नागरिकको अटेरीपन : सेनाले ख्वै हजुरको मास्क भन्दा हत्केलाले मुख छोप्दै अघि बढ्दै

गोविन्द खड्का / युगबोध 

दाङ। ख्वै हजुरको मास्क ? मास्क नलगाएर घोराही बजार हिड्नेलाई शुक्रवार दिउँसो नेपाली सेना र प्रहरीले सोध्थ्यो, जवाफमा हे भगवान भन्दै लजाउँथे ।

हत्केलाले छेकिदै लुसुक्क अघि बढ्थे । उनिहरु अलि पर परसम्म पुग्दा पनि मुसुक्क मुसुक्क लजालु हाँसो हाँस्दै गरेका देखिन्थे ।

अहिले कोरोना बढ्या छ, असइ विवेक रसाईलीले सम्झाउँदै भने, यत्रो छ\ सात महिना लकडाउन हुँदा पनि सचेत नहुनु लाजमर्दो कुरा हो । यति भन्दा सर्वसाधारणका मुहार लाजले रातो रातो हुन्थ्यो ।

कतिपयले हिनतावोध गर्थे । अली पर पुगेर फर्किहैर्दै खित्किन्थे । ठुलै अफ्ठेरोबाट फुत्केको संकेत गर्थे ।

ठिक छ । लगाउँछौ । भन्दै हत्तपत्त मास्क गोजीबाट झिकेर लगाउनेको जमात धेरै थियो । तिनलाई अझै पनि रातदिन मास्क लगाउ भन्नुपर्ने ? भनेर प्रहरीले खौकिदै नैतिक दबाब दिन्थ्यो । त्यसरी हिड्नेलाई प्रहरीले अटेरी पना भनेको छ । जानीजानी बुझ पचाएको रुपमा व्याख्या गरेको छ । स्वास्थ्य सचेतना नभएको र गैह्रजिम्मेवार जस्ता शब्द प्रयोग गरेको सुनिन्थ्यो ।

बच्चाका दुई हात समातेर बिचमा हिडाल्दै गरेकाहरु आफूले मात्रै मास्क लगाएका भेटिन्थे । कति बच्चा समातेकाले पनि मास्क लगाएका थिएनन् ।

बच्चालाई गाह्रो हुन्छ हजुर । मास्क लगाइदिनुस् । सेनाका प्रतिनिधिले मास्क दिँदै सम्झाउँथे । बच्चा बोकेर हिड्दै गरेका ज्यामी देखि सवारी साधनमा हुइकिनेसम्म धेरैको मुखमा मास्क थिएनन् । पढेलेखेका जस्ता देखिने, ठाँट परेर हिड्ने तथा वाइक स्कुटीमा सवारले पनि मास्क लगाएका थिएनन् ।

कतिपयले भने मास्क, चश्मा लगाएर बाइक चलाउन नसकिने बताए । वाईक स्कुटीमा चश्मा अनिवार्य चाहिन्छ । मास्कमा ठोक्किएर निस्केको सास चश्मातिर उक्लीन्छ ।

त्यसले चश्माको सिसामा कुहिरो जस्तो बनाएर मधुरो पार्छ । सिसामा ढुँडी लागेजस्तो हुन्छ आँखा सडक देख्न सक्दैन । कि चश्मा कि मास्क छोड्नुपर्छ । भन्ने उनिहरुको तर्क थियो ।

झोलामा हाल्याछु भनेर कतिले बाटैमा झोला बिसाइ खोतलखातल पारी मास्क निकालेका थिए । कुनै वेला पुलिसले खोजे देखाउनुपर्छ भन्नेमा सचेत थिए ।

मेरै लागि हो लगाउँछु भन्नेमा विश्वस्त थिएनन् । पसलबाहिर घाम ताब्दै एकसुरे बसेकाहरु मास्क ख्वै भन्दा झसङ् गर्थे । हतार हतार भित्र पसेर पोकाबाट निकाली लगाउँथे ।

मैलो मास्क लगाएकाले फेरे । केहीका मुखका मास्क थुकका छिटासहितका मयलका राङ्टाले घिनलाग्दा देखिन्थे ।

कोरोना जान्नेहरुमा छ के मास्क नलगाएको व्यवसायमा पुगेर टोलीले भन्दै थियो, यत्रो पसल छ, एउटा मास्क लगाउन लोभ मान्नुहुन्छ ।

अझ अगाडि बढेर टोलीले थप्दै थियो, सरकारले निशेधाज्ञा भन्छ, लकडाउन गर्छ, तपाईहरुको यहि गैर जिम्मेवारीपनले हो । वस चलाउनै लागेका बेला सहचालक दौडदै मास्क किन्न पसलभित्र छिरे ।

जसरी भोला किन्न दौडन्छन् त्यत्तिकै मास्क किन्न हतार थियो । विर्सन पाईयो सम्झन जरुरी छ है । भन्दै थियो । तिनलाई मास्क ख्वै अभियान टोलीले भन्यो, यात्रुलाई पनि मास्क अनिवार्य लगाउने भन्नुस है ।

विना मास्क समुहमा हिडेकाहरु त झन् भाग्न खोज्थे । टोलीले न भाग्नुस् नभाग्नुस यता आउनुस् भन्थ्यो । उनिहरुलाई डर भन्दा लाज बढि रहेको भावभंगीले जनाउँथ्यो ।

सिधा नजर लगाउन सक्दैन्थे । टोलीतिर फर्किए पनि हत्केला वा चुन्नीको सहाराले लाज छेक्न खोज्थे । ज्यान बाँचनुपर्छ खान त पाईहाल्नुहुन्छ फुल्की खाँदै गरेकालाई भनेपछि हो हजुर हो भनेर सहमति जनाए ।

चाटका ठेलामा पुगेर टोलीले फुल्की खाएपछि लगाई हाल्नुहोला है भन्यो ।

माथि लगाउनुस् चिउँडोमा भयो टोलीले सबैभन्दा बढि यहि बाक्य बोलेको सुनिन्थ्यो । कतिले दाह्रीले असजिलो हुन्छ भनेर मास्क घाँटीमै झारेका थिए । लगाउँदै नलगाई निर्धक्क ढलक ढलक गर्नेहरु पनि उत्तिकै थिए ।

कतिले तल्लो ओठसम्म मास्क लगाएका थिए । कतिको मुख छोपेका तर नाक खुल्ला थियो । धुलो नाकै बाट भित्र पस्छ भन्ने नजाने जस्तै लाथ्यो ।

कमलापसन्द, भोला, मेघा श्री, शुद्धप्लस तथा पानलगाएतका गुट्खा चपाउँदै थुक उछिट्याउनेलाई मास्क बाधक भएको छ ।

थुकका छिटाले चाँडै मैलिन्छ र चपाउँदै प्याच्च प्याच्च थुक्दै गर्न मिल्दैन । चपाउँदै हिडेका अधिकांशको मुखमा मास्क थिएन ।

कलिला नानीबाबु हातमा मास्क हल्लाउँदै हिडेका थिए । युवा युवती बैसले मस्किदै खित्किदै हिड्दा पनि मास्क लगाएका थिएनन् । पाका महिलाहरुमा भने धेरैको मास्क थियो ।

कोरोना र धुलोबाट बच्नकै लागि मास्क जरुरी छ । रोगबाट नबचाए पनि आत्मवल बढाउँछ । कोरोनाबाहेक अरु रोगबाट बचाउँछ ।

घाँटी, फोक्सो लगाएतलाई सुरक्षा गर्छ । त्यसैले पनि मास्कमा जोड दिएको टोलीको भनाई थियो । टोलीका अनुसार बजारको धुलो धुवाँ भित्र मास्क अनिवार्य छ ।

मास्क नभई भीडभाड तथा समूहमा जानै हुँदैन । सकभर दैनिक नभएर एक दिन विराई त्यति नभ्याएपनि साप्ताहिक रुपमा मास्क ख्वै अभियान चलाउन धेरैले सुझाव दिएका छन् । कहिल्यै मास्क नलगाएको आनीवानी बदल्न केही दबाब तथा डर त्रास देखाउनैपर्छ ।

भर्खरै प्रकाशित

प्रचण्ड निकट नेकपा नेता पुरीका नाममा भेटियो थप १४ बिगाहा…

झापा दमकका नेकपा नेता रेवतराज पुरी ‘गगन’ले थप १४ बिगाहा सरकारी जग्गा आफ्नो नाममा ल्याएर बिक्री गरेको भेटिएको छ। मंसिर ९ गते पुरी पक्राउ परेपछि…

एनआइसी एसिया बैंकका सिइओ रोशनकुमार न्यौपानेको तलब साढे २ करोड

काठमाडौं । एनआइसी एसिया बैंकका प्रमुख कार्यकारी अधिकृत रोशनकुमार न्यौपानेले वार्षिक तलब भत्ता तथा बोनस बापत २ करोड ५० लाख रुपैयाँ बुझेका छन्। एनआएसी एसियालाई…

सिरानीमा मोबाइल राखेर सुत्ने गर्नुभएको छ ? अब यो भूल…

काठमाडौं- मोबाइल फोन जीवनको अभिन्न अंग वनिसकेको छ भन्दा फरक पर्दैन । पछिल्ला दिनहरुमा मानिस मोबाइलमा धेरै समय विताउनमै व्यस्त हुन थालेका छन् । जुनसुकै…

पोखराले काठमाडौंबाट पाठ सिक्नुपर्छ: मेयर शाक्य

काठमाडौं  महानगरका मेयर विद्यासुन्दर शाक्यले काठमाडौंको अवस्थाबाट पोखराले पाठ सिक्नु पर्ने बताएका छन्। काठमाडौं र पोखराको चुनौती अनियन्त्रित बसाइँसराइ रहेको भन्दै शाक्यले व्यवस्थित बसोबासका योजना…

अधुरै रहयो ३० वर्षीय प्रेमबहादुर खत्रीको परिवारसँग घुम्‍ने योजना

दाङ — बिहीबार राति ११ बजेसम्म प्रेमबहादुर खत्री बुबा र श्रीमतीसँग भिडियो कलमा कुराकानी गर्दै थिए । चार वर्षदेखि अमेरिकामा रहेका भाइ लोकराज पनि कुराकानीमा जोडिएका…