अमेरिकाको होस् उडाउने नयाँ रिपोर्ट सार्वजनिक, अबको आठ बर्षमा हुनेछ चीन विश्वकै ठूलो अर्थतन्त्र

यसअघि प्रक्षेपण गरिएभन्दा पाँच वर्षअघि नै सन् २०२८ सम्ममा चीनले अमेरिकालाई उछिन्दै विश्वकै सबैभन्दा ठूलो अर्थतन्त्र बन्ने एक रिपोर्टले देखाएको छ ।

बेलायतमा रहेको सेन्टर फर इकोनोमिक्स एन्ड बिजनेस रिसर्च (सीईबीआर) का अनुसार ‘कोभिड–१९ को कुशल व्यवस्थापनले’ आगामी वर्षहरुमा चीनको आर्थिक बृद्धि युरोप र अमेरिकाभन्दा बढी हुनेछ ।

यता, भारत पनि सन् २०३० सम्ममा विश्वको तेस्रो ठूलो अर्थतन्त्र बन्ने बताइएको छ । सीईबीआरले हरेक वर्ष डिसेम्बर २६ मा आफ्नो रिपोर्ट सार्वजनिक गर्दछ ।

चीनमा पहिलो पटक कोभिड–१९ को महामारी देखापरे पनि चीनले तीव्र र कडा कदम चालेर संक्रमणलाई नियन्त्रण लिन सफल भएको छ । त्यहाँ युरोपमा जस्तै अर्थतन्त्रलाई ‘प्यारालाइज’ गर्ने लकडाउन दोहोर्याउन परेन ।

जसको कारण अन्य मुख्य अर्थतन्त्रहरुजस्तै चीनले सन् २०२० मा आर्थिक मन्दीको सामना गर्न परेन । यो वर्ष चीनको आर्थिक वृद्धि २ प्रतिशत रह्यो ।

यसको ठीक विपरित अमेरिका कोरोना महामारीले सर्वाधिक प्रभावित बनेको छ । अमेरिकामा हालसम्म ३ लाख ३० हजार बढीले ज्यान गुमाइसकेका छन् भने १ करोड ८५ लाख बढी संक्रमित बनिसकेका छन् ।

आर्थिक राहतको विषयमा विवादले १ करोड ४० लाख अमेरिकी बेरोजगार सुविधाबाट वञ्चित हुने देखिएको छ ।

‘कोभिड–१९ महामारी र अन्य ठाउँमा देखिएको आर्थिक मन्दी चीनको पक्षमा देखिएको छ,’ सीईबीआरको रिपोर्टमा उल्लेख छ ।

रिपोर्टमा सन् २०२१ मा कोभिडपछिको अमेरिकी अर्थतन्त्रमा उछाल आउँदै सन् २०२२ देखि २४ सम्म वार्षिकरुपमा १.९ प्रतिशतले वृद्धि हुनेछ र त्यसपछि १.६ प्रतिशतमा सिमित हुनेछ ।

यता, चीनको अर्थतन्त्र २०२५ सम्म ५.७ प्रतिशतले बढ्ने र सन् २०२६ देखि २०३० सम्म ४.५ प्रतिशतले वार्षिकरुपमा बृद्धि हुने रिपोर्टमा उल्लेख छ । बीबीसी

भर्खरै प्रकाशित

चर्चित पत्रकार अजयबाबु शिवाकोटी प्रवल जनसेवाश्रीबाट सम्मानित

काठमाडौं । हाम्राकुरा डट कमका प्रधानसम्पादक अजयबाबु शिवाकोटीलाई सरकारले प्रवल जनसेवा श्री मानपदवीबाट सम्मानित गर्ने भएको छ । संविधान दिवसको अवसरमा सरकारले शिवाकोटीलाई प्रवल जनसेवा…

गायिका विष्णु माझीलाई ‘प्रसिद्ध प्रबल जनसेवाश्री पदक’

काठमाण्डाै । अहिले निकै चर्चामा रहेकी लोक दोहोरी गायिका विष्णु माझीले प्रसिद्ध प्रबल जनसेवाश्री पदक पाउने हुनु भएको छ । संविधान दिवसका अवसरमा गायिका विष्णु…

कृष्णाले खराब बुहारी भित्र्याएसँगै समस्या सुरु भो

गोबिन्दा र कृष्णा अभिषेकको परिवारबीचको खटपटले अब सीमा नाघिसकेको छ । अब गोबिन्दाकी श्रीमती सुनिताले कृष्णा अभिषेककी श्रीमती कश्मीरा शाहमाथि निशाना साँधेकी छिन् । उनले…

मनसुन कमजोर बनेसँगै चिसो बढ्यो

काठमाण्डाै – केही दिनयता बिहान र बेलुका चिसो अलिअलि बढ्न थालेको छ । दिउँसो मलिनो घाम लाग्ने र बिहान बेलुका पातलो कुहिरो लाग्ने गरेकाले चिसो…

परिमार्जन नभएसम्म एमसीसी पारित हुँदैन: प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले परिमार्जन बिना एमसीसी सम्झौता पास गर्न नसकिने बताएका छन् । एमसीसीबारे दलैपिच्छे फरक फरक धारणा आइरहेका बेला प्रचण्डले…