कुवेतमा १३ नेपाली महिलामाथि श्रमशोषण, काम लगाउने पारिश्रमिक नदिने

योगेन्द्र योगी

वैदेशिक रोजगारीका लागि कुवेत पुगेका १३ नेपाली महिला कामदारमाथि श्रम शोषण भएको पाइएको छ ।

काठमाडौँस्थित गल्फ म्यानेज्मेन्ट म्यानपावर मार्फत विभिन्न समयमा कुवेत पुगेका १३ जना महिलालाई काम लगाएर पारिश्रमिक नदिएको पाइएको हो ।

कुवेतको मंगफस्थित नारायणी सैलुनमा ब्युटिसियनको काम गर्न पुगेका उनीहरु कोरोना महामारी रोकथाम र नियन्त्रण गर्न गरिएको लकडाउनले सैलुन न्द भएपछि समस्यामा परेको एक महिलाले बताइन् ।

आफू सारै समस्यामा परेको बताउँदै उनले नाम नभन्ने सर्तमा भनिन्, ‘लकडाउनको समयमा सैलुन बन्द थियो । त्यो बेलादेखि नै हामीले पारिश्रमिक पाएका छैनौँ । अहिले सैलुन मज्जाले चलेको छ । हामीले काम पनि गरेका छौँ । कम्पनीले हामीलाई पारिश्रमिक भने दिएको छैन ।’

उनले मार्च देखिनै पारिश्रमिक नपाएको गुनासो गरिन । उनले भनिन्, ‘काम लगाउने अनि पैसा नदिने गरेर हामीमाथि चरम श्रम शोषण भएको छ । दिँदा पनि कहिले ५ त कहिले १० केडी मात्र दिन्छ । हाम्रो पनि घरमा परिवार छ, हामीले मात्र खाएर हुदैन पुरै पारिश्रमिक दिनु भन्दा उल्टै काम गर्न मन नभए छोडे हुन्छ भन्दै धम्क्याउने गर्दा थप समस्यामा परेका छौँ ।’

मेनपावर कम्पनीसँग भएको सम्झौता अनुसार सेवा सुविधा र काम पनि नभएको उनले सुनाइन् । भन्छिन्, ‘दैनिक ८ घन्टा काम भनेर एजेन्टले ल्याए पनि अहिले दैनिक १२ घन्टा काम लगाए पनि पारिश्रमिक दिएको छैन । घरबाट पैसा मगाएर खाना खानु पर्ने बाध्यता छ ।’

जनही १ लाख २० हजार रुपैयाँदेखि १ लाख ३५ हजारसम्म तिरेर आएपनि यहाँ नेपालमा म्यानपावर र एजेन्टले भने अनुसारको कुनै सेवा सुबिधा नपाएको उनीहरुले बताएका छन् ।

घरेलु कामदारका रूपमा खाडी मुलुक पुगेका नेपाली महिलामाथि श्रम शोषण हुने गरेको, समयमा तलब नदिने गरेको, बढी समय काममा लगाउने गरेको तथा कतिपय ठाउँमा यौन शोषणसमेत हुने गरेको गुनासो बढ्न थालेको छ ।

समस्या परेको भन्दै कुवेतस्थित नेपाली दूतावास तथा गैरआवासीय नेपाली संघ (एनआरएनए) लगायत अन्य सघंसंस्थाहरुमा उद्धारको लागि पहल गरिदिन अनुरोध गरेपनि आफूहरुको गुनासो कसैले पनि नसुनेको पीडितको आरोप छ।

आफूहरुलाई कुवेत ल्याउने एजेन्ट एनआरएनए कुवेतका सदस्य भएको कारण पनि आफूहरुको उद्धारमा संघले कुनै चासो नदेखाएको पीडितहरु बताउँछन् ।

यसै विषयमा गैरआवासीय नेपाली संघ (एनआरएनए) कुवेतका अध्यक्ष सुजन केसीलाई सोध्दा उनीहरुले लगाएको आरोपमा कुनै सत्यता नभएको बताए ।

उनले भने, ‘उनीहरु समस्यामा परेका होलान् । तर उनीहरुले लगाएको आरोपमा कुनै सत्यता छैन । हामीले पीडित महिलाहरूलाई पटक पटक दूतावासमा आनुहोस् हामी कम्पनीको मालिकलाई पनि बोलाउँछौ दूतावासमा छलफल गरौँ भनेका छौँ । तर उहाँहरु नै आउनुहुन्न । सामाजिक सञ्जालमा उहाँहरुका गुनासा पोखिएका छन् । दूतावास र एनआरएनएले सहयोग गरेन भन्ने छ । तर सहयोग गर्छु भन्दा उहाँहरु नै आउनुहुन्न ।’

पीडित महिलालाई उद्धार गर्ने विषयमा विभिन्न समयमा बैठक बसेको भन्दै केसीले वास्तविक समस्या भए दूतावासमा भोली नै उपस्थित हुन् आग्रह गरेका छन् । दूतावास, एनआरएनएले कम्पनीको मालिकसँग समन्वय गर्ने र पीडितहरुलाई हवाई टिकट तथा पीसीआर परीक्षण गरी स्वदेश फर्काउन पहल गर्ने प्रतिबद्धता समेत जनाए ।

आइसीसी सदस्य अमित चाम्लिङ राईले दिएको जानकारी अनुसार भोली आइतबार सैलुनका मालिक, दूतावास, एनआरएनए र पीडित नेपाली महिलाहरुबीच दूतावासमा छलफल गर्न बोलाइएको छ ।

भर्खरै प्रकाशित

समर्थकले रोनाल्डोलाई कोकको बोतलले हा’नेपछि….

पोर्चुगलका स्टार क्रिस्टियानो रोनाल्डो निकै फर्ममा देखिएका छन् । उनले जारी युरो कपका समूह चरणका तीनवटै खेलमा गोल गरे । फ्रान्स विरुद्धको खेलमा २ गोल…

चीनको धम्किबाट जव ताइवान नडराई यस्तो भन्यो

ताइवानले चीनसँग हुने यु’द्धको लागि तयार रहनुपर्ने समय आएको बताएको छ। ताइवानको सीमा क्षेत्रमा बढ्दो चिनियाँ सैन्य गतिविधिले यु’द्धको सम्भावना निम्तिएको ताइवानका विदेशमन्त्री जोसेप वुले…

माइतीघरमा शिक्षामन्त्रीको पुत्ला दहन, जातीय विभेदविरुद्ध प्रदर्शन

काठमाडौं । काठमाडौंको माइतीघरमा जातीय विभेदविरुद्ध दलित अधिकारकर्मी र विद्यार्थीहरुले प्रदर्शन गरेका छन् । ‘मान्छे भएर बाँच्ने अधिकार सुनिश्चित गर’ लेखिएको ब्यानरसहित अधिकारकर्मीले प्रदर्शन गरेका…

मन्त्रीहरुको जिम्मेवारी हेरफेर, गृह मन्त्रालयको जिम्मा विष्णु पौडेललाई

१० असार, काठमाडौं । प्रधानमन्त्री केपी शर्मा ओलीले मन्त्रीहरुको जिम्मेवारी हेरफेर गरेका छन् । उनले रक्षा र परराष्ट्र मन्त्रालय आफैंसँग राखेका छन् । त्यस्तै उपप्रधानमन्त्री…

केपी ओली भन्दा काँग्रेस धेरै वामपन्थी छ : प्रचण्ड

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी ओली भन्दा अहिले काँग्रेस वामपन्थी भएको बताएका छन् । बिहीबार सम्पादकहरूसँगको अन्तरक्रियामा अध्यक्ष प्रचण्डले गठबन्धन बनाएर…