दैनिक पाँच लाख अण्डा उत्पादन हुने कुखुरा फार्म खुल्दै, दुई अर्ब लगानीमा बायोग्यास र जैविक मल पनि

काठमाडौं। दुई अर्ब लगानीमा ६ लाख लेयर्स(कुखुरा) फार्म, बायो ग्यास र अर्गानिक मल उत्पादन गर्ने उद्देश्यसहित जनकपुर एग्रो फार्म स्थापना हुने भएको छ।

मेडिकल कलेजमा लगानी गर्दै आएका खुमाप्रसाद अर्याल, भेषराज अर्याल र शोभाकान्त ढकालको लगानी छ। यो फार्म स्थापना हुन लागेको हो। खुमाको भैरहवा मेडिकल कलेज र गण्डकी मेडिकल कलेजमा प्रत्यक्ष लगानी छ।

यो फार्मको शुक्रबार जनकपुरको धनुषाधाम नगरपालिका-९ मा शिलान्यास गरिएको छ। १२ बिघा जग्गामा फैलिएको यो फार्म एक वर्षभित्र संचालनमा आउने कम्पनीका संचालक ढकालले जानकारी दिए। ‘एक वर्षभित्र पहिलो चरणमा लेयर्स पाल्न सुरु गर्ने योजना बनाएका छौं,’ ढकालले बिजमाण्डूसँग भने, ‘दुई वर्षभित्र ६ लाख लेयर्स पालेर दैनिक पाँच लाख अण्डा उत्पादन गर्ने लक्ष्य राखेका छौं।’ यो फार्म पूर्ण वातानुकुलित र स्वचालित हुने ढकालको दाबी छ।

‘यो पूर्णरूपमा टेम्प्रेचर कन्ट्रोल हुनेछ। दाना राख्नेदेखि अण्डा क्रेटमा राख्नेसम्म सबै स्वचालित हुनेछ,’ उनले भने, ‘उत्कृष्ट फार्म बनाउने प्रयास गर्नेछौ र, लेयर्स सेग्मेन्टमा सबैभन्दा बढी यही फार्म हुनेछ।’ अहिलेसम्म दुई लाख लेयर्स पाल्ने फार्म छ। त्यो पनि यही समूहको स्याङजामा रहेको छ।

यो फार्मलाई चाहिने दानाका लागि फार्मभित्रै उद्योग स्थापना गरिनेछ। ‘यति ठूलो फार्मका लागि दाना बाहिरबाट किन्ने भन्दा भित्रै प्लान्ट लगाउन उचित हुन्छ। त्यसैले दुई वर्षभित्र दाना उद्योग पनि स्थापना भइसक्छ,’ ढकालले भने।

यो बाहेक फार्मभित्र दैनिक तीन सय सिलिण्डर बायोग्यास उत्पादन हुनेछ। यो बायोग्यास औद्योगिक प्रयोजनमा बिक्री हुनेछ। एलपीजी भन्दा प्रभावकारी हुने भएकाले औद्योगिक प्रयोजनमा अहिले बायोग्यास प्रयोग बढ्दो क्रममा छ। एलपीजीभन्दा १० प्रतिशतले सस्तो पर्नुका साथै १५ प्रतिशतले प्रेसर (चाप) बढी बायोग्यासमा हुन्छ।

‘कुखुराको सुलीबाट बायोग्यास उत्पादन हुने भएकोले यो प्लान्ट लगाउन खोजेका हौं। हामीले स्याङ्जामा पनि बायो ग्यास उत्पादन गरेर बिजुलीको रूपमा प्रयोग गर्दै आएका छौं। तर यहाँ भने व्यवसायिक रूपमै सिलिण्डरमा हालेर बिक्री गर्न खोजेका हौं,’ ढकालले भने, ‘यो एलपीजी भन्दा ३० प्रतिशतसम्म सस्तो पर्ने भएकाले व्यापकता पाउने विश्वास समेत लिएका छौं।’

यो बाहेक जैविक मलको प्रयोग बढ्दै गएकाले उत्पादनका लागि प्लान्ट लगाउन लागेको बताए। ‘हामीले आफ्नै ब्राण्डमा जैविक मल उत्पादन गरेर बिक्री गर्नेछौं,’ उनले भने। यो प्लान्टबाट दैनिक २० टन जैविक मल उत्पादन हुनेछ। यो फार्ममा कृषि विकास बैंक र नेपाल बैंकले ऋण लगानी गरेका छन्।

अस्थिर बजारमा जोखिम कति?

कुखुरापालन रोग र बजार मूल्यका कारण लगानी सधै जोखिममा रहन्छ। अहिले झन् कोभिडका कारण धेरै कुखुरापालक व्यवसायी र किसानले नोक्सानी ब्योहोर्नु पर्‍यो।

दुई अर्ब लगानीमा स्थापना गर्न लागिएको यो एग्रो फार्मका लागि जोखिम कति रहन्छ? ‘कुखुरापालनमा जोखिम नभएको होइन्। तर उत्पादनमूलक क्षेत्रमा लगानी गर्दा नाफा/घाटा भन्दा पनि देशको अर्थतन्त्रलाई तात्विक रुपमा पार्ने फरकलाई हेर्नुपर्छ,’ ढकालले भने, ‘हामी चार्टर्ड एकाउन्टेन्ट समेत भएकाले ६ वर्षभित्र पे ब्याक हुने अनुमान गरेका छौं।’

उनका अनुसार नेपालीको प्रतिव्यक्ति अण्डा उपभोग छिमेकी मुलुक भारतकै तुलनामा समेत कम रहेकाले बजारको सम्भावना अपार छ। ‘हाम्रो अहिले अण्डाको प्रति व्यक्ति उपभोग ४४ गोटा मात्रै छ। भारतमै प्रतिव्यक्ति उपभोग ८० वटा छ,’ ढकालले भने, ‘धेरै कम पैसामा धेरै पोषण भएको अण्डाको खपत बढ्ने आधारमा पनि बजारको सम्भावना बढी छ।’

भर्खरै प्रकाशित

लुम्बिनीका पहाडी जिल्ला प्यूठान, रुकुम, रोल्पामा सेतो पुतलीबाट हुने सापू…

राेल्पा । लुम्बिनी प्रदेशका पहाडी जिल्लामा सेतो पुतलीबाट आँखामा लाग्ने सापू रोगका बिरामी बढ्न थालेका छन् । पहाडी जिल्लामा यो रोगको उपचार सबै ठाउँमा हुननसक्ने…

सत्याग्रह गर्नका लागि डा.केसी अमेरिका प्रस्थान

काठमाडौं । चिकित्सा स्वास्थ्य क्षेत्रका अभियन्ता डा.गोविन्द केसी सत्याग्रहका लागि अमेरिका प्रस्तान गरेका छन। विश्व शान्ति दिवसका अवसरमा अमेरिकाको न्युयोर्कमा हुने सामुहिक सत्याग्रहमा भाग लिन…

प्रदीप ज्ञवालीको प्रश्न : एमसीसी सही थियो भने हिजो किन…

काठमाडौं । नेकपा एमालेका सचिव प्रदीप ज्ञवालीले मिलेनियम च्यालेन्ज कर्पोरसेन (एमसीसी) सम्झौतालाई लिएर सत्तारुढ गठबन्धनमाथि प्रश्न उठाएका छन् । सरकार अविछिन्न उत्तराधिकारीवाला संस्था भएकाले आफूहरु…

भारतले चीनलाई भन्यो: दुबैतर्फबाट सीमा सुरक्षा फौज फिर्ता गरौँ

नयाँ दिल्ली । चीनसँगको हिमाली सीमा क्षेत्रमा खटिएका दुबै देशका सुरक्षा फौज फिर्ता गर्न भारतले चीनसमक्ष प्रस्ताव राखेको छ । विवादित हिमाली सीमामा खटिएको सुरक्षा…

जापानमा सय वर्षसम्म बाँच्नेको संख्या ८५ हजार नाघे

टोकियो । जापानमा एक शताब्दी अर्थात् सय वर्षभन्दा बढी उमेरसम्म बाँच्ने वृद्धवृद्धाको संख्या ८५ हजार नाघेको छ। पहिलो पटक सय वर्ष वा सोभन्दा बढी उमेरसम्म…