प्रचण्डको आक्रोश : प्रतिगमनविरुद्ध बरु मर्न तयार छु तर झुक्दिनँ

काठमाडौं । नेपाल कम्युनिस्ट पार्टी (नेकपा) अध्यक्ष पुष्पकमल दाहाल ‘प्रचण्ड’ले प्रतिनिधिसभा पुर्नस्थापनाका लागि कुनै हालतमा नझुक्ने बताएका छन् । प्रतिगमनविरुद्ध संघर्षका लागि आफू मर्न तयार रहेको तर, नझुक्ने बताएका हुन् ।

आइतबार राजधानीमा आयोजित उपत्यकास्तरीय विद्यार्थी भेलालाई सम्बोधन गर्दै प्रचण्डले यस्तो बताएका हुन् ।

प्रधानमन्त्री केपी ओली र प्रतिनिधिसभा विघटनविरुद्ध आक्रोशित ढंगले प्रस्तुत भएका प्रचण्डले अखिल नेपाल राष्ट्रिय स्वतन्त्र विद्यार्थी युनियनको भेलालाई सम्बोधन गर्दै यस्तो बताएका हुन् । उनले युवा विद्यार्थीलाई अझ जुझारु र आक्रमक कार्यक्रम ल्याउनसमेत निर्देशन दिए । उनले देशलाई अध्यारो भड्खालोमा हालेको हेर्न नसक्ने प्रष्ट पारे ।

‘विद्यार्थी साथीहरु तपाईहरु अलि जुझारु र आक्रमक कार्यक्रम बनाउनुहोस् । हामी नेतृत्व गर्न अन्तिमसम्म पनि तयार छौँ’, विद्यार्थीलाई निर्देशन दिनेक्रममा प्रचण्डले भने, ‘देशलाई अध्यारो भड्खालोमा हालेको धेरै बेर हेर्न सकिँदैन । हिजो पनि मर्न हिँडेको हो । मर्नुपरे मर्न तयार छौँ । तर, झुक्न तयार छैनौँ ।’

इतिहासको निर्माता जनता भएको र इतिहासमा ठूलाठूला परिवर्तन जनताले गरेको भन्दै प्रचण्डले प्रतिनिधिसभा विघटनविरुद्ध अन्तिम समयसम्म संघर्ष गर्ने भन्दै यस्तो बताएका हुन्।

‘इतिहासको निर्माता जनता हो अरु कोही होइन’, अगाडि उनले भने, ‘इतिहासमा ठूलठूला परिवर्तन जनताले गरेका छन् ।’

प्रचण्डले यो प्रतिगमनलाई कुनै हालतमा सफल हुन नदिने प्रष्ट पारे । ‘नेपाललाई प्रतिगमनतर्फ लाने भ्रम नपार्न आग्रह गर्दछु’, उनले भने, ‘हाम्रो लोकतान्त्रिक बाटोबाट अगाडि बढ्ने प्रतिवद्धतालाई कसैले कमजोर नठानोस् । प्रतिगमन कुनै हालतमा सफल हुँदैन ।’

भर्खरै प्रकाशित

न्यायालयबाट भएका पछिल्ला केही फैसलाप्रति प्रधानमन्त्री ओलीको असन्तुष्टि

प्रधानमन्त्री केपी शर्मा ओलीले न्यायालयबाट भएका पछिल्ला केही फैसलाप्रति आपत्ति जनाएका छन् । नेपाल टेलिभिजनलाई बिहीबार अन्तरवार्ता दिँदै प्रधानमन्त्री ओलीले पछिल्लो समय सर्वोच्च अदालतले सरकारका…

मन्त्रीहरूको कार्यभार तोकियो, स्वास्थ्य तथा जनसंख्या मन्त्रालयको कार्यभार कृष्णगोपाल श्रेष्ठलाई

काठमाडौँ । राष्ट्रपति विद्यादेवी भण्डारीले प्रधानमन्त्री र मन्त्रीहरूको कारभार तोकेकी छन् । प्रधानमन्त्री केपी शर्मा ओलीको बिहीबारको सिफारिसबमोजिम कार्यभार तोकिएको राष्ट्रपति कार्यालयले जनाएको छ ।…

समर्थकले रोनाल्डोलाई कोकको बोतलले हा’नेपछि….

पोर्चुगलका स्टार क्रिस्टियानो रोनाल्डो निकै फर्ममा देखिएका छन् । उनले जारी युरो कपका समूह चरणका तीनवटै खेलमा गोल गरे । फ्रान्स विरुद्धको खेलमा २ गोल…

चीनको धम्किबाट जव ताइवान नडराई यस्तो भन्यो

ताइवानले चीनसँग हुने यु’द्धको लागि तयार रहनुपर्ने समय आएको बताएको छ। ताइवानको सीमा क्षेत्रमा बढ्दो चिनियाँ सैन्य गतिविधिले यु’द्धको सम्भावना निम्तिएको ताइवानका विदेशमन्त्री जोसेप वुले…

माइतीघरमा शिक्षामन्त्रीको पुत्ला दहन, जातीय विभेदविरुद्ध प्रदर्शन

काठमाडौं । काठमाडौंको माइतीघरमा जातीय विभेदविरुद्ध दलित अधिकारकर्मी र विद्यार्थीहरुले प्रदर्शन गरेका छन् । ‘मान्छे भएर बाँच्ने अधिकार सुनिश्चित गर’ लेखिएको ब्यानरसहित अधिकारकर्मीले प्रदर्शन गरेका…