भारतीय एसएसबीले नेपाली नागरिकलाई आफ्नो भुमिकै फोटो खिच्न दिएन

दाङ । भारतसँग जोडिएको दाङको कोइलाबास नाका स्थित दशगजामा सेल्फि लिने र दशगजाको फोटो खिच्नेको लामो लर्काेनै लाग्यो । बुधवार कोइलाबास नाकामा आन्तरिक तथा बाह्य पर्यटकहरूको सेल्फि लिने र दशगजाको फोटो खिच्नेहरूको लर्काे लागेको हो । सिमा क्षेत्रमा पर्यटकहरूको खचाखच भिडभाड थियोे ।

पहिलोपटक सिमा स्तम्भमा पुगेर फोटो खिचाउने ठुलो इच्छा थियो लमही नगरपालिका वडा नम्बर ५ लमही निवासी ओमप्रकाश सुवेदी (सागर) लाई तर, दशगजामा रहेको नेपाल भारत लेखेको ३९ नम्बर पिलरमा भारतीय एस.एस.पिद्वरा फोटो खिच्न नदिदा उहाँले दुखेसो पोख्नुभयो ।

‘आफ्नै नेपाली भुमिमा पनि फोटो खिच्ने पाइदैन र ? उनिहरूको देशमा त गएर फोटो खिचेको छैनौं नि? आफ्नै नेपालको भुमिमा फोटो खिच्दा मोबाइल र क्यामरा खोस्ने जस्तो गर्छन् भारतीय एस.एस.पिले, लमही नगरपालिका वडा नम्बर ५ निवासी शेरसिंङ खड्काले भन्नुभयो ।’

‘हाम्रा बाउ बजेले नुन बोक्नु भएको कोइलाबास नाका कस्तो रहेको रहेछ भनेर हामी घुम्नलाई निस्किएको थियौ । पहिले जाने बाटो थिएन, अहिले बाटो निर्माण भएपछि हामी बाउ बजेले नुन बोकेको ठाउँमा गुन तिर्न आएको हो, खड्काले भन्नुभयो,–। ‘आफ्नै भुमिमा पनि फोटो खिच्नै नपाइने कस्तो विडम्बना हो । भारतीय एस.एस.पिले गालि गर्नुका साथै मोबाइल र क्यामरा खोस्ने प्रयास गर्छन् ।’

भारतसँग जोडिएको लमही कोइलाबास हुलाकी राजमार्ग कालोपत्रे भएपछि कोइलाबास नाकामा पर्टयकहरूको संख्या ह्वात्तै बढेको हो । बाउ बाजेले नुन बोकेको र नेपालको जनकपुरधाम पछिको दोस्रो ठुलो रामजानकी मन्दिर भएको हुनाले कोइलाबास नाकामा आन्तरिक तथा बाह्य पर्यटकहरूको घुइचो लाग्ने गरेको हो । घुम्न आउने प्रायः सबै पर्यटकहरूले सिमा क्षेत्रमा रहेको नेपाल भारत दशगजा स्थित ३९ नम्बरको नेपाल लेखेको पिलरमा भारतिय एस.एस.पिले फोटो खिच्न नदिएको गुनासो पोख्ने गरेका हुन् ।

भारतीय सशस्त्र क्याम्पको खिच्छन् भनेर दशगजामा भारतीय एस.एस.पिले फोटो खिच्न मनाही गरेको गढवा गाउँपालिका वडा नम्बर ८ का वडाध्यक्ष सद्दाम सिद्दिकिले जानकारी दिनुभयो । उहाँले भन्नुभयो,–। ‘सिमा क्षेत्र स्थित नेपालको प्रवेशद्वार गेटबाट नेपाल तर्फ जति फोटो खिच्न पनि पाइन्छ तर, दशगजामा गई पिलरमा बसेर फोटो खिच्दा भारत तर्फ रहेको सशस्त्रको क्याम्पको फोटो सार्वजनिक हुने भएको कारण त्यसतर्फ फोटो खिच्न रोक लगाएको हो । हामीलाई पनि दिदै फोटो खिच्न । रिपोर्टिङको क्रममा आउने पत्रकार सरहरूले नेपाल प्रहरी र सशस्त्रसंग समन्वय गरेर फोटो लिने गर्नु भएको छ ।’

यता लिपुलेक, लिम्पियाधुरा र कालापानी नक्साको विवादका कारणले गर्दा त्यसो गर्न खोजेको हुन सक्ने दाङका प्रमुख जिल्ला अधिकारी जयनारायण आचार्यले बताउनुभयो । उहाँले भन्नुभयो,–। ‘पर्यटकलाई हाम्रो नेपाली भुमिमा कसैले पनि फोटो खिच्ने सवालमा हस्तक्षेप गर्न सक्दै । उनिहरूको देश तर्फ गएर फोटो नलिने । हाम्रो भुमिमा रहेर मज्जाले फोटो लिन सकिन्छ । केही कुरामा हामी पनि संवेदनशील हुन आवश्यक छ ।झ ञत्यस्तो समस्या परे वि.ओ.पि. कोइलाबासमा भनी दिउला ।’

लमही कोइलाबास हुलाकी राजमार्ग कालोपत्रे नहुदा दुई देखि तीन घण्टा लगाएर कृष्णनगर नाका हुँदै भारतीय भुमि बढ्नी, तुलसिपुर हुदै कोइलाबास नाका जानुपर्ने बाध्यता थियोे, गढवा गाउँपालिका वडा नम्बर ८ का वडाध्यक्ष सद्दाम सिद्दिकिले भन्नुभयो,–। ‘लमही कोइलाबास बाटो कालोपत्रले भएसंगै भारतीय भुमि प्रयोग गर्ने बाध्यता अन्त्य भएको छ । अब हामी नेपाली भुमि हुदै लमही गढवा, कक्रहवा, जमुनिवाब, चिसापानी, मौरीया हुदै सजिलोसँग कोइलाबास नाका पुग्छौं ।’ ‘अव हामीलाई भारतीय भुमि प्रयोग गरेर कोइलाबास जानू पर्दैन ।’

सिमा क्षेत्रमा पर्यटकको घुइँचो

कुनै बेला सुनसान र दिउँसो हिड्नै डर पैदा हुने कोइलाबास नाकामा अहिले चहलपहल बढेको छ । लमही कोइलाबास हुलाकी राजमार्ग सडक खण्ड कालोपत्रे भएसंगै कोइलाबास नाकामा चहलपहल बढेको हो । घुम्नको लागि कुनै बेला एउटा दुईवटा मान्छे मात्रै आउने कोइलाबास नाकामा अहिले दिनमै दुई हजार देखि तिनहजार सम्म पर्यटकहरूको उपस्थिति हुने गर्छ, गढवा गाउँपालिका नम्बर ८ का वडाध्यक्ष सद्दाम सिद्दिकिले भन्नुभयो,–।

‘पहिलेको तुलनामा अहिले कोइलाबासमा निकै चहलपहल बढेको छ । कोइलाबासमा रहेको रामजानकी मन्दिरको दर्शनको लागि, पार्क, निर्माणधिन भ्युटावर, सिमा क्षेत्र हेर्न र घुम्नको लागि आन्तरिक तथा बाह्य पर्यटकहरू उपस्थित राम्रो छ ।’ तस्विर : प्रतिनिधात्मक / गुगल 

भर्खरै प्रकाशित

लुम्बिनीका पहाडी जिल्ला प्यूठान, रुकुम, रोल्पामा सेतो पुतलीबाट हुने सापू…

राेल्पा । लुम्बिनी प्रदेशका पहाडी जिल्लामा सेतो पुतलीबाट आँखामा लाग्ने सापू रोगका बिरामी बढ्न थालेका छन् । पहाडी जिल्लामा यो रोगको उपचार सबै ठाउँमा हुननसक्ने…

सत्याग्रह गर्नका लागि डा.केसी अमेरिका प्रस्थान

काठमाडौं । चिकित्सा स्वास्थ्य क्षेत्रका अभियन्ता डा.गोविन्द केसी सत्याग्रहका लागि अमेरिका प्रस्तान गरेका छन। विश्व शान्ति दिवसका अवसरमा अमेरिकाको न्युयोर्कमा हुने सामुहिक सत्याग्रहमा भाग लिन…

प्रदीप ज्ञवालीको प्रश्न : एमसीसी सही थियो भने हिजो किन…

काठमाडौं । नेकपा एमालेका सचिव प्रदीप ज्ञवालीले मिलेनियम च्यालेन्ज कर्पोरसेन (एमसीसी) सम्झौतालाई लिएर सत्तारुढ गठबन्धनमाथि प्रश्न उठाएका छन् । सरकार अविछिन्न उत्तराधिकारीवाला संस्था भएकाले आफूहरु…

भारतले चीनलाई भन्यो: दुबैतर्फबाट सीमा सुरक्षा फौज फिर्ता गरौँ

नयाँ दिल्ली । चीनसँगको हिमाली सीमा क्षेत्रमा खटिएका दुबै देशका सुरक्षा फौज फिर्ता गर्न भारतले चीनसमक्ष प्रस्ताव राखेको छ । विवादित हिमाली सीमामा खटिएको सुरक्षा…

जापानमा सय वर्षसम्म बाँच्नेको संख्या ८५ हजार नाघे

टोकियो । जापानमा एक शताब्दी अर्थात् सय वर्षभन्दा बढी उमेरसम्म बाँच्ने वृद्धवृद्धाको संख्या ८५ हजार नाघेको छ। पहिलो पटक सय वर्ष वा सोभन्दा बढी उमेरसम्म…