भारतबाट आउने आलु बन्द भएपछि सल्यानको आलुले राम्रो मूल्य पायो

विश्वभर फैलिएको कोरोना भाइरसका कारण भारतबाट आउने आलु बन्द हुँदा यो वर्ष सल्यानमा उत्पादित आलुले राम्रो मूल्य पाएको छ ।

विगतका वर्षहरूमा १५ देखि २५ रुपैयाँसम्म बिक्री गर्दै आइरहेका किसानले यो वर्ष भने ३५ देखि ५५ रुपैयाँ किलोसम्म बिक्री गरेको बागचौर नगरपालिका– १२ बाफुखोलाका टीका केसीले बताइन् ।

सल्यानका आलु बढी मात्रामा पोखरा, दाङ, बुटवल जाने गरेको छ । खेतबारीमै पुगेर खरिदकर्ताले आलु लिएर जाने गरेकाले बजारको समस्या नभएको आलु खेती गर्दै आएका अगुवा कृषक चित्रबहादुर वलीले बताए ।

जिल्लाको आलु उत्पादनको पकेट क्षेत्रको रूपमा परिचित बाफुखोलामा यस वर्ष आलु उत्पादन समेत बढेको छ ।

उन्नत जातको आलुको बिउ वितरण, आलु ब्लक कार्यक्रम, सिँचाइ सुविधाको विस्तारले यस क्षेत्रलगायत जिल्लामा समेत आलुको उत्पादनमा वृद्धि आएको कृषि विकास कार्यालय सल्यानका सूचना अधिकारी रमेशकुमार बस्नेतले जानकारी दिए ।

उनले भने, ‘आलुको पकेट क्षेत्रको रूपमा रहेको बाफुखोलालाई आलु ब्लक कार्यक्रम सञ्चालन गरेका छौँ । यस्तै उन्नत जातको बिउ र सिँचाइको पहुँच वृद्धिले पनि उत्पादनमा वृद्धि ल्याएको छ ।’

बागचौर नगरपालिका– १२ का वडा अध्यक्ष दीपक वलीले यहाँका किसानले गरिरहेको आलु उत्पादन र आम्दानी बढाउनका लागि कृषि विकास कार्यालयसँगको सहकार्यमा योजना बनाएर काम गरिरहेको बताए ।

‘यहाँको आम्दानीको मुख्य स्रोत भनेको आलु हो, तर त्यसका साथसाथै पर्यटन प्रवर्द्धनलाई लाई पनि जोड दिनुपर्छ उनले भने कृषि र पर्यटन यो दुवै कुरालाई सँगसँगै अगाडि बढाएर लैजाने हाम्रो योजना छ ।’

जिल्लाभर २४ हजार एक सय मेट्रिक्टन आलु उत्पादन यस वर्ष जिल्लाभर वर्षे र हिउँदे आलु गरी २४ हजार एक सय १० मेट्रिक टन आलु उत्पादन भएको कृषि विकास कार्यालय सल्यानले जनाएको छ ।

कार्यालयका अनुसार दुई हजार तीन सय ७० हेक्टर क्षेत्रफलमा वर्षे र हिउँदे आलु खेती गरिएको छ।

वर्षे आलु पाँच सय ५० हेक्टरमा चार हजार पाँच सय ६० मेट्रिक टन र हिउँदे एक हजार आठ सय २० हेक्टरमा १९ हजार पाँच सय ५० मेट्रिक टन आलु उत्पादन भएको कृषि विकास कार्यालयको तथ्यांकमा उल्लेख छ ।

गत आर्थिक वर्षको तुलनामा १६ दशमलव ९४ प्रतिशत आलु उत्पादनमा वृद्धि आएको र वर्षे आलु २० दशमलव १९ प्रतिशत र हिउँदे १६ दशमलव २१ प्रतिशतले वृद्धि आएको कार्यालयले जनाएको छ ।

उत्पादन भएको आलुमध्ये १२ हजार ५५ मेट्रिक टन आलु आन्तरिक र चार हजार सात सय ४० मेट्रिक टन बिउमा गरी जम्मा १६ हजार सात सय ९५ मेट्रिक टन आलु आन्तरिक रूपमा नै खपत हुने गरेको कृषि विकास कार्यालय सल्यानका प्रमुख महेश आचार्यले जानकारी दिए ।

उत्पादित सात हजार तीन सय १५ मेट्रिक टन आलु बजारमा पुगेको उनले बताए। गत आर्थिक वर्षमा दुई हजार दुई सय ४० हेक्टरमा २० हजार ६ सय १७ मेट्रिक टन आलु उत्पादन भएको थियो ।

भर्खरै प्रकाशित

कतार प्रहरीमा शून्य लागतमा भर्ना प्रक्रिया हुनुपर्ने सर्त नमानेर म्यानपावरले…

काठमाडौँ । कतारका लागि नेपाली राजदूत नारदनाथ भारद्वाजलाई गत वर्ष सेप्टेम्बर २७ मा कतारको आन्तरिक मन्त्रालयका उच्च अधिकारीले एउटा सुखद खबर सुनाए । त्यो थियो, त्यहाँको…

राष्ट्रिय सहमति कायम गरेर छिटै एमसीसी पारित गरौं : बाबुराम…

काठमाडौं । पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले राष्ट्रिय सहमति कायम गरेर अमेरिकी सहयोग परियोजना एमसीसी सम्झौता पारित गर्न सुझाव…

काममा असाध्यै व्यस्त थिएँ, राज कुन्द्रा के गरिरहेका थिए मलाई…

राज कुन्द्रा पोर्नोग्राफी केसमा मुम्बई क्राइम ब्रान्चले २३ जुलाईमा शिल्पा शेट्टीको बयान दर्ता गरेको थियो । एक भारतीय सञ्चार माध्यमले शिल्पाले प्रहरीलाई दिएको बयानको विस्तृत…

बागमती प्रदेशमा पनि बादल नै एमाले इन्चार्ज !

काठमाडौं । नेकपा एमाले काठमाडौंले गरेको प्रशिक्षणलाई बागमती प्रदेश इन्चार्जको भूमिकामा रामबहादुर थापा बादलले सम्बोधन गरेका छन् । कमलादीस्थित प्रज्ञाभवनमा जिल्ला स्तरीय प्रशिक्षणमा बादल प्रदेश…

सेतो पुतली आतंक : १८ वर्षे युवाको गुम्यो ज्योति, ५–१५…

लालप्रसाद शर्मा, घनश्याम खड्का, अगन्धर तिवारी (कान्तिपुर) पोखरा/म्याग्दी/पर्वत । म्याग्दीको बेनी–७ बेनीबजारका १८ वर्षीय अमृत पुनको देब्रो आँखामा भदौ १३ मा सेतो पुतलीको झुस परेर…