‘कोरोना भाइरसको खोप लगाएको एक सातापछि फेरी कोरोना संक्रमण’

फाइजर बायोएनटेकले उत्पादन गरेको कोरोना खोप लगाएका एक नर्समा कोरोना भाइरस संक्रमण पुष्टि भएको छ।

क्यालिफोर्नियाका ४५ वर्षीय नर्सलाई खोप लगाएको एक सातापछि नै संक्रमण पुष्टि भएको रोयटर्सले एबिसी न्यूजलाई उद्धृत गर्दै मंगलबार समाचार लेखेको छ।

दुई स्थानीय अस्पतालमा कार्यरत मात्थ्यू डब्लूले गत डिसेम्बर १८ मा फाइजरको खोप लगाएको फेसबुकमार्फत् जानकारी गराएका थिए। उनले त्यति बेला खोप लगाउँदा एक दिनसम्म आफ्नो हात सुन्निएको बताएका थिए।

त्यसको ६ दिनपछि क्रिसमस इभको दिन कोभिड-१९ युनिटमा काम गरेपछि उनी बिरामी परेका थिए। त्यस दिन चिसो महशुस भएको र पछि शरीरहरू पनि दुखेको उनले बताएका थिए।

त्यसपछि अस्पताल पुगेर कोरोना परीक्षण गराउँदा संक्रमण पुष्टि भएको उक्त समाचारमा उल्लेख छ।

‘यो कुनै अप्रत्यासित कुरा होइन। तपाईं कोरोना संक्रमितहरूको उपचारमा संलग्न हुनुहुन्छ भने हामीले अपेक्षा गर्ने नै यही हो,’ सानडियागोस्थित परिवार स्वास्थ्य केन्द्रका संक्रामक रोग विषेशज्ञ डा. क्रिस्टियन रेमर्सले भने।

खोप लगाउनुअघि नै म्यात्थ्यूमा कोरोना संक्रमण भएको हुनसक्ने उनले बताए।

‘खोपको प्रयोगशाला परीक्षणबाट हामीलाई थाहा थियो, यसले शरीरमा भाइरसविरूद्ध प्रतिरोधात्मक क्षमता विकास गर्न १० देखि १४ दिन लाग्न सक्छ,’ डा रेमर्सले भने।

खोप लगाए सुरक्षित भए पनि त्यसले पूर्ण रूपमा सुरक्षा नदिने उनले बताए।

‘खोपको पहिलो डोजले अन्दाजी ५० प्रतिशतसम्म सुरक्षा दिन्छ, ९५ प्रतिशत सुरक्षा पाउन दोस्रो डोज लिनुपर्नेछ,’ उनले भने।

म्यात्थ्यूको उदाहरण दिँदै खोप विकास भए पनि महामारी छिट्टै नसकिने उनले बताए।

भर्खरै प्रकाशित

अदालतले दियो ओली सरकारलाई अर्को झट्का : चुरेको गिट्टी, बालुवा…

चुरे क्षेत्रको ढुंगा, गिट्टी र बालुवा बेच्ने निर्णय तत्काल कार्यान्वयन नगर्न सर्वोच्च अदालतले अन्तरिम आदेश गरेको छ । सो रिटबारे सुनुवाइपछि संवैधानिक इजलासले अन्तरिम आदेश…

गंगामा तैरिरहेको बाकसभित्र भेटिइन् २१ दिनकी बच्ची, बाहिर निकाल्ने आँट…

भारतीय राज्य उत्तर प्रदेशको गाजिपुरस्थित ददरीघाटमा गत सोमबार बिहान गंगा नदीमा एउटा प्लाइउडको बाकस बग्दै-बग्दै आइरहेको थियो। सोमबार गंगामा स्नान गर्न गएकाहरूले बाकसबाट बच्चा रोइरहेको…

मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान…

काठमाडौं । मल्टिपल इन्ट्री भिसा भएका नेपालीहरु खोप लगाउनकै लागि अमेरिका जान थालेका छन् । अमेरिकाले विदेशी पर्यटकका लागि पनि सजिलै कोरोनाविरुद्धको खोप दिन थालेपछि…

रोनाल्डो र मेसी भन्दा दशौँ गुणा सम्पति, यी हुन् विश्वकै…

विश्वका धनाढ्य फुटबलको को होलान् ?  धेरैलाई मेसी, रोनाल्डो वा नेइमार भन्ने लाग्ला । तर, विश्वका धनाढ्य फुटबल युरोप वा दक्षिण अमेरिका नभएर एशियाका हुन्…

अनेरास्ववियुको राहत वितरणमा माओवादीले हस्तक्षेप गरेपछि

काठमाडौं । मेलम्चीमा राहत वितरणको विषयमा एमाले र माओवादी केन्द्र निकट विद्यार्थी संगठनबीच झ’डप भएको छ । नेकपा एमाले निकट विद्यार्थी संगठन अनेरास्ववियुले राहत वितरण…