ओली खुमलटार गएर प्रचण्डको पुच्छर बन्नुभएछ : भीम रावल

काठमाडौं, ४ पुस। नेपाल कम्युनिस्ट पार्टी (नेकपा) का स्थायी समिति एवं पूर्वउपप्रधानमन्त्री भीम रावलले प्रधानमन्त्री ओली पनि प्रचण्ड निवास पुगेकोमा प्रसङ्ग निकाल्दै सहमतिका लागि प्रयास गर्नु राम्रो भएको बताएका छन्। रावलले ट्वीट गर्दै आफूहरु खुमलटार जाँदा प्रचण्डको पुच्छर भएको भन्ने ओलीले अब के गर्छन् भन्ने प्रश्न पनि गरेका छन्।

रावलले लेखेका छन् – बिहान प्रम केपी ओलीजी, प्रचण्डजीसँग कुरा गर्न खुमलटार जानुभएछ। वामदेवजीको उपस्थितमा मिलौं भन्नुभएछ। हामीले खुमलटारमा प्रचण्डजीसँग भेट्दा बुर्ल्लुक उफ्रिदै पुच्छर भए भन्नेहरू अब त चुप लाग्छन् कि ? नेताहरूबीच कुराकानी हुनु र सहमति खोज्नु राम्रो हो। सहमति नभए विधिबाट समाधान खोज्नुपर्छ।

यसअघि प्रधानमन्त्री ओली प्रचण्ड निवास खुमलटारलाई गुटको मुख्यालय भन्दै खुमलटार जानेहरुलाई पुच्छरको संज्ञा दिएका थिए। रावलले ओली र उनीसर्मथक नेताहरुप्रति कटाक्ष गर्दै ओली नै खुमलटार पुगेपछि त अरुलाई पुच्छर नभन्लान् नि भन्दै व्यंग गरेका हुन्।

रावलले नेताहरुबिच कुराकानी हुनु र सहमति खोज्नु राम्रो कुरा भएको लेखेका छन्। उनले सहमति नभए नेताहरुले विधि र प्रक्रियामार्फत् समाधान खोज्न तयार हुनुपर्ने पनि उनले उल्लेख गरेका छन्।

नेकपाको आइतबार बस्ने स्थायी समितिको बैठकको पूर्वसन्ध्यामा ओलीले सहमतिका लागि भन्दै नेताहरुलाई भेट्न थालेका हुन्। सबैतिरबाट कर्नरमा परेपछि स्थायी समिति बैठक पर धकेल्न र नेताहरुलाई अल्मलाउन ओलीले अर्को जुक्ति निकाल्न थालेको नेताहरुले आशंका व्यक्त गरेका छन्। खुमलटारबाट फर्किएपछि ओली पुल्चोकस्थित गृहमन्त्रीको सरकारी निवासमा पुगेका थिए।

गत बुधबार बसेको पार्टी स्थायी समिति बैठकले मंगलबार जारी गरेको अध्यादेश फिर्ता लिन ओलीलाई निर्देशन दिए पनि अहिलेसम्म अध्यादेश फिर्ता भएको छैन। स्थायी समिति बैठकको सर्वसम्मत निर्णय लागू नगरेर ओलीले त्यसलाई ‘बार्गेनिङ टुल्स्’ बनाएका छन्। ओलीले प्रष्ट भाषामा अध्यादेश फिर्ता गर्दिनँ नभने पनि यसलाई राजनीतिक हतियार बनाउन खोजेको नेताहरुको विश्लेषण छ।

शनिबार बिहान खुमलटार पुगेर पनि ओलीले पूरानै कुरा दोहोर्‍याएका छन्। उनले नेकपाका कार्यकारी अध्यक्ष प्रचण्डलाई आफूमाथि लगाएको अभियोगसहितको प्रस्ताव फिर्ता लिन आग्रह गरेका छन्। प्रस्ताव फिर्ता लिन प्रचण्डले इन्कार गरेपछि ओली गृहमन्त्री निवास पुगेका थिए।

भर्खरै प्रकाशित

कतार प्रहरीमा शून्य लागतमा भर्ना प्रक्रिया हुनुपर्ने सर्त नमानेर म्यानपावरले…

काठमाडौँ । कतारका लागि नेपाली राजदूत नारदनाथ भारद्वाजलाई गत वर्ष सेप्टेम्बर २७ मा कतारको आन्तरिक मन्त्रालयका उच्च अधिकारीले एउटा सुखद खबर सुनाए । त्यो थियो, त्यहाँको…

राष्ट्रिय सहमति कायम गरेर छिटै एमसीसी पारित गरौं : बाबुराम…

काठमाडौं । पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले राष्ट्रिय सहमति कायम गरेर अमेरिकी सहयोग परियोजना एमसीसी सम्झौता पारित गर्न सुझाव…

काममा असाध्यै व्यस्त थिएँ, राज कुन्द्रा के गरिरहेका थिए मलाई…

राज कुन्द्रा पोर्नोग्राफी केसमा मुम्बई क्राइम ब्रान्चले २३ जुलाईमा शिल्पा शेट्टीको बयान दर्ता गरेको थियो । एक भारतीय सञ्चार माध्यमले शिल्पाले प्रहरीलाई दिएको बयानको विस्तृत…

बागमती प्रदेशमा पनि बादल नै एमाले इन्चार्ज !

काठमाडौं । नेकपा एमाले काठमाडौंले गरेको प्रशिक्षणलाई बागमती प्रदेश इन्चार्जको भूमिकामा रामबहादुर थापा बादलले सम्बोधन गरेका छन् । कमलादीस्थित प्रज्ञाभवनमा जिल्ला स्तरीय प्रशिक्षणमा बादल प्रदेश…

सेतो पुतली आतंक : १८ वर्षे युवाको गुम्यो ज्योति, ५–१५…

लालप्रसाद शर्मा, घनश्याम खड्का, अगन्धर तिवारी (कान्तिपुर) पोखरा/म्याग्दी/पर्वत । म्याग्दीको बेनी–७ बेनीबजारका १८ वर्षीय अमृत पुनको देब्रो आँखामा भदौ १३ मा सेतो पुतलीको झुस परेर…