पत्नी सीतालाई भारतमै छाडेर स्वदेश फर्कँदै अध्यक्ष ‘प्रचण्ड’

नयाँदिल्ली । पूर्वप्रधानमन्त्री एवं नेकपा अध्यक्ष पुष्पकमल दाहाल शनिबार स्वदेश फर्कंदैछन् । दाहाल छोरी रेणुका साथ शनिबार दिउँसो नेपाल वायुसेवा निगमको दिल्ली–काठमाडौं उडानबाट स्वदेश फर्कन लागेका हुन् ।

दाहाल गत सोमबार पत्नी सीता दाहालको उपचारका लागि भारतको राजधानी नयाँदिल्ली हुँदै मुम्बई गएका थिए । सीताको उपचारका लागि दाहालसँगै छोरीहरु रेणु र गंगा पनि मुम्बई गएका थिए ।

सीता विगत लामो समयदेखि वंशानुगत पार्किन्सन जस्तो देखिने रोगबाट पीडित छिन् । उनको हाल मुम्बईकै न्यूरोजेन ब्रेन एण्ड स्पाइन इन्स्टिच्युटमा उपचार चलिरहेको छ ।

छोरी गंगा दाहालका अनुसार बिहीबार सीताको स्टेम ट्रान्सप्लान्ट गरिएको थियो । र, उनको स्वास्थ्य सुधारोन्मुख रहेको कान्तिपुरलाई बताइन् । ‘स्वास्थ्यमा सुधार भइरहेको छ, तर जटिल रोग भएकाले पूरै ठिक हुन त समय लाग्ला,’ उनले भनिन् ।

काठमाडौंबाट मुम्बईका लागि सिधा उडान नभएका कारण दाहाल परिवार दिल्ली हुँदै मुम्बई गएको थियो । मुम्बईमा रहँदा दाहालले विभिन्न राजनीतिक भेटघाट गरेको चर्चा चलेको थियो । भारतीय र नेपाली सञ्चारमाध्यमहरुले पनि दाहालले राजनीतिक भेटघाट गरेको उल्लेख गरेका थिए ।

तर, गंगाले कुनै राजनीतिक भेटघाट नभएको भन्दै ती सबै हल्ला मात्र भएको बताइन् । ‘बुबा आएदेखि नै अस्पतालमा हुनुहुन्छ कुनै पनि बाहिरी भेटघाट भएको छैन,’ उनले भनिन् ।

पारिवारिक भ्रमण भएकाले दिल्लीस्थित नेपाली दूतावासलाई समेत दाहालको भारत आगमनका बारेमा औपचारिक रुपमा जानकारी गराइएको थिएन ।

भर्खरै प्रकाशित

एमाले सांसदहरुले तत्काल राजीनामा दिनुपर्छ : बाबुराम भट्टराई

सत्ता साझेदार जनता समाजवादी पार्टीका संघीय परिषद अध्यक्ष डा.बाबुराम भट्टराईले नेकपा एमालेका सांसदहरुलाई पदबाट राजीनामा दिन चुनौति दिएका छन् । पूर्वप्रधानमन्त्री समेत रहेका भट्टराईले संसदलाई…

पाइलट एजी शेर्पा : जस्ले ७३ जनालाई नयाँ जीवन दिए

काठमाडौं । एजी शेर्पा अर्थात् ७३ जना यात्रुको जीवन फर्काइदिने भगवान । ‘हामफाल्छौँ, नबाँचिनेरहेछ’ भनेर जीवन माया मारेर चिच्याउँने यात्रुको मुहारमा खुसी ल्याइदिए पाइलट एजी…

भारतको सीमामा ५० हजार चिनियाँ सैनिक, नियन्त्रण रेखामा ठूलो संख्यामा…

काठमाडौं। भारत चीन सीमा क्षेत्र पूर्वी लद्दाखको वास्तविक नियन्त्रण रेखा (एलएसी) मा चीनले ५० हजार सैनिक तैनाथ गरेको छ । यस क्षेत्रमा चिनियाँ सेनाले ठूलो…

परराष्ट्रमन्त्री अमेरिका पुगेपछि भने, ‘एमसीसी संशोधन हुन सक्दैन, जसरी पनि…

काठमाडौं । परराष्ट्रमन्त्री डा. नारायण खड्काले अमेरिकी सहयोग परियोजना (एमसीसी) संशोधन हुन नसक्ने बताएका छन् । संयुक्त राष्ट्रसंघको ७६ औं महासभामा भाग लिन न्युर्योक पुगेका…

विमानका यात्रुको अनुभव : एयर होस्टेसको आँखामा आँसु थियो, हामीले…

११ असोज, काठमाडौं । सोमबार काठमाडौंबाट उडेको वुद्ध एयरको विमान विराटनगर विमानस्थलमा अवतरण हुन नसकेपछि फेरि काठमाडौं फर्कियो । त्रिभुवन विमानस्थलमा पनि सहजै अवतरण हुन…