विश्वकै लामो पुल भनेर दाबी गरिएको झोलुङ्गे पुलमा चोर पल्किए

राजन रेग्मी

बागलुङ । बागलुङ नगरपालिका—१ रामरेखा देखि पर्वतको कुस्मा नगरपालिका—१ पाङ जोड्ने लामो पुल निर्माण सम्पन्न भए पनि उद्घाटन हुन सकेको छैन ।

बागलुङ पर्वतका स्थानीयका लागि आवत जावत गर्न मात्र होईन पर्यटकीय गन्तव्यका लागि पनि महत्वपूर्ण मानिएको उक्त पुललाई आकर्षणको केन्द्र बनाउन बत्ती जडान गरिएको छ ।

तर पुलको उद्घाटन नहुँदे जोडिएका बत्ती तथा अन्य उपकरणहरु हराउन थालेका छन् ।

पुलमा जडान भएका ४ वटा बिजुलीका बल्भ लगायतका बिजुली स्टेशनको चाबी फोडी केहि बिजुलीका बल्बहरु चोरी भएको नगर रक्षक बिर बहादुर केसीले बताएका छन् ।

उनी भन्छन् ‘केहि दिन अगाडी रातको समयमा चोरी भएको हो । बिहान म रेखदेख गर्ने बेलामा आउँदा पावर स्टेशनको चाबी फोडिएको रैछ । भित्र आएर हेर्दा बल्भहरु थिएनन् । पछि पुल सफा गर्ने बेलामा हेर्दा पुलमा जडित बल्भहरु पनि थिएनन् ।’

उनले बागलुङ वडा नम्बर १ का वडा अध्यक्षलाई यस बारेमा जानाकारी दिएको बताएका छन् । बानपा—१ का अध्यक्ष दुर्गा बहादुर बोहोराले आफुले यसबारे नगर रक्षकबाट जानाकारी पाएको बताएका छन् ।

‘केहि दिन अगाडी मैले केही बिजुलीका बल्बहरु हराएको जानाकारी पाएको थिए, जिल्ला प्रहरीमा भनिन, सामुदायिक सेवा केन्द्रलाई जानकारी गराएको हुँ,’ उनले भने । रामरेखा पुलबाट चोरी भएको विषयमा रामरेखा सामुदायिक प्रहरी र जिल्ला प्रहरी कार्यालयले आफुहरुलाई भने केहि जानाकारी नभएको बताए ।

जिल्ला प्रहरी कार्यालय बागलुङका प्रवक्ता डिएसपी राजेन्द्रप्रसाद रेग्मीले चोरीको कुनै जानकारी नआएको बताए । ‘सार्वजनिक सम्पत्ती चोरी हुनु राम्रो कुरा होईन,’ उनले भने,‘यस सम्बन्धी हामीलाई कुनै जानकारी सूचना आएको छैन । जानकारी आएपछि अनुसन्धान अगाडी बढाईहाल्छौं ।’

नगर रक्षकले पुलबाट सामान हराएको बताईरहँदा बागलुङ नगरपालका नै यसबारे बेखबर छ । बागलुङ नगरपालिकाका सूचना अधिकारी युक्तप्रसाद सुवेदीले आफुलाई यसबारे जानकारी नभएको बताए ।

पुलको औपचारिक रुपमा उद्घाटन नगरिए पनि सर्वसाधारणका लागि खुल्ला गरिएको थियो । पुल बनिसके पछाडी उद्घाटनको तयारी पनि कोरोनाका कारण उद्घाटन हुन सकेको छैन । विश्वकै लामो पुल भनेर दाबी गरिएको उक्त पुल केही महिना अगाडीबाट सर्वसाधरणका लागि खुल्ला गरिएको थियो । पुलको थानी/बिएलटी/हिमशिखर जेभीले ६ करोड ९१ लाखमा निर्माण गरेको थियो ।

भर्खरै प्रकाशित

लुम्बिनीका पहाडी जिल्ला प्यूठान, रुकुम, रोल्पामा सेतो पुतलीबाट हुने सापू…

राेल्पा । लुम्बिनी प्रदेशका पहाडी जिल्लामा सेतो पुतलीबाट आँखामा लाग्ने सापू रोगका बिरामी बढ्न थालेका छन् । पहाडी जिल्लामा यो रोगको उपचार सबै ठाउँमा हुननसक्ने…

सत्याग्रह गर्नका लागि डा.केसी अमेरिका प्रस्थान

काठमाडौं । चिकित्सा स्वास्थ्य क्षेत्रका अभियन्ता डा.गोविन्द केसी सत्याग्रहका लागि अमेरिका प्रस्तान गरेका छन। विश्व शान्ति दिवसका अवसरमा अमेरिकाको न्युयोर्कमा हुने सामुहिक सत्याग्रहमा भाग लिन…

प्रदीप ज्ञवालीको प्रश्न : एमसीसी सही थियो भने हिजो किन…

काठमाडौं । नेकपा एमालेका सचिव प्रदीप ज्ञवालीले मिलेनियम च्यालेन्ज कर्पोरसेन (एमसीसी) सम्झौतालाई लिएर सत्तारुढ गठबन्धनमाथि प्रश्न उठाएका छन् । सरकार अविछिन्न उत्तराधिकारीवाला संस्था भएकाले आफूहरु…

भारतले चीनलाई भन्यो: दुबैतर्फबाट सीमा सुरक्षा फौज फिर्ता गरौँ

नयाँ दिल्ली । चीनसँगको हिमाली सीमा क्षेत्रमा खटिएका दुबै देशका सुरक्षा फौज फिर्ता गर्न भारतले चीनसमक्ष प्रस्ताव राखेको छ । विवादित हिमाली सीमामा खटिएको सुरक्षा…

जापानमा सय वर्षसम्म बाँच्नेको संख्या ८५ हजार नाघे

टोकियो । जापानमा एक शताब्दी अर्थात् सय वर्षभन्दा बढी उमेरसम्म बाँच्ने वृद्धवृद्धाको संख्या ८५ हजार नाघेको छ। पहिलो पटक सय वर्ष वा सोभन्दा बढी उमेरसम्म…