ह्वाइट हाउसमा अड्डा जमाएर बसे ट्रम्प, छैन निस्कने छाँटकाँट

अमेरिकाको राष्ट्रपति निर्वाचनको परिणाम सार्वजनिक भएदेखि डोनल्ड ट्रम्प ह्वाइट हाउसमा अड्डा जमाएर बसेका छन् ।

सीएनएनले दिएको खबरअनुसार, नोभेम्बर ३ पछि अहिलेसम्म ट्रम्पले कुनै सार्वजनिक समारोह आयोजन गरेका छैनन् । उनी बिहान गल्फ खेल्नका लागि मात्र ह्वाइट हाउसबाट निस्कन्छन् । अरू समय उनी ह्वाइट हाउसमै बसिरहन्छन् ।

ट्रम्प राष्ट्रपति कार्यालय ओभल अफिसमा पनि दिउँसो मात्र पुग्छन् र रातिसम्म बस्छन् । थ्यांक्सगिभिङमा पनि उनले छुट्टी नलिने योजना बनाएका छन् ।

ट्रम्पले जो बाइडनको जीतलाई स्वीकार गरेका छैनन् र कानूनी लडाइँ लडेर भए पनि दोस्रो कार्यकाल चलाउने सोच बनाइरहेका छन् ।

विगत एक हप्तादेखि ट्रम्पले महत्त्वपूर्ण विषयमा कुनै टिप्पणी नगरेको एक अधिकारीले बताए । इजिप्टमा शान्तिप्रक्रियामा खटिएका अमेरिकीहरूको मृत्यु, अफगानिस्तान र इराकबाट सुरक्षाबल फिर्ता बोलाउने विषय वा अन्य जल्दाबल्दा इस्युमा उनी स्वयंले केही पनि बोलेका छैनन् ।

सीएनएनको रिपोर्टअनुसार, ट्रम्प अधिकांश समय वकिलहरूसँग कुराकानी गरिरहेका छन् र पुनः मतगणना गराउनका लागि कानूनी उपायहरू अपनाइरहेका छन् ।

जो बाइडनलाई विश्वका धेरै मुलुकका नेताहरूले बधाई दिइसकेका छन् । चुनावपछि ट्रम्पले विदेशी राष्ट्रप्रमुख वा सरकारप्रमुखसँग कुराकानी गरेका छैनन् ।

भर्खरै प्रकाशित

लुम्बिनीका पहाडी जिल्ला प्यूठान, रुकुम, रोल्पामा सेतो पुतलीबाट हुने सापू…

राेल्पा । लुम्बिनी प्रदेशका पहाडी जिल्लामा सेतो पुतलीबाट आँखामा लाग्ने सापू रोगका बिरामी बढ्न थालेका छन् । पहाडी जिल्लामा यो रोगको उपचार सबै ठाउँमा हुननसक्ने…

सत्याग्रह गर्नका लागि डा.केसी अमेरिका प्रस्थान

काठमाडौं । चिकित्सा स्वास्थ्य क्षेत्रका अभियन्ता डा.गोविन्द केसी सत्याग्रहका लागि अमेरिका प्रस्तान गरेका छन। विश्व शान्ति दिवसका अवसरमा अमेरिकाको न्युयोर्कमा हुने सामुहिक सत्याग्रहमा भाग लिन…

प्रदीप ज्ञवालीको प्रश्न : एमसीसी सही थियो भने हिजो किन…

काठमाडौं । नेकपा एमालेका सचिव प्रदीप ज्ञवालीले मिलेनियम च्यालेन्ज कर्पोरसेन (एमसीसी) सम्झौतालाई लिएर सत्तारुढ गठबन्धनमाथि प्रश्न उठाएका छन् । सरकार अविछिन्न उत्तराधिकारीवाला संस्था भएकाले आफूहरु…

भारतले चीनलाई भन्यो: दुबैतर्फबाट सीमा सुरक्षा फौज फिर्ता गरौँ

नयाँ दिल्ली । चीनसँगको हिमाली सीमा क्षेत्रमा खटिएका दुबै देशका सुरक्षा फौज फिर्ता गर्न भारतले चीनसमक्ष प्रस्ताव राखेको छ । विवादित हिमाली सीमामा खटिएको सुरक्षा…

जापानमा सय वर्षसम्म बाँच्नेको संख्या ८५ हजार नाघे

टोकियो । जापानमा एक शताब्दी अर्थात् सय वर्षभन्दा बढी उमेरसम्म बाँच्ने वृद्धवृद्धाको संख्या ८५ हजार नाघेको छ। पहिलो पटक सय वर्ष वा सोभन्दा बढी उमेरसम्म…