प्रधानमन्त्रीले आफू समर्थक सांसदलाई सोमबार बिहान ९ बजे बालुवाटारमा बोलाए

प्रतिनिधिसभा विघटनपछि प्रधानमन्त्री केपी शर्मा ओलीले आफू समर्थक सांसदहरूलाई सोमबार बिहान ९ बजे बालुवाटार बोलाएका छन् ।

विघटनपछि बदलिएको राष्ट्रिय परिस्थितिको मूल्यांकन र आगामी रणनीति तयार गर्न ओलीले आफू पक्षधर सांसदहरूलाई बालुवाटार बोलाएका हुन् ।

प्रधानमन्त्रीले आइतबार साँझ नै आफूनिकट शीर्ष सांसद र नेताहरूसँग भने छलफल गरेका थिए ।

प्रधानमन्त्रीनिकट एक नेताका अनुसार आफ्नो कदमको समर्थनमा को–को छन् भन्ने बुझ्नका लागि पनि ओलीले सोमबार बिहानका लागि बैठक बोलाएका हुन् ।

सो बैठकमा ओलीले प्रतिनिधिसभा र राष्ट्रिय सभाका आफ्ना पक्षधर सांसदहरूलाई बोलाएका छन् ।

नेकपाका कुन नेता कुन खेमामा ?

नेकपामा अहिले केन्द्रदेखि जिल्लासम्म नेता कार्यकर्ता विभाजित भएका छन् । संसद विघटन गरि मध्यावधि चुनावको मिति घोषणा भएको छ । यसै सन्दर्भमा सुदूरपश्चिम प्रदेशको बझाङ जिल्लाका नेता कार्यकर्ता पनि सरकारले चालेको कदम प्रति विभाजित भएका छन् ।

संसद विघटन गरि मध्यावधि चुनावको मिति घोषणा गरेपछि जिल्लाका अधिकांश नेताहरु प्रधानमन्त्री केपी ओलीको विपक्षमा रहेको नेकपा जिल्ला अध्यक्ष मीन बहादुर कुँवरले बताए ।

केन्द्रिय सदस्य एवंम विघटित प्रतिनिधि सभाका सदस्य भैरव बहादुर सिंह सरकारको यो कदमको विपक्षमा उभिएका छन । सिहं नेकपाका उपाध्यक्ष बामदेब निकट मानिन्छन् । अर्का केन्द्रिय सदस्य देवराज रेग्मी र नेकपा सुदूरपश्चिम प्रदेशका सहईन्चार्ज एंवम नेकपाका केन्द्रिय सदस्य भानुभक्त जोशी पनि प्रधानमन्त्रीले चालेको कदमको विपक्षमा नै छन ।

त्यस्तै जिल्ला अध्यक्ष मीन बहादुर कुँवर र संविधान सभा सदस्य जनक बुढा पनि प्रधानमन्त्रीको कदमको विरुद्धमा छन् । उनीहरु नेकपाका अध्यक्ष प्रचण्ड र माधव नेपाल खेमामा उभिएका छन् ।

प्रतिनिधि सभाका सदस्य आशा विक, संविधान सभा सदस्य अफिलाल ओखेडा र संविधान सभा सदस्य मानप्रसाद खत्री प्रधानमन्त्री केपी ओली खेमा उभिएका छन् । खत्रीलाई समावेशी आयोगका अध्यक्षमा सरकारले नियुक्त गर्ने निर्णय समेत गरेको छ ।

सुदूरपश्चिम प्रदेश सभाका सभामुख एवंम बझाङ जिल्ला क क्षेत्रका सांसद अर्जुन थापापनि सरकारले चालेको कदम प्रति सहमत छैनन् । उनि भीम रावल निकट मानिन्छन् । यसैगरि प्रदेश ख क्षेत्रकी सांसद दबेकी मल्ल सरकारले चालेको कदम ठिक नभएकोमा खेमामा छिन् । प्रदेश सांसद माया तामाङ र शान्ति नेपाली पनि प्रधानमन्त्रीको गरेको कार्यमा असन्तुष्ट छिन् ।

उनीहरु प्रचण्ड माधव खेमाको रुपमा चिनिछिन् । त्यसैगरी अर्का संविधान सभा सदस्य एलबी रावल प्रचण्ड माधव खेमा लागेका छन । उनी भिम रावल निकटका नेता मानिन्छन् ।

अर्का सबिधान सदस्य जनक बुढा पनि सरकारको कदमको बिरुद्धमा छन भने जिल्ला पार्टी सचिब दमन भण्डारी प्रचण्ड माधव खेमा छन् । यस जिल्लामा १२ स्थानिय तह मध्ये ८ वटा स्थानिय तहमा नेकपाले जितेको थियो । जय पृथ्वी नगरपालिका प्रमुख विरेन्द्र खड्का र उपप्रमुख जुना जाग्री पनि प्रधानमन्त्रीले चालेको कदम प्रति असन्तुष्ट छन् ।

 

भर्खरै प्रकाशित

लुम्बिनीका पहाडी जिल्ला प्यूठान, रुकुम, रोल्पामा सेतो पुतलीबाट हुने सापू…

राेल्पा । लुम्बिनी प्रदेशका पहाडी जिल्लामा सेतो पुतलीबाट आँखामा लाग्ने सापू रोगका बिरामी बढ्न थालेका छन् । पहाडी जिल्लामा यो रोगको उपचार सबै ठाउँमा हुननसक्ने…

सत्याग्रह गर्नका लागि डा.केसी अमेरिका प्रस्थान

काठमाडौं । चिकित्सा स्वास्थ्य क्षेत्रका अभियन्ता डा.गोविन्द केसी सत्याग्रहका लागि अमेरिका प्रस्तान गरेका छन। विश्व शान्ति दिवसका अवसरमा अमेरिकाको न्युयोर्कमा हुने सामुहिक सत्याग्रहमा भाग लिन…

प्रदीप ज्ञवालीको प्रश्न : एमसीसी सही थियो भने हिजो किन…

काठमाडौं । नेकपा एमालेका सचिव प्रदीप ज्ञवालीले मिलेनियम च्यालेन्ज कर्पोरसेन (एमसीसी) सम्झौतालाई लिएर सत्तारुढ गठबन्धनमाथि प्रश्न उठाएका छन् । सरकार अविछिन्न उत्तराधिकारीवाला संस्था भएकाले आफूहरु…

भारतले चीनलाई भन्यो: दुबैतर्फबाट सीमा सुरक्षा फौज फिर्ता गरौँ

नयाँ दिल्ली । चीनसँगको हिमाली सीमा क्षेत्रमा खटिएका दुबै देशका सुरक्षा फौज फिर्ता गर्न भारतले चीनसमक्ष प्रस्ताव राखेको छ । विवादित हिमाली सीमामा खटिएको सुरक्षा…

जापानमा सय वर्षसम्म बाँच्नेको संख्या ८५ हजार नाघे

टोकियो । जापानमा एक शताब्दी अर्थात् सय वर्षभन्दा बढी उमेरसम्म बाँच्ने वृद्धवृद्धाको संख्या ८५ हजार नाघेको छ। पहिलो पटक सय वर्ष वा सोभन्दा बढी उमेरसम्म…