परराष्ट्रमन्त्रीको भारत भ्रमण : चर्चा पनि भएन लिपुलेक, कालापानी र लिम्पियाधुराको विषय

काठमाडौं । परराष्ट्रमन्त्री प्रदीप ज्ञवाली अहिले भारत भ्रमण छन् । उनी भारत भ्रमणमा गएको बेला सबैको ध्यान दिल्लीतिर छ । किनभने परराष्ट्रमन्त्री ज्ञवालीको भारत भ्रमणमा सीमा विवादको समस्या समाधान हुन अपेक्षा थियो । तर, यो भ्रमणमा मन्त्री ज्ञवालीले सीमा विवादको विषयमा चर्चा समेत गरेनन् । चर्चामा रहेका लिपुलेक, कालापानी, लिम्पिआधुराको बारेमा पनि बैठकमा कुरा उठेन । बैठकपछि जारी गरिएको संयुक्त वक्तव्यमा सीमा विवादको विषय उल्लेख गरिएको छैन ।

बैठकमा उनले समग्र सीमा समस्याका कुरा उठाए पनि जुन सीमा विवादलाई लिएर नेपाल–भारतबीच दुरी बढेको छ, त्यसको बारेमा कुनै चर्चा समेत गर्न आवश्यक ठानिएको देखिएन ।

मन्त्री ज्ञवालीले कुरा नगरेपछि भारतको तर्फबाट त्यसको बारेमा चर्चा गर्ने कुरा नै भएन । भारतले सुरुदेखि नै सीमा विवादलाई एजेण्डामा राखेको थिएन । नेपाल तयारी अवस्थामा नरहेको भन्दै भारतले छलफलको एजेण्डा यस विषयमा बनाएको थिएन ।

आज इण्डियन काउन्सिल वर्ल्ड अफेयर्सले आयोजना गरेको कार्यक्रममा पनि मन्त्री ज्ञवालीले लामो मन्तव्य दिए । तर लिपुलेक, कालापानी, लिम्पियाधुराको बारेमा चर्चा समेत गरेनन् । बरु त्यो कार्यक्रममा राखिएको ब्यानरमा नेपालको पुरानै नक्सा राखिएको थियो ।

पुरानै नक्सा राखिए पनि त्यसमा मन्त्री ज्ञवालीले कुनै प्रतिक्रिया जनाएनन् । भारतका थिंक ट्यांकहरुले आयोजना गरेको सो कार्यक्रमको ब्यानरमा नेपालको नक्सा सचेतरुपमा राखिएको छ । जब कि त्यो ब्यानमा नेपालको नक्सा राख्नुपर्ने कुनै सन्दर्भ नै थिएन ।

भारतले आफूले नेपालले संशोधन गरेको नक्सालाई स्वीकार नगर्ने भनि स्पष्ट सन्देश दिन खोजेको थियो । तर नेपालको तर्फबाट त्यस नक्सा वा ब्यानरप्रति कुनै आपत्ति नै जनाइएन ।

भर्खरै प्रकाशित

कुटपिटको अभियोगमा ज्वाला संग्रौलासहित तीन जना पक्राउ

काठमाडौं । प्रहरी कार्यालयमा महिलामाथि कुटपिट गरेको अभियोगमा आफूलाई अभियन्ता बताउने ज्वाला संग्रौलासहित तीन जना पक्राउ परेका छन् । काठमाडौं प्रहरी प्रमुख एसएसपी अशोक सिंहका…

१५९ बोरा अवैध धानको बिउ खाल्डोमा पुरेर नष्ट

गत जेठमा चितवन र नवलपुरबाट नियन्त्रणमा लिइएको ५ हजार ६ सय ९५ किलो अवैध धानको बिउ आइतबार खाल्डोमा पुरेर नष्ट गरिएको छ। कृषि ज्ञान केन्द्र…

उपत्यकामा निजी गाडी चलाउन दिने तयारी, साँझ ५ बजे सिडिओको…

काठमाडौं । उपत्यकामा निषेधाज्ञा थप गर्दा निजी सवारी साधनलाई सञ्चालन गर्न दिने प्रशासनले तयारी गरेको छ । जोर–विजोर प्रणालीमा चल्न दिने वा अरु नियम लगाउने…

थर थाहा पाएर कोठा नदिने घरबेटी प’क्राउ

थरका कारण तनहुँकी २४ वर्षीय रूपा सुनारलाई कोठा नदिने घरबेटी प’क्राउ परेकी छन्। काठमाडौंको बबरमहलस्थित प्रधान थरकी महिलालाई महानगरीय प्रहरी वृत्त सिंहदरबारले प’क्राउ गरेको महानगरीय…

कहिलै नछुट्टिने भनेर १२३ दिनसम्म सँगै हतकडी लगाएका जोडीले टिभीमै…

आखिर सम्बन्ध बिग्रिसकेको छ र मन टुटिसकेको छ भने जति बल गर्दा पनि विवाह बन्धन टिक्न सक्दो रहेनछ । युक्रेनमा एक जोडीको हकमा यस्तै भएको…