नेकपामा अहिले तीन कित्ता छन्, त्यसमा एउटा मेरो हो: वामदेव गौतम

राष्ट्रिय सभा सदस्य तथा नेपाल कम्युनिष्ट पार्टीका उपाध्यक्ष वामदेव गौतमले नेकपामा अहिले तीन कित्ता रहेको बताएका छन्।

शुक्रबार पहिलो पटक राष्ट्रिय सभा बैठकमा सहभागी भएका गौतमले पत्रकारहरूको जिज्ञासामा नेकपाको पछिल्लो राजनीतिबारे प्रतिक्रिया दिएका हुन्।

‘नेकपामा अहिले तीन कित्ता छन्, त्यसमा एक मेरो हो,’ गौतमले भने,‘दुई समूहका दुई कित्ता भइहाले। अझै पनि पार्टीलाई मिलाएर जानुपर्छ भन्ने मेरो कित्ता हो। मलाई दशौं हजार मान्छेले फोन गरेर पार्टी एकता जोगाउनुस् भनिरहेका छन्।’

प्रतिनिधि सभा विघटनको भने आफू विपक्षमा रहेको वामदेवले बताए।

धेरै सांसदलाई यो कुरा चित्त नबुझेको उनको भनाइ छ।

प्रतिनिधि सभा विघटनको विपक्षमा भए पनि आफू नेकपाको प्रचण्ड-नेपाल समूहमा भने नजाने उनले जानकारी दिए।

‘आज बिहानको भेटमा प्रचण्डजीले तपाईं हामीतिर आउनुस् भन्नुभयो। मैले आउँदिनँ भनें,’ वामदेवले भने।

उनले प्रधानमन्त्री केपी शर्मा ओलीले पनि आफूलाई दिनदिनै बोलाउने बताए।

उनले निर्वाचन आयोगबाट आधिकारिक रूपमा निर्णय नभएसम्म नेकपा फुटेको नमानिने भएकाले आफू पार्टी एकताका पक्षमा लागिरहने बताए।

गत प्रतिनिधि सभा निर्वाचनमा बर्दियाबाट पराजित वामदेवलाई केही समयअघि मन्त्रिपरिषद्को सिफारिसमा राष्ट्रपतिबाट मनोनित गरेर राष्ट्रिय सभा सदस्य बनाइएको थियो।

पार्टी एकता रक्षाको लागि केपी ओलीले निर्वाचन रोज्नु भएको हो : मुख्यमन्त्री पोखरेल

लुम्बिनी प्रदेशका मुख्यमन्त्री शंकर पोखरेलले प्रधानमन्त्री केपी ओलीले पार्टी एकताको रक्षाको प्रतिनिधिसभा विघटन गरेर चुनावमा जाने घोषणा गरेको बताएका छन्।

शुक्रबार दाङको तुलसीपुरमा आयोजित ओली समूहको जिल्ला स्तरीय अगुवा कार्यकर्ता प्रशिक्षण कार्यक्रमलाई सम्बोधन गर्दै लुम्बिनी प्रदेशका नेकपा इञ्चार्ज समेत रहेका मुख्यमन्त्री पोखरेलले ४० प्रतिशत भए पार्टी फुटाउन पाइने प्रावधान रहेको हुँदा पार्टी रक्षाको लागि प्रधानमन्त्री ओलीले चुनावमा जाने निर्णय गरेको तर्क गरे।

‘अब कसैको ४० प्रतिशत पुग्दैन र पार्टी फुटाउने तागत कसैसँग छैन,’ उनले भने।

उनले प्रथम अध्यक्षका विरूद्धमा कार्यकारी अध्यक्ष पुष्पकमल दाहाल (प्रचण्ड)ले तयार गरेको अभियोगपत्र नै अहिलेको संकटको मुख्य कारण भएको बताए।

जसका केपी ओलीलाई कम्युनिष्ट समेत होइन, गणतन्त्रवादी होइन भन्ने जस्ता लान्छना लगाइएको उनले बताए।

त्यस्तै, मुख्यमन्त्री पोखरेलले प्रतिनिधि सभा विघटन गरी ताजा जनादेशका लागि निर्वाचनमा जाने कुरा कसरी तानाशाही कदम हुन सक्छ भन्दै प्रश्न समेत गरे।

यसैगरी, उनले ओलीजस्तो लोकतान्त्रिक र उदारवादी नेता अरू कोही नभएको जिकिर पनि गरे।

मुख्यमन्त्री पोखरेलले हालसम्म राजा महेन्द्रले गरेको विकास नै नेपालमा चर्चा हुने गरेको भन्दै त्यसको भन्दा चार गुणा बढी विकास केपी ओलीले गरेको उनले दाबी गरे।

महेन्द्र राजाले एउटा मात्रै राजमार्ग बनाएको र अहिले प्रधानमन्त्री ओलीले चार वटा त्यस्ता राजमार्ग निर्माण गरेको उनले दाबी गरे।

भर्खरै प्रकाशित

एसईई मूल्यांकन नतिजा विद्यालयले असार २० भित्र बुझाउनुपर्ने, यसरी हुनेछ…

काठमाडौं । विद्यालयहरुले विद्यालय शिक्षा परीक्षा (एसईई) को मूल्यांकन नतिजा असार २० गतेसम्म सम्बन्धित जिल्लाको शिक्षा विकास इकाई तथा समन्वय समितिमा पठाउनुपर्ने भएको छ ।…

‘सांसद ज्यूले प्रहरीको हिसाब किताब गर्न खोज्दा श्याम थापा मगरले…

नेपाली कांग्रेसका गण्डकी प्रदेशसभा सांसदले प्रहरीलाई धम्काएको भिडिओ शनिबार साँझदेखि सामाजिक सञ्जालमा भाइरल छ। भिडिओमा सांसद मेखलाल श्रेष्ठ र प्रहरी इन्स्पेक्टर श्याम थापा मगरबीच भनाभन…

‘प्लस टु’ सञ्चालन गर्दै गुरुकुल एकेडेमी, राम्रो अङ्क ल्याउने विद्यार्थीलाई निशुल्क…

घोराही।  दाङको घोराहीमा रहेको गुरुकुल एकेडेमीले चालू शैक्षिक वर्षदेखि कक्षा ११ र १२ सञ्चालन गर्ने भएको छ। जिल्लामा गुणस्तरीय शिक्षणसंस्था रुपमा स्थापित भएको गुरुकुल एकेडेमीले…

निषेधाज्ञामा होटल खोल्नेलाई चार लाख जरिवाना तिराइने

काठमाडौं जिल्ला प्रशासन कार्यालयले निषेधाज्ञाको समयमा होटल खोल्ने संचालकलाई चार लाख रूपैयाँ जरिवाना गरेको छ। काठमाडौं महानगरपालिका वडा नम्बर ११ त्रिपुरेश्वरस्थित युनाइटेड बिजनेश होटलका म्यानेजर…

अब जुम्लामा एमबीबीएस पढाइ हुने : २५ सिट दिने आयोगको…

जुम्ला। अब जुम्लामा चिकित्सक उत्पादन गर्ने बाटो खुला भएको छ । कर्णाली स्वास्थ्य विज्ञान प्रतिष्ठान जुम्लामा चिकित्साशास्त्रको स्नातक तह (एमबीबीएस) कार्यक्रम सञ्चालन गर्न स्वीकृति प्राप्त…