विश्वको कुनै पनि शक्तिले प्रचण्डलाई कारबाही गर्न सक्दैन : दिपेन्द कँडेल

हेग भनेको एउटा सहरको नाम हो । जहाँ अन्तर्राष्ट्रिय अदालत छ । पछिल्लो केही समययता नेकपाका अध्यक्ष पुष्पकमल दाहाल प्रचण्डलाई लैजाने भन्ने विषयमा चर्चा भइरहेको छ ।

पहिलो कुरा के बुझ्न जरुरी छ भने हेगमा कुनै पनि व्यक्तिले मुद्दा लड्न पाइदैन । कुनै पनि एउटा देशले अर्को देशको विरुद्ध मुद्दा लड्ने हो । मतलब नेपालले भारतको विरुद्धमा वा भारतले नेपालको विरुद्ध । कुनै एक व्यक्तिले अर्को व्यक्तिको विरुद्ध मुद्दा लड्ने ठाउँ होइन, हेग । तसर्थ,
सर्वप्रथमत : हेगमा नेकपाका अध्यक्ष तथा पूर्वप्रधानमन्त्री पुष्पकमल दाहाल प्रचण्डलाई लैजाने कुरा वाइयात हो ।

म तपाईहरुलाई भन्न चाहन्छु, प्रचण्ड भन्ने व्यक्तिको नामको पक्षमा म छैन, तर म शान्तिप्रक्रियाको पक्षमा छु । जुन शान्तिप्रक्रियाका जिउँदो हस्ताक्षरकर्ता प्रचण्ड हुन् । हामीले बुझ्नुपर्ने कुरा के हो भने गिरिजाप्रसाद कोइराला र प्रचण्डको नेतृत्वदायी भूमिका नभएको भए जनयुद्धकालमा १८ हजार मात्रै होइन, १८ लाख जनता मर्थे यो देशमा । त्यसैले गिरिजाबाबुको लिडरसिप र प्रचण्डको नेतृत्वदायी भूमिकालाई हामीले सम्मान गर्नुपर्छ ।

केही दिनअघि अध्यक्ष प्रचण्डले आफूलाई हेगमा लगेको खण्डमा आफू विश्वकै हिरो भएर निस्किने अभिव्यक्ति दिनुभएको छ । हो, साँच्चै हेगमा लगेको खण्डमा प्रचण्ड साँच्चै हिरो बन्नेछ, यो सत्य हो । आज रुवाण्डाको घट्ना सबैलाई थाहा हुनुपर्छ । प्रचण्डको लिडरसीपका कारण यो देश त्यस्तो दुरगती हुनबाट जोगिएको छ । यो हामीले बुझ्नुपर्छ ।

केही मान्छेहरु अहिले दिन–दिनै प्रचण्डलाई हेगमा लैजान्छु, भनेर बोलिरहेका छन् । म उनीहरुलाई सोध्न चाहन्छु, प्रचण्डलाई लैजानेले किन बोल्ने ? लगेर देखाओस् । प्रचण्ड एउटा व्यक्ति होइन, देशको भर्सनालिटी (बहुप्रतिभाका धनी) फिगर हो । जसले देशलाई शान्तिप्रक्रियामा ल्याएको छ ।

मुल कुरा भनेको प्रचण्डलाई हेगमा लैजान्छु भनेर नेपालकै नेताहरुले उचालिरहेका छन् । प्रचण्डजी अमेरिका जाने भन्ने कुरा कसलाई थाहा थियो ? एउटा चिठी बनाउन ५ दिन लाग्छ, प्रचण्डजी जानेवित्तिकै लेटर हालेर पक्राउ गर्न एक महिना लागछ ? आखिर त्यतिबेला यो लेटर लेख्न लगाउने को हो ?

अन्तिममा, विश्वको कुनै पनि शक्तिले प्रचण्डलाई कारबाही गर्न सक्दैन । प्रचण्ड आफैँमा फरक खालका क्षमता र बुद्धि भएका नेता हो । त्यसैले हामीले खुल्ला दिलले प्रचण्डलाई देश बनाउने जिम्मा दिनुपर्छ । हेगको डर प्रचण्ड या कसैले लिनुपर्दैन ।

भर्खरै प्रकाशित

मुख्यमन्त्री शेरधन राईको बिहेपछि अविश्वास प्रस्ताव बारे छिनोफानो

५ माघ, विराटनगर । प्रदेश १ का मुख्यमन्त्री शेरधन राई ५० वर्षको उमेरमा ११ माघमा वैवाहिक बन्धनमा बाँधिदैछन् । त्यसको चार दिन पनि प्रदेशसभाको अधिवेशन…

स्थिरता र विकासका लागि ताजा जनादेश, तोकिएको मितिमा निर्वाचन जरुरी…

काठमाडौँ । राष्ट्रपति विद्यादेवी भण्डारीले शान्ति, स्थिरता र विकासका लागि ताजा जनादेश अनिवार्य भएको बताएकी छन् । राष्ट्रपति भवन शीतल निवासमा सोमबार आयोजित कार्यक्रममा निर्वाचन…

प्रचण्ड माधवको आग्रह : ‘संविधानको रक्षा गर्न सबै सडक संघर्षमा…

काठमाडौं : नेपाल कम्युनिस्ट पार्टी (नेकपा) माधव-प्रचण्ड समूहका अध्यक्षद्वय माधव कुमार नेपाल र पुष्पकमल दाहाल ‘प्रचण्ड’ले प्रतिनिधिसभा विघटन गर्ने असंवैधानिक घोषणा विरुद्ध र संविधानको रक्षा…

विनम्रता पनि कहीँ लम्पसारवाद हुन्छ ?

समकक्षी भारतीय प्रधानमन्त्री नरेन्द्र मोदीसँग भेटवार्तापछि सन् २०१७ को अगस्ट २५ मा नयाँ दिल्लीको हैदराबाद हाउसमा नेपालका प्रधामनन्त्री शेरबहादुर देउवासहितको पत्रकार सम्मेलन चलिरहेको थियो ।…

हिउँदे अधिवेशनलाई मध्यनजर गर्दै झिक्न नमिल्ने गरी जोडियो प्रदेशसभाका कुर्सी

५ माघ, विराटनगर । प्रदेश १, प्रदेशसभाले माघ ७ गतेदेखि सुरु हुने हिउँदे अधिवेशनको तयारी गरेको छ । यो अधिवेशनमा मुख्यमन्त्री शेरधन राईविरुद्ध दर्ता भएको…