देशकै ठूलाे सबस्टेशनकाे काम सकियाे, १२०० मेगावाट विद्युत् आदानप्रदान गर्न सकिने

काठमाण्डाै – निर्माण व्यवसायीको लापर्बाही, कोरोना भाइरसको सङ्क्रमणलगायत कारणले समस्यामा परेको देशकाे सबैभन्दा ठूलो सबस्टेशन ढल्केबरकाे निर्माण सम्पन्न भएको छ । नेपाल विद्युत् प्राधिकरणका अनुसार कुल ४०० केभी क्षमताको याे सबस्टेशन बुधबार रातिदेखि पूर्णरुपमा चार्ज भइ सञ्चालनमा आएको हो । प्राधिकरणले प्राविधिक भाषामा त्यसलाई ‘फूल लोड’मा चार्ज भएको जनाएको छ ।

आयोजनाका प्रमुख शुक्र देवकोटाका अनुसार लामो प्रतीक्षापछि आयोजना सम्पन्न भएको छ । आयोजना सम्पन्न भएपछि नेपाल र भारत दुवै तर्फबाट एक हजार २०० मेगावाट विद्युत् आदानप्रदानका लागि बाटाे खुलेकाे छ । कुल ४५६ मेगावाट क्षमताको माथिल्लो तामाकोशीको विद्युतसमेत त्यही सबस्टेशनमा जोडेर पूर्व–पश्चिम प्रवाह गरिनेछ ।

याे सबस्टेशन विसं २०७२ माघमा पहिलो पटक १३२ केभीमा चार्ज भएको थियो । त्यसपछि भारतबाट कुल ८० मेगावाट विद्युत् आयात भएको थियो । यस्तै, २०७४ सालमा याे सबस्टेशन २२० केभीमा चार्ज गरिएको थियो । नेपाल–भारत अन्तर्देशीय प्रसारण लाइनको रुपमा ढल्केबर– मुजफ्फरपुर प्रसारण लाइनसमेत ४०० केभी क्षमताको भएकाले विद्युत् आदानप्रदानका लागि महामार्गसमेत निर्माण भइसकेको छ ।

प्राधिकरणका अनुसार ढल्केबर सबस्टेशन अब १३२, २२० र ४०० क्षमतामा नै सञ्चालन गर्न सकिनेछ । यस्तै पूर्व–पश्चिम जहाँ जति मात्रामा विद्युत् आवश्यक पर्दछ प्रवाह गर्न सकिनेछ । चालु आर्थिक वर्षमा नै माथिल्लो तामाकोशीलगायत आयोजना निर्माण सम्पन्न हुने भएकाले वर्षाको समयमा खेर जाने विद्युत् भारत पठाउनसमेत बाटाे खुलेकाे छ ।

याे सबस्टेशन नेपाली लगानी तथा नेपाली प्रविधिमा निर्माण सम्पन्न भएको प्राधिकरणका पूर्वकार्यकारी निर्देशक कुलमान घिसिङले जानकारी दिनुभयो । चिनियाँ ठेकेदार कम्पनी सेन्ट्रल चाइना पावर ग्रिड कम्पनीले तोकिएको समयमा पूरा नगरेपछि प्राधिकरणले ठेक्का तोडेको थियो । आयोजनाको परामर्शको काम प्राधिकरणको सहायक कम्पनी एनइए इन्जिनियरिङ कम्पनीले गरेको हो ।

गएकाे वैशाख अन्तिम हप्ता नै याे सबस्टेशन निर्माण सम्पन्न हुने अवस्थामा पुगे पनि कोरोना भाइरसको जोखिमका कारण रसुवागढी भन्सार नाकामा आइपुगेको सामान आयोजना स्थल पुर्‍याउन सकिएको थिएन । पूर्वकार्यकारी निर्देशक घिसिङले देशकै सबैभन्दा ठूलो सबस्टेशन निर्माण सम्पन्न भएकाेमा प्रसन्नता व्यक्त गर्दै नेपालका लागि महत्त्वपूर्ण उपलब्धि भएको बताउनुभयो ।

विसं २०७५ सालदेखि निर्माण सुरु भएको याे सबस्टेशन आफू प्राधिकरणमा रहँदा नै सम्पन्न हुने अपेक्षामा रहे पनि कोरोनाका कारण पछाडि सरेको भन्दै उहाँले निर्माण सम्पन्न भइ सञ्चालनमा आएको भन्दै सरोकार भएका सबैलाई धन्यवादसमेत दिनुभएको छ ।

भर्खरै प्रकाशित

चिनियाँ फोन तुरुन्त फाल्न र नयाँ नकिन्न लिथुआनियाको चेतावनी

एजेन्सी । लिथुआनियाको रक्षा मन्त्रालयले आफ्ना सबै नागरिकलाई चिनियाँ फोन तुरुन्तै फाल्न र अब नयाँ नकिन्न चेतावनी दिएको छ । त्यहाँको राष्ट्रिय साइबर सुरक्षा केन्द्रले…

एमालेको तेस्रो धारका नेताहरु आक्रोशित : १० बुँदे सहमति कार्यान्वयन…

काठमाडौं । एमाले एकतागर्न अघि बढाइएको १० बुँदे प्रस्ताव कार्यान्वयन नभएपछि एमालेको तेस्रो धारका १० नेतानिकटका केन्द्रीय सदस्यहरु आक्रोशित बनेका छन् । शुक्रबारबाट सुरु भएको…

यस कारण प्रेम चोपडालाई देख्नेबित्तिकै मानिसहरु श्रीमती लुकाउँथे

प्रेम चोपडाको गन्ती बलिउडका ती कुख्यात भिलेनमध्ये हुन्थ्यो, जसलाई दर्शकले वास्तवमा नै डाँका ठान्ने गर्दथे । ८६ वर्ष पुगिसकेका प्रेम चोपडाले एक अन्तरवार्ताका बेला उनलाई…

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…