चिज सही दिशामा जान्छ : योगेश

जटिल अवस्थामा पुगेको नेकपाको विवाद समाधानउन्मुख भएको संकेत नेकपाका प्रभावशाली नेताहरूले गरेका छन् ।

बुधवार बसेको स्थायी कमिटी बैठकपछि प्रभावशाली नेताहरू योगेश भट्टराई र जनार्दन शर्माले बैठक सकारात्मक ढंगले अगाडि बढेको बताएका हुन् ।

प्रधानमन्त्री निवास बालुवाटारमा बुधवार बसेको बैठकले संवैधानिक परिषद्सम्बन्धी अध्यादेश फिर्ताको निर्णय गरेको थियो ।

उक्त निर्णयपछि संसद्को विशेष अधिवेशन बोलाउन कार्यकारी अध्यक्ष पुष्पकमल दाहाल ‘प्रचण्ड’ र माधवकुमार नेपाल समूहले गरेको तयारी पनि रोकिएको थियो ।

संस्कृति पर्यटन तथा नागरिक उड्डयन मन्त्री समेत रहेका स्थायी कमिटी सदस्य भट्टराईले चिज सही दिशामा जान लागेको प्रतिक्रिया दिएका छन् ।

‘बुधवार राम्रो बार भन्ने भनाइ छ नि ! आज धेरै राम्रो भयो ! अब चिज सही दिशामा जान्छ, लानुपर्छ,’ बैठकपछि सामाजिक सञ्जाल ट्विटरमा योगेशले लेखेका छन् ।

पूर्वमाओवादी खेमाका प्रभावशाली नेता शर्माले ५ गतेदेखि सकारात्मक छलफल हुने उल्लेख गरेका छन् ।

‘आजको स्थायी समितिको बैठकले अध्यादेश र संसदको विशेष अधिवेशन आह्वान माग गरेको निवेदन फिर्ता गर्ने निर्णय गरेको छ । बाँकी प्रस्तावबारे समग्र परिस्थितिलाई ध्यानमा राखी सकारात्मक ढंगले ५ गतेदेखि छलफल हुने छ,’ शर्माले बुधवार साँझ ट्विटरमा लेखेका छन् ।

विगतमा स्थायी कमिटी बैठकमा अनुपस्थित भएका नेकपा अध्यक्ष एवं प्रधानमन्त्री केपी शर्मा ओली आजको बैठकमा उपस्थित भएका थिए । बैठकअघि अर्का अध्यक्ष पुष्पकमल दाहाल प्रचण्डसँग ओलीले दुईपटक छलफल गरेका थिए ।

कात्तिक २८ गतेको सचिवालय बैठकमा प्रचण्डले ओलीविरुद्ध पेश गरेको प्रस्तावपछि उत्कर्षमा पुगेको नेकपा विवाद मत्थर हुने संकेत देखिएको छ । बुधवार दुई अध्यक्षबीच एकले अर्काविरुद्ध लगाएको आरोप फिर्ता गर्ने सहमति भएको बालुवाटार स्रोतको दाबी छ ।

नेकपा स्थायी कमिटी बैठक पुस ५ गते बस्ने तय भएको छ । ५ गतेका लागि तय भएको केन्द्रीय कमिटी बैठक भने पुस १० गते शुरू हुने भएको छ ।

भर्खरै प्रकाशित

फागुनमा सकिँदैछ मेयर शाक्यको पाँचवर्षे कार्यकाल, कहाँ पुग्यो नगरवासीले चढ्ने…

आजभन्दा चार वर्षअघि काठमाडौं महानगरपालिकाको मेयरमा चुनाव लड्दै गर्दा विद्यासुन्दर शाक्यले आफ्नो कार्यकालमा काठमाडौंमा मेट्रो रेल र मोनो रेल कुदाउने प्रतिवद्धता जनाएका थिए । मेयर…

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…

यी हुन् स्वास्थ्यमन्त्री शेरबहादुर तामाङले १९ दिनमा गरेको चार वटा…

काठमाडौं । पूर्वमन्त्री शेरबहादुर तामाङले आफूले स्वास्थ्य मन्त्रालय सम्हालेपछि गरेका काम सार्वजनिक गरेका छन् । बुधबार फेसबुकमार्फत मन्त्री तामाङले १९ दिनमा गरेको चार वटा कामको…

यूएईले अनुमति दिएका यी दुई खोप लगाएपछि मात्र प्रवेश अनुमति…

काठमाण्डौ । गएको वैशाख पाँच गते यूएईबाट बिदामा नेपाल फर्कनुभएका मोरङ बेलबारीका रमेशप्रसाद भट्टराईलाई कम्पनीले दिएको बिदा सकियो । ६५ दिनको बिदामा आउनुभएका उहाँ अवस्था…