पूर्वराजालाई गुमराहमा राखेर के गर्दैछन् ‘राजावादी’ ? यसरी बन्यो राजावादीको जुलुस निकाल्ने योजना

काठमाडौं । आफूलाई ‘राजावादी’ भन्न रुचाउने एउटा समूहले देशका विभिन्न भागमा अहिले गणतन्त्र, संघीयता र धर्मनिरपेक्षताको विरोधमा जुलुस एवं प्रदर्शन गर्दै आएको छ । धनगढी, नेपालगंज, बुटवल, पोखरा, हेटौंडा, जनकपुर, विराटनगर, काठमाडौं लगायतका सहरमा उनीहरुले मोटरसाइकल -यालीसहितका प्रदर्शन गरेका छन् ।

मंसिर २० गते उनीहरुले काठमाडौंमा जुलुस निकाल्ने तयारीसमेत गरेका छन् । कोरोना महामारीका कारण स्थानीय प्रशासनले भिडभाडयु क्त कार्यक्रम नगर्न निषेधाज्ञा जारी गरे पनि ‘लोकतान्त्रिक अधिकार’ का नाममा उनीहरुले विरोध प्रदर्शन गर्न पाउनुपर्ने जिकिरसहित जुलुसको तयारी थालेका हुन् ।

स्रोतका अनुसार पूर्वराजा ज्ञानेन्द्र शाहको इच्छाविपरीत दरबारका तत्कालीन सहयोगी, राजतन्त्रका समयमा राजपरिवारका सदस्यको वरिपरि रहेर कुनै न कुनै रुपमा फाइदा लिएका व्यक्ति तथा समूहले अहिले ‘राजावादी’का नाममा गणतन्त्र र संघीयताविरोधी अभियान सुरु गरेका हुन् ।

कसको डिजाइनमा आन्दोलन ?

झण्डै दुई तिहाइ बहुमत नजिक रहेको सरकारले देश र जनताका समस्या समाधानमा प्रभावकारी भूमिका निर्वाह गर्न नसकेको मौकालाई राजावादीहरुले सदुपयोग गर्न खोजेका हुन् । जनतामा सरकारप्रति असन्तुष्टि बढिरहेको र दलहरु आन्तरिक द्वन्द्वमा फसेको समयलाई यो व्यवस्थाप्रति नै प्रहार गर्ने उपयुक्त अवसरका रुपमा राजावादीहरुले मौका छोपेको जानकारहरु बताउँछन् ।

निर्मल निवास निकट स्रोतका अनुसार अधिवक्ता बालकृष्ण न्यौपाने र पूर्वराजाका निजी सचिव सागर तिमल्सिना टाढाका नातेदार हुन् । न्यौपाने सुरुदेखि नै राजतन्त्र र हिन्दु राष्ट्रको पक्षमा उभिँदै आएका व्यक्ति हुन् भने तिमल्सिना सक्रिय राजतन्त्रको समयमा दरबारका हर्ताकर्तामा गनिन्थे । अहिले पनि पूर्वराजा ज्ञानेन्द्रसँग तिमल्सिनाको सम्बन्ध निकट रहँदै आएको छ ।

स्रोतका अनुसार पूर्वराजासँगको निकटतालाई बुझेर नै न्यौपानेले आफ्ना टाढाका नातेदार तिमल्सिनालाई एउटा प्रस्ताव राखे– राजावादीहरुलाई संगठित गर्ने ।

विगतमा दरबारसँग निकट रहेका काम गरेकाहरुलाई एउटै थलोमा संगठित गर्ने दिशामा न्यौपानेले पूर्वराजाका निजी सचिव तिमल्सिनाको सहयोग लिए । तिमल्सिनाले आफ्नो सम्पर्कमा रहेजतिलाई न्यौपानेसँग निकट तुल्याइदिए ।

मधेसमा आँखा

नेपाली राजनीतिक इतिहासमा भएका जुनसूकै परिवर्तनकारी आन्दोलनमा मधेसको भूमिका अहम् रहँदै आएको छ । राजावादी आन्दोलनमा समेत मधेसतर्फ सुक्ष्म नजर लगाउन थालिएको छ ।

प्रारम्भिक चरणमा राजावादीहरुको अभियानमा डा. मनोज मुक्तिले साथ दिएका छन् । उनी कुनै समय जनतान्त्रिक तराई मुक्ति मोर्चामा आवद्ध रहेर तराई मधेसमा सशस्त्र गतिविधि गर्दै आएका थिए ।

सरकारले सशस्त्र संघर्षरत पक्षलाई वार्तामा बोलाएपछि उनी एक सम्झौताअन्तर्गत हतियार बिसाएर शान्तिपूर्ण राजनीतिमा आएका थिए । यद्यपि कुनै पनि दलले उनलाई सामेल गर्न चाहेन । छुट्टै दल खोलेर संगठित हुने आँट नभएपछि उनले राजावादी अभियानमा आफूलाई सामेल गरे । अहिले उनी राजसंस्थाका पक्षमा आफ्नो सामाजिक सञ्जालमार्फत खुलेर विचार राख्दै आएका छन् भने पूर्वराजपरिवारका सदस्यहरुको जन्मदिनमा सामाजिक सञ्जालमार्फत शुभकामना पनि दिने गर्दछन् ।

क–कसको समर्थन ?

राजावादीहरुकै अभियानमा संलग्न एक स्रोतका अनुसार राजाको सक्रिय शासनमा सूचना तथा संचार राज्यमन्त्रीको जिम्मेवारी सम्हालेका श्रीस शमशेर राणा पनि अहिले राजावादीको अभियानमा सामेल छन् । यस अतिरिक्त निक्ष शमशेर राणा, उनका सहयोगी बसन्तविक्रम पाण्डे (शिव सेना नेपालका अध्यक्ष) प्रकाश राणा, पारस शाहको निकट मानिएका अनिल बस्नेत लगायतले ‘राजा आउ देश बचाउ’ अभियान सञ्चालन गरेका हुन् ।

उनीहरुले देशका विभिन्न भागमा मोटरसाइकल ¥याली गर्ने, पर्चा–पम्प्लेट छर्ने र आफूले गरेका गतिविधिका तस्वीर निर्मल निवास पठाउने गरेका छन् । उनीहरुले पूर्वराजा ज्ञानेन्द्र शाहलाई यस्ता गतिविधि ‘स्वतस्फूर्त’ भएको दावी गर्ने गरेको स्रोत बताउँछ ।

‘स्वतस्फूर्त’ गतिविधि भनिएकै कारण पूर्वराजाले यसमा कुनै प्रकारको आपत्ति नजनाएको स्रोतको दावी छ । अन्यथा, पूर्वराजाले आफ्ना सहयोगीलाई आफ्नो समर्थनमा ¥याली, जुलुस नगर्न धेरै अघिदेखि सुझाव दिँदै आएका छन् ।

पूर्वराजालाई समेत गुमराहमा राखेर अभियान चलाइरहेकाहरुले भने पूर्वराजाप्रति सद्भाव राख्ने व्यापारी–व्यवसायीहरुसँग अभियानका लागि आर्थिक सहयोग माग्ने गरेको र यसरी सहयोग माग्दा पूर्वराजाले नै निर्देशन दिएकोसमेत भन्ने गरेको स्रोत बताउँछ ।

मंसिर २० गते राजधानीमा जुलुस गर्ने भनेर सागर तिमल्सिना, बालकृष्ण न्यौपाने सहित ताप्लेजुङ पुर्ख्यौली घर भएका कानुन व्यवसायी सुरेन्द्र भण्डारी लगायतले अहिले विभिन्न बहानामा युवाहरुलाई संगठित गर्न थालेको स्रोतको भनाइ छ ।

कानुन व्यवसायी भण्डारीले आफूलाई पूर्वप्रधानन्यायाधीशद्वय सुशीला कार्की र कल्याण श्रेष्ठसँग निकट सम्बन्ध रहेको भनेर चिनाउने गरेका छन् । यो अभियानमा कार्की र श्रेष्ठको समेत समर्थन रहेको भनेर उनले युवाहरुलाई अनेक प्रलोभन देखाउने गरेको बताइन्छ ।

यसैगरी ‘एनी टाइम फोर्स’ (एटिएफ) नामक दस्ता गठन गरेका धादिङका सन्तोष सिलवाल पनि राजावादीको जुलुसमा मोटरसाइकलसहितका युवा भित्र्याउन सक्रिय भूमिका निर्वाह गर्दै आएको बताइन्छ । परम्परागत ‘दरवारिया’सँग निकट सम्बन्ध नरहे पनि उनले नवयुवालाई यो अभियानमा सामेल गराउने र यसका लागि स्थानीय व्यापारी, उद्योगीसँग आर्थिक सहयोग लिएर खर्च गर्ने गरेको स्रोतको दाबी छ ।

जुलुसमा युवाको सहभागिता जुटाउन आफूले सक्रिय भूमिका निर्वाह गर्दै आएको तर निर्मल निवासमा तिनै जुलुसको फोटो÷भिडियो देखाएर अर्को अवसरवादी समूहले फाइदा लिइरहेको भन्दै एटिएफका संयोजक सिलवालले उनीहरुको भण्डाफोर गर्न थालेको स्रोत बताउँछ ।

कमल थापा पनि मौकामा चौका हान्दै
राप्रपा अध्यक्ष कमल थापाले पनि राजावादीको जुलुमा युवा शक्तिको आकर्षण बढेको मौकामा आफ्नो राजनीतिक रोटी सेक्ने प्रयास थालेका छन् । अभियानमा लागेका व्यक्तिहरुलाई उनले आफ्नो तर्फबाट पार्टीगत समर्थन रहने भन्दै हौस्याउने गरेको बताइन्छ । भोलिका दिनमा आन्दोलनलाई संगठित नेतृत्वको खाँचो पर्ने र त्यस्तो अवस्थामा आफू तयार रहने भन्दै उनले युवाहरुलाई हौस्याउने गरेको स्रोत बताउँछ ।

भर्खरै प्रकाशित

एमाले सांसदहरुले तत्काल राजीनामा दिनुपर्छ : बाबुराम भट्टराई

सत्ता साझेदार जनता समाजवादी पार्टीका संघीय परिषद अध्यक्ष डा.बाबुराम भट्टराईले नेकपा एमालेका सांसदहरुलाई पदबाट राजीनामा दिन चुनौति दिएका छन् । पूर्वप्रधानमन्त्री समेत रहेका भट्टराईले संसदलाई…

पाइलट एजी शेर्पा : जस्ले ७३ जनालाई नयाँ जीवन दिए

काठमाडौं । एजी शेर्पा अर्थात् ७३ जना यात्रुको जीवन फर्काइदिने भगवान । ‘हामफाल्छौँ, नबाँचिनेरहेछ’ भनेर जीवन माया मारेर चिच्याउँने यात्रुको मुहारमा खुसी ल्याइदिए पाइलट एजी…

भारतको सीमामा ५० हजार चिनियाँ सैनिक, नियन्त्रण रेखामा ठूलो संख्यामा…

काठमाडौं। भारत चीन सीमा क्षेत्र पूर्वी लद्दाखको वास्तविक नियन्त्रण रेखा (एलएसी) मा चीनले ५० हजार सैनिक तैनाथ गरेको छ । यस क्षेत्रमा चिनियाँ सेनाले ठूलो…

परराष्ट्रमन्त्री अमेरिका पुगेपछि भने, ‘एमसीसी संशोधन हुन सक्दैन, जसरी पनि…

काठमाडौं । परराष्ट्रमन्त्री डा. नारायण खड्काले अमेरिकी सहयोग परियोजना (एमसीसी) संशोधन हुन नसक्ने बताएका छन् । संयुक्त राष्ट्रसंघको ७६ औं महासभामा भाग लिन न्युर्योक पुगेका…

विमानका यात्रुको अनुभव : एयर होस्टेसको आँखामा आँसु थियो, हामीले…

११ असोज, काठमाडौं । सोमबार काठमाडौंबाट उडेको वुद्ध एयरको विमान विराटनगर विमानस्थलमा अवतरण हुन नसकेपछि फेरि काठमाडौं फर्कियो । त्रिभुवन विमानस्थलमा पनि सहजै अवतरण हुन…