केपी ओलीलाई लात्ताले हानेर भाग्ने ‘केटो’ को हुन् ?

काम चलाउ प्रधानमन्त्री केपी ओली भाषण गर्न माहिर नेता मानिन्छन् । ५ पुसमा प्रतिनिधिसभा विघटन गरेर चुनाव घोषणा गरेपछि त उनका भाषण झन् बढी चोटिला, व्यंग्यात्मक, हास्यरसले भरिने गरेका छन् ।

आफ्नै पार्टीका सहकर्मीमाथि उनी हरेक मञ्चमा राजनीतिक, अराजनीतिक निर्मम सबै हिसाबले खनिने गरेका छन् । नेताको लवजदेखि शारिरिक अवस्थासम्मलाई जोडेर हलमा ताली खाने गरी ओली भाषण गर्छन् ।

यसै क्रममा शनिबार तीनकुनेमा भएको प्रदेश १ कार्यकर्ताको भेलामा पनि ओली आफ्ना पूर्व सहकर्मी प्रचण्ड, माधव नेपालविरुद्ध उसैगरी खनिए ।

तत्कालीन माओवादीका नेताहरु मोहन वैद्य, डा. बाबुराम भट्टराई मात्रै होइन विप्लवसम्मको कुरा गर्न ओलीले भ्याए ।

प्रदेश १ कै भेलाको सन्दर्भमा ओलीले एक यूवा नेता लक्षित टिप्पणी गरेका छन् । ओलीले भने, चुनाव जिताएँ, मन्त्री बनाएँ तर, ‘पुक्क लात्ताले हानेर भाग्यो’ भन्ने टिप्पणी गरे ।

‘म कुनै बैगुनी केटोकेटीकी कुरा गर्न चाहन्न । तर, हाम्रै प्रदेशमा पनि त्यस्तै देखिएका छन् । दौडि दौडिकन गएर भोट मागेर यो केटोलाई जिताइदिनुस् मन्त्री बनाएर पठाइदिन्छु भनेर मन्त्री पनि बनाइयो ।

गरियो गरियो एक दिन त पुक्क लात्ताले हानेर भाग्यो । को भनेर हेर्दा त उही केटो । हामी यस्तोमा अल्झिदिनौं । युवाको कमी छैन । अरु युवालाई समेटेर अगाडि बढ्छौं ।’

भ्रममा परेकालाई पनि समेटेर अगाडि बढ्ने जिकिर ओलीले गरे ।

लात्ताले हानेर भागेकाे भनेका नेता सम्भवत: योगेश भट्टराई हुन् । २०७४ सालमा भएको चुनावमा ताप्लेजुङमा योगेशलाई भोट माग्न ओली पनि पुगेका थिए ।

ओलीले ताप्लेजुङको सदरमुकाम फुङलिङमा भएको चुनावी सभालाई सम्बोधन गरेका थिए । पछि ओली सरकारका पर्यटन मन्त्री रविन्द्र अधिकारीको निधनपछि योगेश भट्टराई मन्त्री पनि भएका थिए ।

तर, ५ पुसमा प्रधानमन्त्री केपी ओलीले प्रतिनिधिसभा विघटन गरेपछि असहमति जनाउँदै भट्टराईले मन्त्रीबाट राजीनामा दिएका थिए ।

भर्खरै प्रकाशित

चर्चित पत्रकार अजयबाबु शिवाकोटी प्रवल जनसेवाश्रीबाट सम्मानित

काठमाडौं । हाम्राकुरा डट कमका प्रधानसम्पादक अजयबाबु शिवाकोटीलाई सरकारले प्रवल जनसेवा श्री मानपदवीबाट सम्मानित गर्ने भएको छ । संविधान दिवसको अवसरमा सरकारले शिवाकोटीलाई प्रवल जनसेवा…

गायिका विष्णु माझीलाई ‘प्रसिद्ध प्रबल जनसेवाश्री पदक’

काठमाण्डाै । अहिले निकै चर्चामा रहेकी लोक दोहोरी गायिका विष्णु माझीले प्रसिद्ध प्रबल जनसेवाश्री पदक पाउने हुनु भएको छ । संविधान दिवसका अवसरमा गायिका विष्णु…

कृष्णाले खराब बुहारी भित्र्याएसँगै समस्या सुरु भो

गोबिन्दा र कृष्णा अभिषेकको परिवारबीचको खटपटले अब सीमा नाघिसकेको छ । अब गोबिन्दाकी श्रीमती सुनिताले कृष्णा अभिषेककी श्रीमती कश्मीरा शाहमाथि निशाना साँधेकी छिन् । उनले…

मनसुन कमजोर बनेसँगै चिसो बढ्यो

काठमाण्डाै – केही दिनयता बिहान र बेलुका चिसो अलिअलि बढ्न थालेको छ । दिउँसो मलिनो घाम लाग्ने र बिहान बेलुका पातलो कुहिरो लाग्ने गरेकाले चिसो…

परिमार्जन नभएसम्म एमसीसी पारित हुँदैन: प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले परिमार्जन बिना एमसीसी सम्झौता पास गर्न नसकिने बताएका छन् । एमसीसीबारे दलैपिच्छे फरक फरक धारणा आइरहेका बेला प्रचण्डले…