पश्चिमा मुलुकलाई चीनको चेतावनी – हङकङबारे दखल दिए आँखा निकाल्दिन्छौं

५ मंसिर, काठमाडौं । चीनले पश्चिमा मुलुकहरुलाई हङकङको विषयमा धेरै दखल नदिन कडा चेतावनी दिएको छ । अमेरिका, अस्ट्रेलिया, क्यानडा, न्युजिल्याण्ड र बेलायतले संयुक्तरुपमा विज्ञप्ति जारी गर्दै चीनसँग हङकङको संसदबाट हटाइएका चार सांसदलाई पुनर्बहालीको माग गरेका थियो ।

यस विषयमा जवाफ दिँदै चिनियाँ विदेश मन्त्रालयका प्रवक्ता झाओ लिचियानले ‘फाइभ आइज’ समूहमा आबद्ध मुलुकहरुलाई यस्तो चेतावनी दिएका हुन् ।

उक्त पाँच मुलुकको समूहलाई ‘फाइभ आइज’ पनि भनिन्छ । यी मुलुकहरुले एकआपसमा आफ्नो गोप्य जानकारी साटासाट गर्दै आएका छन् । यो समूहको गठन शीतयुद्धको क्रममा गरिएको थियो । सुरुवातमा सोभियत संघ र उसका सहयोगीमाथि नजर राख्न निर्माण गरिएको थियो ।

अहिले सोही समूहले हङकङको विषयमा उठाएको आवाजबारे जवाफ दिँदै चिनियाँ विदेशमन्त्रालयका प्रवक्ताले भनेका छन् – चिनियाँहरु आफू कहिले पनि समस्या सृजना गर्दैनन् तर आफ्नो बाटोमा कोही आउँछ भने उनीहरुसँग डराउँदैनन् ।

आँखा ५ होस्, १० होस् वा जतिसुकै होस्, चीनको सार्वभौमिकता, सुरक्षा र विकासमा समस्या उत्पन्न हुने गर्छ भने सावधान ! आँखा निकालिन सक्छ ।

लिचियानले हङकङको मुद्दामा बाहिरी मुलुकले औंला उठाउनु अन्तर्राष्ट्रिय नियम र आधारभूत अन्तर्राष्ट्रिय सम्बन्धको अवधारणाको उल्लंघन भएको बताए ।

गत साता चीनले हङकङको विषयमा एक प्रस्ताव पारित गरेको थियो । जसको आधारमा राष्ट्रिय सुरक्षाका लागि जोखिम भएका नेताहरुलाई हङकङको सरकारले संसदबाट हटाउन सक्छन् । त्यसैको आधारमा हङकङले चार प्रजातान्त्रिक पक्षधर सांसदहरुलाई हटाएको थियो । यससँगै ‘फाइभ आइज’ समूहले चीनलाई आफ्नो निर्णय सच्याउन अपिल गर्दै विज्ञप्ति जारी गरेको थियो ।

भर्खरै प्रकाशित

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…