यी हुन् मासिक २० हजार किस्ता तिर्न सक्नेले चढ्न सक्ने साना कार

काठमाडौं । नेपालमा सामान्य मानिसले चढ्न सक्ने कार नै उपलब्ध छैन भन्दा हुन्छ । कारमा रहने फिचर र टेक्नोलोजीले विश्वमा नाम कहलिएका गाडी धेरै धनी मानिसको पनि पहुँच बाहिर रहेको छ । यस्तोमा सामान्य कमाई हुने नेपालीले कार चढ्न सक्ने कुरै भएन ।

नेपालमा सरकारले लगाउने उच्च कर र सामान्य कमाई हुने मानिसले बैंकबाट कर्जा समेत सहजै पाउन सक्ने अवस्था छैन । नेपाल राष्ट्र बैंकले गाडी कर्जालाई हरेक वर्ष कडाई गर्दै लगेको छ । कुनैपनि मानिसले अटो कर्जा आफ्नो मासिक आम्दानीको ५० प्रतिशत भन्दा कम रकमले किस्ता तिर्न पुग्नु पर्ने नियम बनाएको छ । यसले कर्जा लिन नै कठिनाई भएको ग्राहकहरुले गुनासो गर्ने गरेका छन् ।

अहिले बजारमा वार्षिक व्याजदर ९ प्रतिशत हाराहारीमा पाउन सकिन्छ भने यस्तो कर्जा ७ देखि ८ वर्षसम्मलाई पाउन सकिन्छ । २५ लाखभन्दा कम मूल्यमा बजारमा किन्न पाइने कार ७ वर्षे अवधिको लागि फाइनान्स गर्ने हो भने ग्राहकले २० हजार रुपैयाँ मासिक किस्ता तिर्दा पुग्ने छ ।

अहिले बजारमा मासिक किस्ता २० हजारभन्दा कम तिर्नेगरि विभिन्न कम्पनीले बिक्री गर्ने इन्ट्री लेवल ह्याचव्याक कारहरु खरिद गर्न सकिन्छ । मारुती सुजुकी अल्टो, सेलेरियो, वागेनआर जस्ता मोडलको मूल्य २५ लाख हाराहारी पर्ने हुन्दा यी कार किन्दा २० हजारभन्दा कम मासिक किस्ता तिर्दा पुग्ने छ ।

हुन्डाई सेन्ट्रो पनि कम मासिक किस्तामा किन्न सकिने कार हो । कम्पनीले यसको सुरुवाती मूल्य २३ लाख ९६ हजार रुपैयाँ रहेको छ । त्यसैले यसको मासिक किस्ता २० हजारभन्दा कम पर्ने छ ।

डाट्सन रेडी गो फेसलिफ्ट अर्को २० हजार भन्दा कम मूल्यमा किन्न सकिने कार हो । यसको मूल्य २३ लाख ९९ हजार रुपैयाँ निर्धारण गरेर बिक्री हुँदै आएको छ ।

रेनो क्वीड फेसलिफ्टको नेपालमा बिक्री सुरु भएको छ । यसको मूल्य २४ लाख ९९ हजार रुपैयाँ तोकिएको छ । त्यसैले यसको मासिक किस्ता पनि २० हजारभन्दा कम पर्न आउँछ ।

टाटा टियागोको इन्ट्री लेवल भेरियन्ट पनि २० हजार मासिक किस्ता भन्दा कममा किन्न सकिने कार हो । कम्पनीले टियागोको सुरुवाती मूल्य २४ लाख ९९ हजार रुपैयाँ मूल्य राखेर बिक्री वितरण गर्दै आएको छ । मेरोअटोबाट  

भर्खरै प्रकाशित

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…