नेपाली युवाहरुले नेपालमै डिजाइन गरेको P-0 मोटरसाइकल अप्रिलबाट विक्री सुरु हुने

काठमाडौं । नेपाली युवाहरुले नेपालमै डिजाइन गरेर तयार गरेको इलेक्ट्रीक मोटरसाइकल ४ महिनापछि विक्री सुरु हुने भएको छ । कम्पनीले यसअघि २०७६ पुस ३ गते काठमाडौंमा एक कार्यक्रम आयोजनागरि यसको ५० यूनिट निर्माण गर्ने घोषणा गरेको थियो । यात्री नामको ब्राण्डमा आउने ‘पी-०’ मोडल २०२१, अप्रिलमा ग्राहकलाई हस्तान्त्रण गर्ने तयारी भएको कम्पनीले जानकारी दिएको छ ।

यात्री मोटरसाइकल प्रोजेक्टका प्रमुख तथा डिजाइनर असिम पाण्डेका अनुसार कोभिडको कारण आफ्नो प्रोजेक्ट पछाडि धकेलिएको भएपनि काम नरोकिएको जानकारी दिए ।

‘हामीले काम अगाडि बढाउदै लगेका छौं । सुरुमा बुकिङ गरेका ग्राहकलाई ५० वटा मोटरसाइकल डेलिभरी दिने तयारी सहित प्रडक्सन मोडल तयार भएको छ । मोडल ‘पी-०’सँगै अन्य नयाँमोडलको घोषण गर्दैछौं’, पाण्डेले मेरोअटोसँग भने ।

कम्पनीले सन् २०२० को सुरुवात मै ‘पी-०’ मोडलको प्रोटोटाइप बाहिर ल्याएको थियो । कम्पनीका अनुसार अब ग्राहकले गर्ने बुकिङको आधारमा ‘पी-०’ मोडलको उत्पादन हुने छ । साथै यो भन्दा कम मूल्यमा अन्य मोडल सार्वजनिक गर्ने तयारीमा कम्पनी जुटेको छ ।

यस्तो छ ‘पी-०’

कम्पनीले सार्वजनिक गरेको ‘पी-०’को प्रोटोटाइपमा ३० किलोवाटको मोटर प्रयोग गरिएको छ । यो अहिले बजारमा रहेका अन्य इलेक्ट्रीक मोटरसाइकलको तुलनामा निकै पावरफुल रहने छ । यसमा दिइएको मोटरले ६४ बीएच पावर र ६५० एनएम टर्क प्रदान गर्ने कम्पनीले दाबी गरेको छ ।

‘पी-०’ मोडलको टप स्पीड क्षमता २०० किलोमिटर प्रतिघण्टा रहेको छ भने सून्यदेखि ६० किलोमिटरको स्पीड भेट्टाउन २.५ सेकेन्ड मात्र लगाउने कम्पनीको दाबी छ । यो मोटरसाइकल एक पटकको फुल चार्जमा २३० किलोमिटर चलाउन सकिन्छ ।

यसमा ६ किलोवाट पर आवरको व्याट्री प्याक दिइएको छ भने यसमा ८ वर्षको वारेन्टि दिइएको छ । इभी टेक आइसी इन्जिनसँग प्रतिस्पर्धा गर्ने भएकाले यसमा उत्कृष्टता कसरी पाउने भन्ने विषयमा कम्पनीले काम गरिरहेको जनाएको छ ।

कम्पनीका अनुसार यसमा प्रयोग भएको लिथियम आयोन व्याट्री यही डिजाइन भएको र कोरियन कम्पनीसँगको सहकार्यमा तयार भएको हो । यसको चार्जिङ लाइफसाइकल २००० पटक रहेको छ ।

कम्पनीले ल्याउने नयाँ मोडल अप्रिलमा घोषणा हुने

डिजाइन पाण्डेका अनुसार कम्पनीले नयाँ ल्याउने अन्य मोडलको घोषणा अप्रिलमा नै जानकारी दिए । पाण्डे भन्छन्, ‘कम्पनीले थप २/३ वटा नयाँ मोडल घोषणा गर्छ । तर, त्यसको विषयमा अहिल्यै बाहिर ल्याउन सकिदैन । तपाईहरु अप्रिलसम्म कुर्नुस् हामी नयाँ मोडलको मूल्य र डिजाइन बाहिर ल्याउँछौ ।’

भर्खरै प्रकाशित

१५९ बोरा अवैध धानको बिउ खाल्डोमा पुरेर नष्ट

गत जेठमा चितवन र नवलपुरबाट नियन्त्रणमा लिइएको ५ हजार ६ सय ९५ किलो अवैध धानको बिउ आइतबार खाल्डोमा पुरेर नष्ट गरिएको छ। कृषि ज्ञान केन्द्र…

उपत्यकामा निजी गाडी चलाउन दिने तयारी, साँझ ५ बजे सिडिओको…

काठमाडौं । उपत्यकामा निषेधाज्ञा थप गर्दा निजी सवारी साधनलाई सञ्चालन गर्न दिने प्रशासनले तयारी गरेको छ । जोर–विजोर प्रणालीमा चल्न दिने वा अरु नियम लगाउने…

थर थाहा पाएर कोठा नदिने घरबेटी प’क्राउ

थरका कारण तनहुँकी २४ वर्षीय रूपा सुनारलाई कोठा नदिने घरबेटी प’क्राउ परेकी छन्। काठमाडौंको बबरमहलस्थित प्रधान थरकी महिलालाई महानगरीय प्रहरी वृत्त सिंहदरबारले प’क्राउ गरेको महानगरीय…

कहिलै नछुट्टिने भनेर १२३ दिनसम्म सँगै हतकडी लगाएका जोडीले टिभीमै…

आखिर सम्बन्ध बिग्रिसकेको छ र मन टुटिसकेको छ भने जति बल गर्दा पनि विवाह बन्धन टिक्न सक्दो रहेनछ । युक्रेनमा एक जोडीको हकमा यस्तै भएको…

चीनले थुनिएको पानी तर्काएपछि दोलखामा तत्कालको जोखिम टर्‍यो

काठमाडौं । चीनको स्वशासित क्षेत्र तिब्बतमा भारी वर्षापछि आएको पहिरोका कारण थुनिएको नदीलाई चिनियाँ पक्षले नै बिस्तारै खोलिदिएपछि तामाकोशीको तटीय क्षेत्रमा तत्कालको जोखिम टरेको जिल्ला…