पक्राउ पर्नुअघि पौडेलले भनेका थिए : यो सीडीओ कुन हो ? त्यसलाई समातेर छाड्छौं

१७ मंसिर, तनहुँ । तनहुँको व्यास नगरपालिकाको बुल्दी खोलामा बनेको पुल उद्घाटनका लागि जाने क्रममा बुधबार नेपाली कांग्रेसका वरिष्ठ नेता रामचन्द्र पौडेल पक्राउ परेका छन् ।

पुलको उद्घाटन कसले गर्ने भन्नेमा सत्तारुढ नेपाल कम्युनिस्ट पार्टी (नेकपा) र विपक्षी कांग्रेसबीच विवाद भएपछि झडपको सम्भावना देखिएको भन्दै बुधबार स्थानीय प्रशासनले पुल क्षेत्रमा निषेधाज्ञा जारी गरेको थियो ।

तर नेता पौडेल जुलुससहित पुल उद्घाटनका लागि पुगेपछि बुधबार दिउँसो प्रहरीले पक्राउ गरेको हो ।

जुलसको नेतृत्व गर्नुअघि कार्यकर्तालाई सम्बोधन गरेका पौडेलले उत्तेजक अभिव्यक्ति दिएका थिए ।

उपभोक्ता समितिले सर्वसम्मतिले निर्णय गरेर आफूलाई पुलको उद्घाटन गर्न बोलाएको र, त्यसअनुसार आफू आएको उनले बताए । ‘यो पुल बनाउँदा हाम्रै रगत पसिना गएको छ । हामीले आफ्नो मेहनतले बनाएका पुलहरु हुन्’ उनले भने, ‘अहिले कम्युनिस्टको सरकार आएर हामीले बनाएको पुलको उद्घाटन गरेर हामीलाई नै गाली गर्ने मञ्च बनाउन खोज्दैछन् ।’

उनले अघि भने, ‘मैले उनीहरुलाई चुनौती दिएको छु, उ त्यहाँमाथि पुल बनाओस् उद्घाटन गरोस् ।’

पौडेलले पुल उद्घाटनको कार्यक्रम रोक्न निषेधाज्ञा जारी गरेको भन्दै स्थानीय प्रशासनको चर्को आलोचना गरे ।

‘केही मान्छेलाई मोटरसाइलकमा दौडाएर असहज परिस्थिति भयो भन्दै यो प्रशासनले पुल उद्घाटनमा निशेषज्ञा जारी गरेको भन्दै कांग्रेस नेता पौडेलले भने, ‘पुल उद्घाटन गर्दा कसरी शान्ति सुरक्षा भंग हुन्छ ? कुन जनतालाई नोक्सान हुन्छ ?’

संविधान उल्लंघन गर्ने अधिकार सीडीओलाई मात्र होइन, (प्रधानमन्त्री) केपी ओलीलाई पनि नभएको भन्दै उनले निषेधाज्ञा खारेज गरेको घोषणा गरे । नेता पौडेलले भने, ‘यो सीडीओ कुन हो ? त्यसलाई समातेर छाड्छौं ।’

निषेधाज्ञा फिर्ता गर । भ्रष्ट सरकार मुर्दावाद भन्नुस् भन्ने नारा लगाउन कार्यकर्तालाई निर्देशन दिँदै उनले अघि भने, ‘प्रशासन हट, हामी पुल उद्घाटन गर्छौं ।’

भर्खरै प्रकाशित

गलत बाटो अंगाल्दाको परिणाम भोग्दैछौं : नेता नेपाल

काठमाडौँ  । पूर्वप्रधानमन्त्री तथा नेकपा (एमाले)का नेता माधवकुमार नेपालले राजनीतिक रूपमा गलत बाटो अंगाल्दाको परिणाम सबैले भोगिरहेको बताएका छन् । सर्वोच्च अदालतले प्रधानमन्त्री केपी शर्मा ओलीको…

प्रधानमन्त्री ओलीको प्रतिक्रिया : अदालतले दुःख दियो, चारजना मन्त्रीले कसरी…

प्रधानमन्त्री केपी शर्मा ओलीले सर्वोच्च अदालतको आदेशप्रति आक्रोश व्यक्त गरेका छन् । सरकारले केही राम्रो काम गर्न खोज्दा अदालतले दुःख दिने गरेको प्रधानमन्त्रीको आरोप छ…

झन्डा छोपेर मन्त्रीहरू बालुवाटारमा

सर्वोच्च अदालतले प्रधानमन्त्री केपी शर्मा ओलीले पछिल्लो समय गरेको मन्त्रिपरिषद् विस्तार खारेज गरेर २० मन्त्रीलाई पदमुक्त गर्न अन्तरिम आदेश दिएपछि मन्त्रीहरू झन्डा छोपेर बालुवाटार पुगेका…

महेश बस्नेतले भने– प्रचण्डको भविष्यवाणी मिल्यो, सर्वोच्चको फैसला सेटिङमा !

नेकपा एमालेका नेता महेश बस्नेतले सर्वोच्च अदालतले २० मन्त्री पदमुक्त गर्ने फैसलाप्रति असन्तुष्टि जनाएका छन् । मंगलबार सामाजिक सञ्जालबाट आफ्ना भनाई सार्वजनिक गर्दै बस्नेतले माओवादी…

निशा घिमिरेको स्वास्थ्यमा धेरै सुधार : ह्विल चेयरमा बस्न सक्ने…

काठमाडौं । उपचाररत मोडल निशा घिमिरेको स्वास्थ्यमा सुधार आएको छ । नर्भिक अस्पतालले विज्ञप्ति जारी गर्दै अवस्थामा सुधार आइरहेको जानकारी दिएको हो । अस्पतालले मंगलबार…