। हल्लाहरूको पछि नलाग्नुस्! म छिट्टै नेटफ्लिक्समा आउँदैछु।’

भर्खरै प्रकाशित

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…