विपन्‍न देशहरुलाई सबैभन्दा धेरै कोरोनाको खोप वितरण गर्दै चीन

बेइजिङ । कोभिड १९ विरुोद्धको खोप विकास गर्न विश्वका प्रभावशाली देशहरुबीच प्रतिस्पर्धा चलिरहँदा चीन पनि खोप विकासको काममा अन्तिम चरणमा पुगेको छ ।

उसले विश्वका विकासशील तथा विपन्न देशहरुमा वितरण गर्ने भनेको खोपको संख्या सम्भवत: सबैभन्दा धेरै हुनेछ । चीनले खोपको स्वीकृति पाएपछि कार्गो जेटमा तापक्रम नियन्त्रण कक्षसहित विश्वभर वितरण गर्ने तयारी गरेको छ ।

चिनियाँ अधिकारीहरुका अनुसार यसरी अन्तिम चरणको परीक्षण सकिना साथ आगामी महिना करोडौँ डोज भ्याक्सिन विश्वका विभिन्न देशमा पठाइनेछ । साथै अरु थप संख्यामा पनि खोप पठाउने चिनियाँ नेताहरुको प्रतिवद्धता छ ।

अन्तर्राष्ट्रिय मिडियाका अनुसार चीनसँग यतिबेला भ्याक्सिनलाई सुरक्षित रुपमा राख्न ३ सय ५० मिटरमा फैलिएका तापक्रम नियन्त्रित कक्षहरु तयारी अवस्थामा छन् । र सोही स्थानबाट चीनले भ्याक्सिन विश्वभर वितरण गर्ने बताइएको छ ।

अमेरिकाबाट कोभिड संक्रमण फैलाएको आरोप खेपिरहेको चीनले खोप वितरण गरेसँगै लोकप्रियता कमाउने पनि विज्ञहरुले टिप्पणी गरेका छन् । र यसले चीनलाई आफ्नो छवि सुधार्न सजिलो हुने उनीहरुको बुझाइ छ । खासगरी चीन जस्तो प्रविधिसम्पन्न देशले प्रारम्भिक चरणमै कोरोनाभाइरसलाई नियन्त्रण गर्न सक्नुपर्ने थियो भन्दै केही स्वतन्त्र विश्लेषकहरुले पनि टिप्पणी गर्ने गरेका थिए।

अमेरिकास्थित काउन्सिल अन फरेन रिलेसन्सन्सअन्तर्गत ग्लोबल हेल्थकी सिनियर फेलो यान्जोङ हुवाङले चीनले भ्याक्सिनलाई सफ्टपावर बढाउने र अन्तर्राष्ट्रिय प्रभूत्व स्थापित गर्ने साधनका रुपमा पनि प्रयोग गर्नसक्ने बताएकी छन् । महामारीको सुरुवातमा विश्वभर मास्क लगायत सामग्री वितरण गरेको चीनले अति प्रभावित देशलाई अहिले खोप वितरण गर्नसक्ने कुरालाई सकारात्मक रुपमा अर्थ्याइएको छ ।

यद्यपि चीनले विकास गरिरहेका ५ वटा खोप यतिबेला तेस्रो अर्थात् अन्तिम चरणको क्लिनिकल ट्रायलमा छन् । र औषधि निर्माता कम्पनीहरुले ती खोपको कम्तिमा १६ देशमा तेस्रो चरणको परीक्षण गरिरहेका छन् । तर प्रभावकारिता सर्वेक्षणको नतिजा भने सार्वजनिक गरिएको छैन ।

बेइजिङस्थित औषधि कम्पनी सिनेभ्याक बायोटेकले ब्राजिललाई ४ करोड ६० लाख र टर्कीलाई ५ करोड डोज खोप उपलब्ध गराउने सम्झौता गरिसकेको छ । यस्तै इन्डोनेशियालाई स्थानीय उत्पादनका लागि ४ करोड ‘भ्याक्सिन बल्क’ उपलब्ध गराउने बताइएको छ ।

यस्तै चिनियाँ सेनाको अनुसन्धान युनिटसँगै मिलेर खोप विकास गरेको क्यान्सिनो बायोलोजिक्सले मेक्सिकोमा ३ करोड ५० लाख डोज पठाउनेछ । जहाँ चिनियाँ भ्याक्सिन परीक्षण गरिएको छ । चिनियाँ अधिकारीहरुका अनुसार थाइल्यान्ड, भियतनाम, कम्बोडिया, म्यान्मार, लाओस, मलेसिया र अफगानिस्तानलाई पनि चीनले खोप उपलब्ध गराउनेछ ।

 

भर्खरै प्रकाशित

लुम्बिनीका पहाडी जिल्ला प्यूठान, रुकुम, रोल्पामा सेतो पुतलीबाट हुने सापू…

राेल्पा । लुम्बिनी प्रदेशका पहाडी जिल्लामा सेतो पुतलीबाट आँखामा लाग्ने सापू रोगका बिरामी बढ्न थालेका छन् । पहाडी जिल्लामा यो रोगको उपचार सबै ठाउँमा हुननसक्ने…

सत्याग्रह गर्नका लागि डा.केसी अमेरिका प्रस्थान

काठमाडौं । चिकित्सा स्वास्थ्य क्षेत्रका अभियन्ता डा.गोविन्द केसी सत्याग्रहका लागि अमेरिका प्रस्तान गरेका छन। विश्व शान्ति दिवसका अवसरमा अमेरिकाको न्युयोर्कमा हुने सामुहिक सत्याग्रहमा भाग लिन…

प्रदीप ज्ञवालीको प्रश्न : एमसीसी सही थियो भने हिजो किन…

काठमाडौं । नेकपा एमालेका सचिव प्रदीप ज्ञवालीले मिलेनियम च्यालेन्ज कर्पोरसेन (एमसीसी) सम्झौतालाई लिएर सत्तारुढ गठबन्धनमाथि प्रश्न उठाएका छन् । सरकार अविछिन्न उत्तराधिकारीवाला संस्था भएकाले आफूहरु…

भारतले चीनलाई भन्यो: दुबैतर्फबाट सीमा सुरक्षा फौज फिर्ता गरौँ

नयाँ दिल्ली । चीनसँगको हिमाली सीमा क्षेत्रमा खटिएका दुबै देशका सुरक्षा फौज फिर्ता गर्न भारतले चीनसमक्ष प्रस्ताव राखेको छ । विवादित हिमाली सीमामा खटिएको सुरक्षा…

जापानमा सय वर्षसम्म बाँच्नेको संख्या ८५ हजार नाघे

टोकियो । जापानमा एक शताब्दी अर्थात् सय वर्षभन्दा बढी उमेरसम्म बाँच्ने वृद्धवृद्धाको संख्या ८५ हजार नाघेको छ। पहिलो पटक सय वर्ष वा सोभन्दा बढी उमेरसम्म…