केपी ओलीले ‘२० महिनामा मर्छु’ भनेर पार्टी एकता गरेका थिए : सुरेन्द्र पाण्डे

प्रधानमन्त्री एवं नेकपा अध्यक्ष केपी शर्मा ओलीले २० महिनामा मर्छु भनेर पार्टी एकता गरेको स्थायी कमिटी सदस्य सुरेन्द्र पाण्डेले बताएका छन्।

पार्टी एकता गर्ने कुरा भए पनि हुन्छ कि हुँदैन भन्ने द्विविधा भएको अवस्थामा ओलीले प्रचण्डलाई भेटेर आफू १८–२० महिनामै मर्ने बताएको पाण्डेले दाबी गरे।

‘मलाई त डाक्टरले १८ महिनादेखि २० महिनामा मर्छ भनेको छ, म मर्ने नै हो, बाँच्ने नै होइन’, ओलीको भनाइ उदृत गर्दै पाण्डेले भने, ‘हदै भए २२ महिना बाँचुला, पार्टी कल्लाई जिम्मा लाउने भनेर छटपटाएको बेला तपाईंजस्तो नेता पाए, तपाईंलाई नेता पाएर बल्ल ढुक्क भएँ।’

त्यतिबेला ओलीले तत्कालीन एमालेमा पार्टीको जिम्मा लगाउने व्यक्ति नै नभएको बताएको पाण्डेले बताए।

‘पार्टीको जिम्मा लिने कोही देखिन अरू भनेर ओलीले भनेपछि प्रचण्ड जीलाई पनि ढुक्क भयो’, पाण्डेले भने, ‘त्यसखालको कुरा गरेर पार्टी एकता घोषणा गरिएको थियो।’

प्रधानमन्त्री ओलीले गरेको संसद विघटनविरूद्ध पोखरामा मंगलबार आयोजित कार्यक्रममा बोल्दै पाण्डेले उक्त कुरा बताएका हुन्।

प्रधानमन्त्री ओली अनेक प्रपञ्च र छलछाम गरिरहेको भन्दै पाण्डेले प्रधानमन्त्री छलछाम गर्न सिपालु भएको आरोप लगाए।
संसद विघटन गरेर प्रधानमन्त्री स्वयं शस्त्रविहीन बन्न पुगेको उनको भनाइ छ।

‘हुँदै नभएको अधिकार प्रयोग गरेर संसद विघटन गर्नुभयो, अब स्वयं उहाँ (ओली) शस्त्रविहीन हुनुभयो’, उनले भने, ‘अब उहाँलाई कसैले टेर्नेवाला छैन।’

प्रधानमन्त्री ओलीले संसद विघटन लगायतका काम सेटिङमा मिलाएको भन्दै उनले खबरदारी गरे।

‘उहाँ (प्रधानमन्त्री)ले सेटिङमा गरेको भन्नुहुन्छ, खबरदार’, उनले भने, ‘आफ्नो सेटिङमा होइन, अर्काको सेटिङमा संसद विघटन गर्नुभयो, अरूको बाटोमो हिँड्न थाल्नुभयो।’

प्रधानमन्त्री ओलीले देशलाई गम्भीर दुश्चक्रमा फसाएको भन्दै उनले मुलुक र जनतालाई भड्खालोमा हाल्ने काम गरेको बताए।

नेकपाले अघिल्लो निर्वाचनमा ४५ लाख भोट पाएको भन्दै उक्त मतको भावनाविपरीत प्रधानमन्त्री ओली गएको उनले बताए।
‘यसले केपी ओलीलाई धिक्कारिरहेको छ’, उनले भने ।

प्रधानमन्त्री ओलीलाई ५ वर्ष सरकार चलाएर समृद्ध र सुखी नेपाली बनाउन भने पनि अर्कै बाटोमा हिँडेको पाण्डेको आरोप छ।

संसद पुनर्स्थापना गरेर पूर्ववत् अवस्थामा फर्काउन जटिल र असामान्य भए पनि आन्दोलनमार्फत् बाध्य पार्ने उनले चेतावनी दिए।
२०६२/०६३ को जनआन्दोलनमा युवाहरूले लोकतन्त्रका लागि अन्तिम लडाइँ लड्नुपर्ने भनेको उनले सम्झिए।

‘मलाई आफैंलाई खेद लागिरहेको छ, उक्त आन्दोलनमा युवाहरूले लोकतन्त्रका लागि कतिपटक लड्नुपर्ने हो भनेर मार्मिक ढंगले सोधेका थिए’, पाण्डेले भने, ‘हामीले त्यतिबेला कबोल गरेका थियौं, यो अन्तिम हो, यसपछि पर्दैन भनेर त्यसपछि नै त्यो आन्दोलनमा सारा नेपालीले समर्थन गरेका थिए।’

अहिले आएर प्रधानमन्त्री ओलीले त्यो कबोल र समर्थनलाई धोका दिएको पाण्डेले बताए।

प्रधानमन्त्री ओलीले चालेको कदम विरूद्धको आन्दोलन कुनै नेताका लागि नभएको उनले बताए।

‘यो कदम असफल पारौं, यो असफल भएपछि मात्र हामी सुरक्षित हुन सक्छौं’, उनले भने, ‘यो कदम सच्चिन जरूरी छ।’

भर्खरै प्रकाशित

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…

यी हुन् स्वास्थ्यमन्त्री शेरबहादुर तामाङले १९ दिनमा गरेको चार वटा…

काठमाडौं । पूर्वमन्त्री शेरबहादुर तामाङले आफूले स्वास्थ्य मन्त्रालय सम्हालेपछि गरेका काम सार्वजनिक गरेका छन् । बुधबार फेसबुकमार्फत मन्त्री तामाङले १९ दिनमा गरेको चार वटा कामको…

यूएईले अनुमति दिएका यी दुई खोप लगाएपछि मात्र प्रवेश अनुमति…

काठमाण्डौ । गएको वैशाख पाँच गते यूएईबाट बिदामा नेपाल फर्कनुभएका मोरङ बेलबारीका रमेशप्रसाद भट्टराईलाई कम्पनीले दिएको बिदा सकियो । ६५ दिनको बिदामा आउनुभएका उहाँ अवस्था…

घरबेटी सरस्वती महर्जन छुटेपछि रुपामाथि का’रबाहीको माग

जातीय विभेदको आधारमा कथित दलित जातिकी युवतीलाई घर भाडामा नदिएको आरोपअन्तर्गत प’क्राउ परेकी बबरमहलकी घरबेटी आज छुटेकी छन् । नेवार समुदायलगायत विभिन्न संघ, संस्थाले सरस्वती…