कतार सामु कसरी झुक्यो तीन बर्ष सम्म लगातार नाकाबन्दी लगाएको देश ‘साउदी’

साउदी अरबले एउटा ठूलो कदम उठाउँदै कतारका लागि आफ्नो भूमि तथा समुद्री सीमा खोल्ने निर्णय गरेको कुवेतले घोषणा गरेको छ ।

खाडी देशका लागि यो निकै ठूलो घटना मानिएको छ किनभने कतारको थुप्रै छिमेकी देशसँग विवाद रहँदै आएको छ ।

यो निर्णय साउदी अरबमा मंगलबार गल्फ को–अपरेशन काउन्सिल (जीसीसी) को सम्मेलनमा लिइनेछ ।

एक वरिष्ठ अमेरिकी अधिकारीले विवाद समाप्त गर्नका लागि एक सम्झौतामा हस्ताक्षर हुने जानकारी दिएका छन् ।

कतारका छिमेकीले यो देशमाथि आतंकवादलाई बढावा दिएको आरोप लगाएपछि तीन वर्षअघि विभिन्न प्रकारको प्रतिबन्ध लगाइदिएका थिए ।

यी व्यापारिक, कूटनीतिक र यात्रा प्रतिबन्धमा साउदी अरबसँगै यूएई, बहराइन र इजिप्टको पनि सहभागिता थियो र एक तरिकाले कतारलाई ‘घेराबन्दी’ गरिदिएका थिए ।

कतार एउटा निकै सानो र धनी खाडी मुलुक हो जसले जिहादी चरमपन्थलाई प्रश्रय दिएको आरोप सधैं अस्विकार गर्ने गर्छ ।

यो निर्णयको अर्थ के हो ?

बीबीसीका रक्षा संवाददाता फ्रेन्क गार्डनरका अनुसार कतारमाथिको यो प्रतिबन्ध महिनौंको संयम र लामो कूटनीति पछि हटाइएको हो र यसमा कुवेतको ठूलो भूमिका रहेको छ ।

तर यसमा ह्वाइट हाउसको पनि निकै रुची रहेको छ किनभने राष्ट्रपति ट्रम्पको कार्यकाल समाप्त हुँदैछ ।

उनी भन्छन्, ‘साढे तीन वर्षको ‘घेराबन्दी’ कतारको अर्थव्यवस्था र खाडी एकताको धारणा दुबैका लागि निकै महँगो साबित भएको छ । खाडीका अरब छिमेकीले आफ्नो पिठ्यूँमा कसरी छुरा रोपेका थिए भन्ने कुरा यहाँका जनताले यति छिट्टै भुल्ने पनि छैनन् र माफी पनि दिने छैनन् ।’

‘तर कूटनीतिक कदम इतर यूएइलाई कतारले आफ्नो बाटो परिवर्तन गर्ने हो कि भनेर गहिरो शंका छ । यद्यपि, कतारले आफूले आतंकवादलाई प्रश्रय दिइरहेको र गजा, लिबिया र अन्य स्थानमा राजनीतिक इस्लामी आन्दोलनको समर्थन गरिरहेको छ भन्ने आरोप अस्विकार गरिसकेको छ । तीमध्ये पनि विशेषगरी मुस्लिम ब्रदरहुड जसलाई यूएई राजशाहीका लागि एक सम्भावित खतरा मानिन्छ ।’

गार्डनरका अनुसार यो घेराबन्दीले यदि केही गरेको छ भने कतारलाई साउदी अरबका वैचारिक दुश्मन टर्की र इरान नजिक पुर्याइदिएको छ ।

अहिलेसम्म के के भए ?

यो निर्णयको घोषणा टिभीमा कुवेती विदेशमन्त्री अहमद नसल अल–सबहले गरेका हुन् ।

अमेरिकी प्रशासनले यसमा विशेष भूमिका निभायो र एक वरिष्ठ अमेरिकी अधिकारीका अनुसार राष्ट्रपति डोनल्ड ट्रम्पका ज्वाईं तथा वरिष्ठ सल्लाहकार जेरेड कुश्नर मंगलबार हुने सम्झौता कार्यक्रममा समावेश हुनेछन् ।

कतारका अमीर तमिम बिन हमद अल थानीले साउदी अरबका राजा सलमानको सम्मेलनमा समावेश हुने निमन्त्रणा स्विकार गरेका छन् ।

बीबीसीका मुख्य अन्तर्राष्ट्रिय संवाददाता लिज डूसेले सम्मेलन आयोजना गर्ने एक स्रोतलाई उद्धृत गर्दै साउदी आफ्नो हवाई मार्ग र समुद्री भूमि सीमा खोल्ने निर्णयका लागि विश्वास बहालीको आवश्यकता थियो जसका कारण अमिरको त्यहाँ उपस्थित हुन अत्यावश्यक थियो ।

सन् २०१७ मा जब घेराबन्दी लागू गरिएको थियो तब अमिरले कतारी नागरिकलाई आफ्नो देशमा प्रवेश गर्न प्रतिबन्ध लगाउने देशको भ्रमण नगर्ने बताएका थिए ।

वाल स्ट्रिट जर्नल पत्रिकाका ट्रम्प प्रशासनका एक वरिष्ठ अधिकारीले भने, ‘यो अहिलेसम्मको सबैभन्दा ठूलो सफलता हो ।’

‘यसको अर्थ यो होइन कि उनीहरुले एक–अर्कालाई प्रेम गर्न थालेका छन् र निकै राम्रा साथी बन्नेछन् तर यसको अर्थ यो हो कि उनीहरु अब सँगै काम गर्न सक्नेछन्,’ उनले भने । बीबीसी

भर्खरै प्रकाशित

लुम्बिनीका पहाडी जिल्ला प्यूठान, रुकुम, रोल्पामा सेतो पुतलीबाट हुने सापू…

राेल्पा । लुम्बिनी प्रदेशका पहाडी जिल्लामा सेतो पुतलीबाट आँखामा लाग्ने सापू रोगका बिरामी बढ्न थालेका छन् । पहाडी जिल्लामा यो रोगको उपचार सबै ठाउँमा हुननसक्ने…

सत्याग्रह गर्नका लागि डा.केसी अमेरिका प्रस्थान

काठमाडौं । चिकित्सा स्वास्थ्य क्षेत्रका अभियन्ता डा.गोविन्द केसी सत्याग्रहका लागि अमेरिका प्रस्तान गरेका छन। विश्व शान्ति दिवसका अवसरमा अमेरिकाको न्युयोर्कमा हुने सामुहिक सत्याग्रहमा भाग लिन…

प्रदीप ज्ञवालीको प्रश्न : एमसीसी सही थियो भने हिजो किन…

काठमाडौं । नेकपा एमालेका सचिव प्रदीप ज्ञवालीले मिलेनियम च्यालेन्ज कर्पोरसेन (एमसीसी) सम्झौतालाई लिएर सत्तारुढ गठबन्धनमाथि प्रश्न उठाएका छन् । सरकार अविछिन्न उत्तराधिकारीवाला संस्था भएकाले आफूहरु…

भारतले चीनलाई भन्यो: दुबैतर्फबाट सीमा सुरक्षा फौज फिर्ता गरौँ

नयाँ दिल्ली । चीनसँगको हिमाली सीमा क्षेत्रमा खटिएका दुबै देशका सुरक्षा फौज फिर्ता गर्न भारतले चीनसमक्ष प्रस्ताव राखेको छ । विवादित हिमाली सीमामा खटिएको सुरक्षा…

जापानमा सय वर्षसम्म बाँच्नेको संख्या ८५ हजार नाघे

टोकियो । जापानमा एक शताब्दी अर्थात् सय वर्षभन्दा बढी उमेरसम्म बाँच्ने वृद्धवृद्धाको संख्या ८५ हजार नाघेको छ। पहिलो पटक सय वर्ष वा सोभन्दा बढी उमेरसम्म…