अर्नब गोस्वामीको गोप्य च्याट लिकः पाकिस्तानमा गरिएको एयरस्ट्राइकबारे पूर्व जानकारी

बालकोट एयरस्ट्राइकको बारेमा रिपब्लिक टिभीका एडिटर इन चीफ अर्नब गोस्वामीलाई पहिलेदेखि नै थाहा थियो । यो दाबी अल्ट न्यूजका कोफाउन्डर प्रतीक सिन्हाले गरेका हुन् ।

उनले सामाजिक सञ्जालमा एक ह्वाटसएप च्याटको स्क्रिनसट शेयर गरेका छन् । सर्वोच्च अदालतका वकिल प्रशान्त भूषणले पनि आफ्नो सामाजिक सञ्जालमा पोष्ट गर्दै पुलवामा हमलामा ४० जवान शहीद हुँदा अर्नबले त्यसको खुसियाली मनाएका थिए । अर्नबलाई बालाकोट स्ट्राइकको जानकारी पनि तीन दिन अघि नै मिलेको थियो । अर्नबलाई कश्मीरमा आर्टिकल ३७० हटाउनेबारेमा पनि पहिले नै जानकारी थियो ।

समाजिक सञ्जालमा सेयर गरिएको च्याटको स्क्रिनसट अर्नब र बार्कका पूर्वप्रमुख पार्थो दासगुप्ताबीच सन् २०१९ मा भएको हो । यसलाई मुम्बई प्रहरीको क्राइम ब्राञ्चसँग भएको ५ सय पृष्ठ लामो ह्वाटएप च्याटको हिस्सा भएको बताइएको छ ।

टीआरपी घोटालाको जाँच गरिरहेको मुम्बई क्राइम ब्रान्चले हालैमात्र ३६०० पानाको सप्लीमेन्टरी चार्जशीट मुम्बई हाइकोर्टमा बुझाएको छ । यसको पेज नम्बर १९९४ देखि २५०४ सम्म अर्नब र दासगुप्ताबीच भएको ह्वाटसएपको च्याटको बारेमा उल्लेख छ ।

प्रहरीले मान्यो, स्क्रिनसट चार्जशीटको हिस्स

मिडियामा च्याट लिक भएपछि सहायक प्रहरी आयुक्त सचिन वजेले उक्त च्याट हाइकोर्टमा दाखिल गरिएको सप्लीमेन्टरी चार्जशीटको हिस्सा भएको स्वीकार गरेको छ । तर यो मिडियासम्म कसरी पुग्यो भन्ने उनीसँग जानकारी छैन ।

प्रतीक सिन्हाले शेयर गरेको अर्नब र बार्कका पूर्व सिइओ बीच भएको च्याटको स्क्रिनसटमा अर्नबले स्ट्राइक गरेर चुनाव जितिने उल्लेख गरेका छन् ।

प्रतीन सिन्हाले शेयर गरेको स्क्रिनसट २३ फेब्रुअरी २०१९ को हो । अर्थात् बालाकोट स्ट्राइकभन्दा तीन दिनअघिको । यसमा उनले केही ठूलो हुनेवाला बताएका छन् । जसमा दासगुप्ता सोध्छन्, के दाऊद ? जवाफमा अर्नब भन्छन्, होइन पाकिस्तान । केही ठूलो हुने वाला छ ।

दासगुप्ता सोध्छन्, के स्ट्राइक हुन लागेको हो या त्योभन्दा ठूलो । च्याटमा अर्नबले यो स्ट्राइकले जनतालाई खुसी गरिदिने दाबी गरेका छन् ।

यो च्याट फेब्रुअरी २७ को हो । यसमा बार्कका सिइओले हिजो भएको एयर स्ट्राइक, तिमीले भनेको कुरा या फेरि केही हुनेवाला छ । जवाफमा अर्नबले फेरि केही हुने वाला बताएका छन् ।

यसमा अर्नबले हमलामा च्यानलको ठूलो जीत भएको बताएक छन् । यो च्याट २७ फेब्रुअरीको हो । यसमा अर्नबले पुलवामा हमलाको दौरानको कभरेजको बारेमा उल्लेख गरेका छन् ।

भर्खरै प्रकाशित

चिनियाँ फोन तुरुन्त फाल्न र नयाँ नकिन्न लिथुआनियाको चेतावनी

एजेन्सी । लिथुआनियाको रक्षा मन्त्रालयले आफ्ना सबै नागरिकलाई चिनियाँ फोन तुरुन्तै फाल्न र अब नयाँ नकिन्न चेतावनी दिएको छ । त्यहाँको राष्ट्रिय साइबर सुरक्षा केन्द्रले…

एमालेको तेस्रो धारका नेताहरु आक्रोशित : १० बुँदे सहमति कार्यान्वयन…

काठमाडौं । एमाले एकतागर्न अघि बढाइएको १० बुँदे प्रस्ताव कार्यान्वयन नभएपछि एमालेको तेस्रो धारका १० नेतानिकटका केन्द्रीय सदस्यहरु आक्रोशित बनेका छन् । शुक्रबारबाट सुरु भएको…

यस कारण प्रेम चोपडालाई देख्नेबित्तिकै मानिसहरु श्रीमती लुकाउँथे

प्रेम चोपडाको गन्ती बलिउडका ती कुख्यात भिलेनमध्ये हुन्थ्यो, जसलाई दर्शकले वास्तवमा नै डाँका ठान्ने गर्दथे । ८६ वर्ष पुगिसकेका प्रेम चोपडाले एक अन्तरवार्ताका बेला उनलाई…

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…