संसद् विघटनबारे अन्तिममा आयो गोकुल बाँस्कोटाको यस्तो प्रतिक्रिया

काठमाडौँ । नेकपा केन्द्रीय सदस्य तथा पूर्व सञ्चारमन्त्री गोकुल बाँस्कोटाले बाध्यात्मक अवस्थाले नै प्रधानमन्त्रीले संसद् विघटनको निर्णय गरेको बताएका छन् ।

नेकपाका अध्यक्ष पुष्पकमल दाहाल र माधव नेपालको घेराबन्दीका कारण प्रधानमन्त्री संसद् विघटनको निर्णयमा पुगेको बाँस्कोटाले बताए । सरकारले संसद् विघटन गरेर कुनै गल्ती नगरेको उनको दाबी छ ।

‘संसद् विघटन के ठूलो कुरा भयो र ! लोकतन्त्र खोसिएको भएपो ! जनताले नै फैसला लिने निर्णय गर्दा लोकतन्त्र झन् बलियो हुन्छ । केही गठजोडबाट जनताले चुनेका प्रधानमन्त्रीलाई हट् भन्ने ?,’ बाँस्कोटाले भने, ‘कोठाभित्र थुनेर दनादन कुट्न थालेपछि घाँटी न्याकिदिएको हो ।

तर लोकतन्त्र न्याकेको छैन । प्रजातन्त्र न्याकेको छैन । जनतातिर नै फर्काइदिएको छ । अब चुनावबाट जितेर आउने, प्रधानमन्त्री, राष्ट्रपति हुने ।’

राजनीतिलाई षड्यन्त्रको भाँडो बनाएपछि डेमोक्रेटिभ लिडरले गर्न पर्ने काम गरिदिएको नेता बाँस्कोटाले बताए ।

‘राजनीतिलाई षड्यन्त्रको भाँडो बनाएपछि डेमोक्रेटिभ लिडरले गर्न पर्ने काम गर्नुभयो । उनीहरुले बलिङ गरेर हैरान पारे । प्रधानमन्त्रीले ब्याटिङ गर्नुभयो । बल अब जनताको कोर्टमा गयो । जे गर्छन् जनताले गर्छन्,’ बाँस्कोटाले भने ।

संयुक्तरुपमा विरोध गर्ने तीन दलको निर्णय

सरकारले संसद् विघटन गरेपछि नेकपासहितका तीन दलले संयुक्त रुपमा विरोध गर्ने निर्णय गरेका छन् । सत्तारुढ नेकपा, नेपाली कांग्रेस र जनता समाजवादी पार्टीले संसद् विघटन प्रति संयुक्त रुपमा विरोध गर्ने निर्णय गरेको नेकपा प्रवक्ता नारायणकाजी श्रेष्ठले बताए ।

संसद् विघटन गर्ने सिफारिस र राष्ट्रपतिले सदर गर्ने दुवै निर्णय गैरसंवैधानिक, असंवैधानिक र अलोकतान्त्रिक हो । त्यसको विरोध गर्ने र विरोधमा एकताबद्ध भएर जाने । सबै उपायहरुद्वारा त्यसको विरोध गर्ने निर्णय भएको छ,’ प्रवक्ता श्रेष्ठले भने ।

बैठकमा सहभागी कांग्रेस वरिष्ठ नेता रामचन्द्र पौडेलले भने आजको अनौपचारिक बैठकमा सरकारको कदमविरुद्ध संयुक्त रुपमा तीन दल विरोधमा उत्रन सहमत भएको बताए । उनले सोमबार सर्वदलीय बैठक आह्वान गरी विरोधका विषय ठोस निर्णय लिइने पनि कान्तिपुरसँग बताए ।

प्रवक्ता श्रेष्ठका अनुसार नेकपा नेताहरुको पहलमा तीन दलको बैठक कांग्रेस संसदीय दलको कार्यालयमा बसेको थियो । उक्त बैठकमा नेकपाका वरिष्ठ नेता माधवकुमार नेपाल, झलनाथ खनाल, प्रवक्ता श्रेष्ठ, देव गुरुङ र जनार्दन शर्मा सहभागी थिए ।

कांग्रेसको तर्फबाट वरिष्ठ नेता रामचन्द्र पौडेल, प्रमुख सचेतक बालकृष्ण खाँड, नेता मिनेन्द्र रिजाल र रमेश लेखक सहभागी थिए । यस्तै, जसपा नेता बाबुराम भट्टराई र राजेन्द्र महतो बैठकमा सहभागी थिए ।

 

 

भर्खरै प्रकाशित

चर्चित पत्रकार अजयबाबु शिवाकोटी प्रवल जनसेवाश्रीबाट सम्मानित

काठमाडौं । हाम्राकुरा डट कमका प्रधानसम्पादक अजयबाबु शिवाकोटीलाई सरकारले प्रवल जनसेवा श्री मानपदवीबाट सम्मानित गर्ने भएको छ । संविधान दिवसको अवसरमा सरकारले शिवाकोटीलाई प्रवल जनसेवा…

गायिका विष्णु माझीलाई ‘प्रसिद्ध प्रबल जनसेवाश्री पदक’

काठमाण्डाै । अहिले निकै चर्चामा रहेकी लोक दोहोरी गायिका विष्णु माझीले प्रसिद्ध प्रबल जनसेवाश्री पदक पाउने हुनु भएको छ । संविधान दिवसका अवसरमा गायिका विष्णु…

कृष्णाले खराब बुहारी भित्र्याएसँगै समस्या सुरु भो

गोबिन्दा र कृष्णा अभिषेकको परिवारबीचको खटपटले अब सीमा नाघिसकेको छ । अब गोबिन्दाकी श्रीमती सुनिताले कृष्णा अभिषेककी श्रीमती कश्मीरा शाहमाथि निशाना साँधेकी छिन् । उनले…

मनसुन कमजोर बनेसँगै चिसो बढ्यो

काठमाण्डाै – केही दिनयता बिहान र बेलुका चिसो अलिअलि बढ्न थालेको छ । दिउँसो मलिनो घाम लाग्ने र बिहान बेलुका पातलो कुहिरो लाग्ने गरेकाले चिसो…

परिमार्जन नभएसम्म एमसीसी पारित हुँदैन: प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले परिमार्जन बिना एमसीसी सम्झौता पास गर्न नसकिने बताएका छन् । एमसीसीबारे दलैपिच्छे फरक फरक धारणा आइरहेका बेला प्रचण्डले…