नेपालमा सार्वजनिक भएको ११ दिनमै १२ वटा बिक्यो बिएमडब्लु कार

चर्चित जर्मन कार ब्रान्ड बिएमडब्लु नेपालमा सार्वजनिक भएको ११ दिनमै १२ वटा बिक्री भएको छ।

गत मंसिर २२ गतेदेखि औपचारिक रूपमा नेपाली बजारमा सार्वजनिक भएको यो गाडी १२ वटा बिकिसकेको लक्ष्मी ग्रुप अन्तर्गतको लक्ष्मी प्रिमियम मोटर्सले जनाएको छ।

विश्वका धेरै देशमा बिएमडब्लुले ख्याती कमाए पनि नेपालमा यसको आधिकारिक बिक्रीवितरण थिएन। गत मंसिरदेखि मात्र लक्ष्मी प्रिमियमले बिएमडब्लुको आधिकारिक बिक्रीवितरण सुरू गरेको हो।

कम्पनीले हाल एक्स १, एक्स २, एक्स ३, एक्स ५ एसयूभी र ५ सिरिज तथा ७ सिरिजका गाडी बिक्री गर्ने जनाएको छ। यिनको मूल्यबारे भने कम्पनीसँगै जानकारी लिनुपर्ने कम्पनीले जनाएको छ।

हाल शोरूममा गाडी हेर्न आउनेहरू बढ्दो क्रममा रहेको लक्ष्मी इन्टरकन्टिनेन्टल प्रालिका महाप्रबन्धक रुपेश शर्मा भट्टले जानकारी दिए। कम्पनीले गाडीहरू सिधै जर्मनी, अमेरिका र अष्ट्रियाबाट भित्र्याएको पनि भट्टले बताए।

लक्ष्मी प्रिमियम मोटर्सले काठमाडौंको तीनकुनेमा १० हजार १६५ स्क्वायर फिटको शोरुम बनाएको छ।

बिएमडब्लुलाई नेपाली बजारमा स्थापित गर्न र बजारीकरण गर्न लक्ष्मी प्रिमियमले बिएमडब्लु एसिया र बिएमडब्लु बंगलादेशसँग सहकार्य गरेको कम्पनीले जनाएको छ।

बिएमडब्लु बंगलादेशले नेपालमा बिएमडब्लुको बजार स्थापित गर्न बिक्री र बिक्रीपछिको सेवा प्रदान गर्ने पूर्वाधार तयारी गर्न र ग्राहक सेवालाई प्राथमिकता दिन ‘मेन्टर’को भूमिका निर्वाह गरिरहेको कम्पनीले बतायो।

जर्मनीमा सन् १९१६ मा स्थापित बिएमडब्लुले यो क्षेत्रमा एक शताब्दी काम गरिसकेको छ। सुरूआती दिनमा एयरक्राफ्ट इन्जिन बनाउने काम गरेको कम्पनीले पछि मोटरसाइकल र गाडी उत्पादन थालेको हो।

भर्खरै प्रकाशित

चर्चित पत्रकार अजयबाबु शिवाकोटी प्रवल जनसेवाश्रीबाट सम्मानित

काठमाडौं । हाम्राकुरा डट कमका प्रधानसम्पादक अजयबाबु शिवाकोटीलाई सरकारले प्रवल जनसेवा श्री मानपदवीबाट सम्मानित गर्ने भएको छ । संविधान दिवसको अवसरमा सरकारले शिवाकोटीलाई प्रवल जनसेवा…

गायिका विष्णु माझीलाई ‘प्रसिद्ध प्रबल जनसेवाश्री पदक’

काठमाण्डाै । अहिले निकै चर्चामा रहेकी लोक दोहोरी गायिका विष्णु माझीले प्रसिद्ध प्रबल जनसेवाश्री पदक पाउने हुनु भएको छ । संविधान दिवसका अवसरमा गायिका विष्णु…

कृष्णाले खराब बुहारी भित्र्याएसँगै समस्या सुरु भो

गोबिन्दा र कृष्णा अभिषेकको परिवारबीचको खटपटले अब सीमा नाघिसकेको छ । अब गोबिन्दाकी श्रीमती सुनिताले कृष्णा अभिषेककी श्रीमती कश्मीरा शाहमाथि निशाना साँधेकी छिन् । उनले…

मनसुन कमजोर बनेसँगै चिसो बढ्यो

काठमाण्डाै – केही दिनयता बिहान र बेलुका चिसो अलिअलि बढ्न थालेको छ । दिउँसो मलिनो घाम लाग्ने र बिहान बेलुका पातलो कुहिरो लाग्ने गरेकाले चिसो…

परिमार्जन नभएसम्म एमसीसी पारित हुँदैन: प्रचण्ड

नेकपा माओवादी केन्द्रका अध्यक्ष पुष्पकमल दाहाल प्रचण्डले परिमार्जन बिना एमसीसी सम्झौता पास गर्न नसकिने बताएका छन् । एमसीसीबारे दलैपिच्छे फरक फरक धारणा आइरहेका बेला प्रचण्डले…