चिनियाँ कम्पनी सिनोफर्मको कोरोना खोप ७९ प्रतिशत मात्रै प्रभावकारी

काठमाडौं । चीनको सरकारी खोप निर्माता कम्पनी सिनोफर्मले आफ्नो कोरोना भाइरस (कोभिड–१९) विरुद्धको खोप ७९ दशमलव ३४ प्रतिशत प्रभावकारी भएको बताएको छ ।

कम्पनीले आफ्नो कोरोना खोपलाई अनुमति दिन चिनियाँ नियामकमा आवेदन पनि दिएको छ । यससँगै कम्पनीको खोप चीनमा आम मानिसमा प्रयोगका लागि अनुमति पाउने पहिलो कम्पनी बन्ने दौडमा सबैभन्दा अगाडि देखिएको छ ।

यसअघि संयुक्त अरब इमिरेट्स (यूएई)ले सिनोफर्मको कोरोना खोप ८६ प्रतिशत प्रभावकारी रहेको बताएको थियो । यूएईले आफ्नो मुलुकमा भएको परीक्षणको नतिजालाई आधार मानेर उक्त नतिजा सार्वजनिक गरेको थियो । यद्यपि सिनोफर्मकी प्रवक्ताले भने यस विषयमा विस्तृत जानकारी पछि सार्वजनिक गरिने बताएकी छन् ।

स्वास्थ्य विशेषज्ञहरुले भने विस्तृत जानकारी नदिई सार्वजनिक गरिएको प्रभावकारिताको नतिजाले मानिसहरुको खोपप्रतिको विश्वास कम हुने बताएका छन् ।

गत बिहीबार टर्कीका शोधकर्ताहरुले चिनियाँ कम्पनी सिनोभ्याकले विकास गरेको कोरोना खोप ९१ दशमलव २५ प्रतिशत प्रभावकारी रहेको बताएका थिए । तर, ब्राजिलमा गरिएको सोही खोपको परीक्षणको नतिजा भने ५० देखि ९० प्रतिशतको बीचमा रहेको बताइएको छ । यस्तोमा चिनियाँ खोप कत्तिको प्रभावकारी हुने भन्ने विषयमा आशंका जन्मिएको छ ।

यद्यपि विशेषज्ञहरुले भने अहिले नै चिनियाँ खोप सफल हुन्छ वा हुँदैन भनेर भन्नु छिटो हुने बताएका छन् । अमेरिकामा र बेलायतले दोस्रो कोरोना खोपको लागि अनुमति दिइसकेको अवस्थामा चिनियाँ कम्पनीले पनि कोरोना खोप अनुमतिका लागि आवेदन दिएको हो ।

भर्खरै प्रकाशित

निर्वाचन आयोगले दिएन नेकपा टुटेको मान्यता, सुर्य चिन्ह पुरानै ओली-प्रचण्ड…

काठमाडौं । निर्वाचन आयोगले नेपाल कम्युनिस्ट पार्टीको विभाजनलाई मान्यता नदिने भएको छ । आयोगले केपी शर्मा ओली र प्रचण्ड-माधवकुमार नेपाल दुवै समूहको कागजातहरु अध्ययन पछि…

अरुको नाममा रहेको सिम यसरी सजिलै आफ्नो नाममा दर्ता गर्नुहोस्

काठमाडौं । हालै नेपाल सरकारले परीक्षणका रुपमा प्रयोगमा ल्याएको नागरिक एप नेपाल टेलिकमका ग्राहकहरुले आफ्नो नाममा दर्ता भएको मोबाइल नम्बरबाट प्रयोग गर्न सक्दछन् । नेपाल…

नेकपा घोराही अध्यक्षमा बस्नेत, लमहीमा घिमिरे, बबइमा पुन र दंगीशरणमा…

नेपाल कम्युनिष्ट पार्टी (नेकपा, प्रचण्ड–नेपाल पक्ष) दाङले रिक्त रहेका स्थानीय तहका पदाधिकारी मनोनित गरेको छ । पार्टी विभाजनसँगै ओली पक्षमा लागेर रिक्त रहेका पदाधिकारीमा मनोनित…

न्युज २४ ले भन्यो-‘सिधा कुरा जनतासँग’ कार्यक्रम नछोड्ने, रविसंग कानूनी…

११ माघ, काठमाडौं । ‘न्युज २४’ले ‘सिधा कुरा जनतासँग’ कार्यक्रम नियमित रुपमै प्रसारण जारी राख्ने बताएको छ । रवि लामिछाने टेलिभिजनबाट बाहिरिएसँगै टेलिभिजनले वैकिल्पक प्रस्तोतामार्फत…

भाबाङलाई पर्यटकीय केन्द्र बनाउन युवाहरुको अभियान शुरु

भाबाङ । रोल्पा जिल्लाको माडी गाउँपालिका वडा नं ५ भाबाङ स्थित सिद्धपुजे मन्दिरलाई पर्यटनको केन्द्र बनाउन युवाहरु सक्रिय भएका छन् । सिद्धपुजे परोपकारी समाज मार्फत…