चीनले पटक पटक विरोध गर्दै आएको भारतको यो विषयमा नेपालले भारतलाई समर्थन गर्ने

काठमाडौँ । संयुक्त राष्ट्रसंघको सुरक्षा परिषद्मा स्थायी सदस्य राष्ट्रहरुको संख्या थप गरी भारतलाई समावेश गर्न नेपालले समर्थन जनाउने भएको छ । परराष्ट्रमन्त्रीस्तरीय नेपाल–भारत संयुक्त आयोगको छैटौँ बैठकमा नेपालले सो प्रतिबद्धता जनाएको भारतीय विदेश मन्त्रालयले जारी गरेको विज्ञप्तिमा दावी गरिएको छ ।

परराष्ट्रमन्त्री प्रदीप ज्ञवाली र भारतीय विदेश मन्त्री एस जयशंकरको अध्यक्षतामा बसेको बैठकपछि भारतको विदेश मन्त्रालयले जारी गरेको वक्तव्यमा* सो कुरा उल्लेख गरिएको छ ।

वक्तव्यमा भनिएको छ, ‘बदलिएको शक्ति सन्तुलनलाई प्रतिबिम्बित गर्न नेपालले संयुक्त राष्ट्रसंघको विस्तारित सुरक्षा परिषद्मा भारतको स्थायी सदस्यताका लागि समर्थन जनाएको छ ।’

भारतले लामो समयदेखि सुरक्षा परिषद्को स्थायी सदस्यको रुपमा मान्यता पाउन प्रयास गरिरहेको छ । तर, हरेक पटक उसको प्रयासमा चीन अवरोधको रुपमा खडा हुने गरेको छ ।

हाल १५ सदस्यीय सुरक्षा परिषद्मा ५ जना स्थायी सदस्य रहेका छन् । जसमा चीनसहित अमेरिका, फ्रान्स, रुस र बेलायत रहेका छन् । यी पाँच राष्ट्रसँग ‘भिटो’ प्रयोग गर्ने अधिकार हुन्छ जसले कुनै पनि संकल्प प्रस्ताव वा परिषद्मा नयाँ राष्ट्रको प्रवेशलाई रोक्न सक्छ । बाँकी १० अस्थायी सदस्य राष्ट्र भने क्षेत्रीय हिसाबले हरेक दुई वर्षको कार्यकालका लागि चुनिन्छन् । भारत हाल सुरक्षा परिषद्को अस्थायी सदस्यको रुपमा रहेको छ । जनवरी १, २०२१ बाट भारतको दुई वर्षे कार्यकाल सुरु भएको हो ।

लामो समयदेखि भारत, जर्मनी, जापान र ब्राजिल सुरक्षा परिषद्मा स्थायी सिट हासिल गर्न प्रयासरत छन् । बदलिएको परिस्थितिमा सुरक्षा परिषद्को पुनःसंरचना आवश्यक रहेको उनीहरुको तर्क छ । तर, चीनले भने यसको औचित्यमाथि प्रश्न उठाउँदै आएको छ ।

चीनले विरोध गर्दै आएको विषयमा सरकारले समर्थन जनाउनु प्रधानमन्त्री केपी ओली र चीनबीचको सम्बन्ध चिसिएको संकेत गरेको विश्लेषकहरु बताउँछन् ।

नेपाल कम्युनिस्ट पार्टी (नेकपा) को गठनदेखि नै सो पार्टी र पार्टी नेतृत्वको सरकार चीनप्रति ढल्किएको टिप्पणी हुने गरेको थियो । तर, अहिले पार्टी विभाजनसँगै नेकपाको ओली समूह पुनः भारत निकट हुन पुगेको टिप्पणीहरु थालेका छन् ।

पार्टीको आन्तरिक विवाद उत्कर्षमा पुगेको बेला चीनले पार्टी एकता जोगाउन प्रम ओलीलाई अध्यक्ष वा प्रधानमन्त्रीमध्ये एक पद छाड्न सुझाव दिएसँगै उनी चीनसँग रुष्ट बनेको बताइन्छ । प्रधानमन्त्री ओलीले आफूलाई ‘कर्नर’ मा पारिएको भन्दै प्रतिनिधिसभा नै भंग गरिदिएपछि यतिबेला नेकपा औपचारिकरुपमा मात्रै फुट्न बाँकी रहेको छ ।

भर्खरै प्रकाशित

शेरबहादुरजीले काँध फेर्ने बेला आयो, सभापतिमा गोपालमान श्रेष्ठको पनि दावी

काठमाडौँ  । कांग्रेसको आसन्न १४ औं महाधिवेशनमा नेतृत्व दोर्‍याउने घोषणासहित तयारीमा जुटेका सभापति शेरबहादुर देउवालाई उनकै समूहबाट चुनौती थपिएको छ । उपसभापति बिमलेन्द्र निधिले देउवालाई चुनौती…

यस कारण फिलिपिन्स सरकारले यस कारण नष्ट गर्दैछ महँगा कारहरू

फिलिपिनो सरकारले गाडी तस्करहरूलाई चेतावनी दिन २१ वटा लक्जरी कार नष्ट गरेको छ। शुक्रबार सरकारको आदेशमा अनुमानित अमेरिकी १.२ मिलियन डलरको गाडी नष्ट गरिएको अटो…

नेपालमा भेटियो डेल्टा भेरियन्टमा नयाँ म्युटेसन, पुरानो भन्दा अझ संक्रामक

काठमाडौं । नेपालमा कोरोना संक्रमण फैलाएको डेल्टा भेरियन्ट मा नयाँ म्युटेसन भेटिएको छ । यो डेल्टा भेरियन्टभन्दा अझ संक्रामक मानिने जनस्वास्थ्यविद्हरु बताउँछन् । स्वास्थ्य तथा…

मुस्ताङको काभ्रेभीरमा पहिरोले पुरियो मालवाहक ट्रक

जोमसोम । उत्तर-दक्षिण जोड्ने राष्ट्रिय गौरवको बेनी-जोमसोम सडकखण्ड अन्तर्गत मुस्ताङ र म्याग्दीको सिमाना काभ्रेभीर सडकमा आइतबार दिउँसो एक मालवाहक ट्रक पहिरोले पुरिएको छ । मुस्ताङको…

एमालेभित्रका पुर्वमाओवादी : ओलीसँग असन्तुष्टि र समूहमा अन्तरकलह

काठमाडौँ । एकपछि अर्को गरी नाटकीयरूपमा विकसित राजनीतिक घटनाक्रमले एमालेभित्रका ‘माओवादी’ नेताहरू असमञ्‍जसमा परेका छन् । न सन्तोषजनक भूमिका न त भविष्यको स्पष्ट मार्गचित्र, बरु…