नेपाल प्रिमियर लिग भारतीय कम्पनीलाई १० बर्षका लागि ४२ करोडमा बेच्दै क्यान

नेपाल क्रिकेट संघ (क्यान) ले आफुले गर्ने भनेको ट्वान्टी ट्वान्टी प्रतियोगिता नेपाल प्रिमियर लिग –एनपिएल ट्वान्टी ट्वान्टी) एक भारतीय कम्पनीलाई १० बर्षको लागि ४२ करोड रुपैयामा बेच्ने प्रकृया अगाडी सार्ने भएको छ ।

बुधबार क्यानको बार्षिक साधारण सभाले एनपिएल सम्झौतामा हस्ताक्षर अगाडी बढाउने प्रकृयाको जिम्मेवारी आफ्नो केन्द्रिय कार्य समितिलाई दिने निर्णय गर्यो ।

अक्टोबर २०१९ मा नयाँ कार्य समिति निर्वाचित भए लगत्तै गर्ने भनिएको नेपाल प्रिमियर लिग (एनपिएल) नेपालको प्रमुख ट्वान्टी ट्वान्टी फ्रान्चाइज प्रतियोगिता हुनेछ ।

क्रिकेटिङ्गनेपाललाई प्राप्त डकुमेन्टका अनुसार क्यानले एनपिएललाई आफ्नो स्वामित्वमा राखेर भारतको राजधानी दिल्लीमा रहेको सेभेन थ्रि स्पोर्ट्स प्राइभेट लिमिटेडलाई ४२ करोडमा बेच्न लागेको हो ।

बुधबारको साधारण सभाले प्रस्तुत गरिएको ड्राफ्ट हुबहु पारित नगरेपनि नेपाली क्रिकेटको हित अनुकुल रहनेगरि केन्द्रिय कार्य समितिलाई नै बाकी जिम्मेवारी सुम्पिएको हो ।

सेभेन थ्रि स्पोर्ट्स र क्यानबीच प्रस्तावित सम्झौता अनुसार क्यानले सेभेन थ्रिबाट १० बर्षमा ४२ करोड पाउनेछ । प्रतियोगिता आयोजना, टेलिभिजन प्रशारण अधिकारको व्यवस्थापन, खेलाडीको ड्राफ्ट अथवा अक्सन, प्रायोजन अधिकार लगायतका सबै जिम्मेवारी सेभेन थ्रिले लिनेछ भने त्यसको आम्दानी पनि पूर्ण रुपमा भारतीय कम्पनीले नै लिनेछ ।

प्रस्तावित सम्झौता अनुसार सेभेन थ्रिले जुनियर क्रिकेट च्याम्पियनसिपको पनि आयोजना गर्नेछ । पहिलो सिजनको लाइसेन्स फि स्वरुप सेभेन थ्रिले क्यानलाई साढे दुई करोड दिने सम्झौता छ भने दोश्रो सिजनमा दुई करोड, तेश्रोमा साढे दुई करोड गर्दै प्रत्येक सिजन किस्ताबन्दीमा पैसा तिर्दै प्रतियोगिता आयोजना गर्नेछ ।

अन्तिम सिजनका लागि क्यानले ७ करोड ५० लाख रुपैया पाउने व्यवस्था रहेको छ ।

भर्खरै प्रकाशित

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…