अदालतको आदेश विपरीत डोजर चलाएको भन्दै सडकमा सुतेर विरोध

काठमाडौं । उपत्यका विकास प्राधिकरणले गत शनिबारदेखि बालाजु बाइपासदेखि महेन्द्रपार्क क्षेत्रमा डोजर लगाएको छ । २६५ मिटर दुरी सडक निर्माण गर्न सात वटा डोजर चलाइरहेको स्थानीयवासीले बताएका छन् ।

शहरी विकास मन्त्रालयअन्तर्गतको प्राधिकरणले सर्वोच्च अदालतको आदेश उल्लंघन गरेर जबरजस्ती डोजर लगाएको स्थानीयवासीको भनाइ छ । सर्वोच्चले ८ चैत २०७३ मा ‘छलफलबाट टुँगो नलागेसम्म निवेदकहरूको घर आँगनमा प्रवेश गर्ने, अनधिकृत कब्जा गर्ने भत्काउने जस्ता कुनै पनि कार्य नगर्नु नगराउनू’ भन्ने आदेश दिएको थियो ।

तर प्राधिकरणले त्यो आदेश नमानेको स्थानीयले गुनासो गरेका छन् । बालाजुका श्याम मानन्धर भन्छन्, ‘सम्मानित सर्वोच्च अदालतको आदेश विपरीत शनिबारदेखि सरकारले हाम्रो घर भत्काउन आएको छ ।’

अदालतको अवहेलना !

सर्वोच्च अदालतको आदेश कार्यान्वयन नभएपछि बालाजुवासीले अदालतको अवहेलनामा निवेदन दिएका थिए । भीमदेव श्रेष्ठ लगायतले दिएको निवेदनमा काठमाडौं उपत्यका सडक विस्तार आयोजना, काठमाडौं उपत्यका विकास प्राधिकरण, प्राधिकरण काठमाडौं जिल्ला आयुक्तको कार्यालय, काठमाडौं महानगरपालिका, महानगरीय प्रहरीवृत्त बालाजुलाई विपक्षी बनाइएको छ ।

निवेदनमाथि सुनुवाई गर्दै सर्वोच्चका न्यायाधीश तेजबहादुर केसीको एकल इजलाशले गत ३० भदौमा विपक्षीको नाममा म्याद जारी गरेको थियो । तर अदालतको आदेश कार्यान्वयन गर्नुको सट्टा डोजर लगाइएको निवेदक श्रेष्ठ बताउँछन् ।

उपत्यका विकास प्राधिकरण, काठमाडौं जिल्ला आयुक्तको कार्यालयले भने बालाजु बाइपास सडक खण्डको पूर्वपट्टि फुटपाथ मात्रै निर्माण गरेको जनाएको छ । प्राधिकरणका अधिकृत सुरेशकुमार रेग्मीद्वारा हस्ताक्षरित पत्रमा भनिएको छ, ‘…यस कार्यालयबाट २०७७ असोज १८ गतेको कार्यादेशबाट कामपा १६ स्थित बालाजु बाइपास सडकखण्डमा फुटपाथ निर्माण गर्न निर्माण व्यावसायी श्री दिपदर्शन बिल्डर्स एण्ड सप्लायर्स प्रालिलाई कार्यादेश दिइएको व्यहोरा आदेशानुसार जानकारी गराइन्छ ।’

काठमाडौं उपत्यकाका नगरपालिका र नगरोन्मुख स्थानहरुमा गरिने निर्माणसम्बन्धी मापदण्ड २०६४ अनुसार प्रशाखा सडकको चौडाइ १४ मिटर हुनुपर्दछ । त्यसअनुसार जग्गा दिन आफूहरू तयार रहेको भीमदेव श्रेष्ठ बताउँछन् । उनी भन्छन्, ‘सडक केन्द्रबाट दायाँ सात मिटर र बायाँ सात मिटर छोड्नु पर्छ भन्ने हाम्रो माग हो तर अदालतको आदेशको समेत वेवास्ता गरेर डोजर लगाउने काम भयो, हाम्रो पीडा सुनाउन कहाँ जाने ?’

भर्खरै प्रकाशित

बाढी पहिरोका कारण मेलम्ची खानेपानी आयोजनामा एक अर्ब बढीको क्षति

काठमाण्डाै । गएकाे हप्ताकाे निरन्तर वर्षापछि गएको पहिराले मेलम्ची खानेपानी आयोजनामा एक अर्ब रुपैयाँभन्दा बढीको क्षति भएको छ । आयोजनाका मुख्य संरचना सुरुङ र ‘हेडवर्क’…

छुवाछुत आरोपी घरबेटीलाई शिक्षामन्त्री कृष्णगोपाल श्रेष्ठले आफै छुटाए, आफ्नै गाडीमा…

काठमाडौँ। शिक्षा, विज्ञान तथा प्रविधि मन्त्री कृष्णगोपाल श्रेष्ठले छुवाछुत आरोपी स्वती प्रधानलाईलाइ महानगरीय प्रहरी वृत्त सिंहदरबारमै गएर रिहाइ गराएका छन्। घर भाडामा नदिएकै कारण गिरफ्तार…

प्रकृतिलाई हामीले सम्मान नगरेसम्म प्रकृतिले पनि सम्मान गर्दैन : राजेश…

काठमाडौं । देशका विभिन्न जिल्ला बाढी र पहिरोबाट प्रभावित भएको छ। सिन्धुपाल्चोक र मनाङ जिल्ला यसबाट सबैभन्दा धेरै प्रभावित बनेका छन्। बाढी र पहिरोले घरहरु…

रुपा सुनारलाई कोठा भाडामा नदिने आरोपित रिहाई

काठमाडौं । जतका कारण रुपा सुनारलाई कोठा भाडामा नदिएको आरोपमा प’क्राउ परेकी सरस्वती प्रधानको रिहाई भएकी छन् । उनी बुधबार दिउँसो रिहाई भएकी हुन् ।…

सर्वोच्च अदालतको निर्णयप्रति एमाले नेता भीम रावलले दिए यस्तो प्रतिकृया

काठमाडौं । एमाले नेता भीम रावलले पार्टी अध्यक्ष एवम् प्रधानमन्त्री केपी ओलीले गरेका घात र बेथितिलाई सर्वोच्च अदालतले खारेज गरेको बताएका छन्। मंगलबार सर्वोच्च अदालतले…