प्रचण्ड भारतप्रति असन्तुष्ट, ओलीले प्रतिनिधिसभा बिघटन भारतको इशारामा गरेको आरोप

काठमाडौं । नेपाल कम्युनिस्ट पार्टीका अध्यक्ष पुष्पकमल दाहाल प्रचण्ड भारतप्रति असन्तुष्ट देखिएका छन् । पत्नी सीता दाहाललाई उपचारका लागि मुम्बई लगेर फर्किएका प्रचण्डले भारतप्रति घुमाउरो तरिकाले असन्तुष्टि व्यक्त गरेका हुन् ।

ओलीले बुधबार आफ्नो समूहको काठमाडौं जिल्ला कमिटी भेलामा प्रधानमन्त्री केपी शर्मा ओलीको भारतसँगको निकटताबारे पनि प्रश्न उठाए । उनले ओलीमाथि भारतको इशारामा चलेको आरोप लगाए । ओलीले नेकपा विभाजन र प्रतिनिधिसभा बिघटन पनि भारतको इशारामा गरेको प्रचण्डको आरोप छ ।

‘उहाँले अहिले पार्टी विभाजत गर्ने, संसद भंग गर्ने भारतले भनेर गरेको सारा जनताले बुझेका छन्, ’ प्रचण्डले ओलीलाई भारतको इशारामा चलेको आरोप लगाउँदै भने, ‘केपीजी यसलाई के भन्नुहुन्छ ?’

भारतले नेपालको राजनीतिमा हस्तक्षेप गरिरहेको प्रचण्डको आशय थियो । विगतमा प्रधानमन्त्री ओलीलाई भारतले हटाउन खोजेको भन्दा भारतले भनेकै भरमा हटाउनुहुँदै भनेर आफू हटाउने कदमको विपक्षमा उभिएको सुनाए ।

असारताका ओलीले भारतले आफूलाई प्रधानमन्त्रीबाट हटाउन खोजेको छ भनेको स्मरण गराउँदै प्रचण्डले त्यतिबेला भारतले भनेकै भरमा हटाउनु हुँदैन भनेर नहटाएको बताएका हुन् । उनले भने, ‘असारको हाम्रो स्थायी समिटिको बैठक बस्दा त मलाई भारतले हटाउन खोजेको छ । मेरा साथीहरुले नि हटाउन खोजेका छन् भन्नुहुन्थ्यो । त्यतिबेला भारतले भन्दा हटाउने हो र भनेर हामीले हटाएनौं ।’

भारतको गुप्तचर संस्था रअका प्रमुख सामन्तकुमार गोयलसँग ओलीले बालुवाटारमा गरेको भेटघाटमाथि पनि प्रश्न उठाए । गुप्तचरसँग तीन घन्टा बालुवाटारभित्र एक्लै कुरा गरेर अपारदर्शी तरिका अपनाएको बताए । प्रचण्डले एक दशकपछि भारतप्रति खुलेरै असन्तुष्टि व्यक्त गरेका हुन् । भारत भ्रमणबाट फर्किएको एक हप्तापछि प्रचण्डको पछिल्लो भनाई सार्वजनिक भएको हो ।

पछिल्लो समय प्रचण्ड भारतप्रति असन्तुष्ट छन् । ओलीलाई भारतले साथ दिएको उनको बुझाई रहेको देखिन्छ । ओलीले पछिल्लो समय भारतसँग निकटता बढाइरहेका छन् । भारतबाट उच्च पदस्थ अधिकारीहरुको विगत तीन महिनाभित्र भ्रमण हुँदै आएको छ । रअ प्रमुख सामन्तकुमार गोयल, भारतका सेनापति मनोज मुकुन्द नरवाणे, विदेश सचिव हर्षवद्र्धन श्रृंगला र भाजपा विदेश विभाग प्रमुख विजय चौथाइवालेले नेपाल भ्रमण गरेका छन् ।

नेकपाको निम्तोमा नेपाल भ्रमण गरेका चौथाइवाले प्रचण्ड र माधवकुमार नेपालसँग नभेटी फर्किएका थिए । यसलाई प्रचण्डले गम्भीरताका साथ लिएको बुझिएको छ ।

भर्खरै प्रकाशित

चर्चित पत्रकार अजयबाबु शिवाकोटी प्रवल जनसेवाश्रीबाट सम्मानित

काठमाडौं । हाम्राकुरा डट कमका प्रधानसम्पादक अजयबाबु शिवाकोटीलाई सरकारले प्रवल जनसेवा श्री मानपदवीबाट सम्मानित गर्ने भएको छ । संविधान दिवसको अवसरमा सरकारले शिवाकोटीलाई प्रवल जनसेवा…

गायिका विष्णु माझीलाई ‘प्रसिद्ध प्रबल जनसेवाश्री पदक’

काठमाण्डाै । अहिले निकै चर्चामा रहेकी लोक दोहोरी गायिका विष्णु माझीले प्रसिद्ध प्रबल जनसेवाश्री पदक पाउने हुनु भएको छ । संविधान दिवसका अवसरमा गायिका विष्णु…

कृष्णाले खराब बुहारी भित्र्याएसँगै समस्या सुरु भो

गोबिन्दा र कृष्णा अभिषेकको परिवारबीचको खटपटले अब सीमा नाघिसकेको छ । अब गोबिन्दाकी श्रीमती सुनिताले कृष्णा अभिषेककी श्रीमती कश्मीरा शाहमाथि निशाना साँधेकी छिन् । उनले…

मनसुन कमजोर बनेसँगै चिसो बढ्यो

काठमाण्डाै – केही दिनयता बिहान र बेलुका चिसो अलिअलि बढ्न थालेको छ । दिउँसो मलिनो घाम लाग्ने र बिहान बेलुका पातलो कुहिरो लाग्ने गरेकाले चिसो…

परिमार्जन नभएसम्म एमसीसी पारित हुँदैन: प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले परिमार्जन बिना एमसीसी सम्झौता पास गर्न नसकिने बताएका छन् । एमसीसीबारे दलैपिच्छे फरक फरक धारणा आइरहेका बेला प्रचण्डले…