रामचन्द्रले देउवाको तारिफ गर्दै भने- कम्तिमा केपी ओलीजस्तो हुनुहुन्न !

काठमाडौं । नेपाली कांग्रेसका वरिष्ठ नेता रामचन्द्र पौडेलले आफ्नो १६ बुँदे विरोधपत्रमाथि आइतबार भएको छलफल सहमतिउन्मुख भएपछि सभापति शेरबहादुर देउवाको तारिफ गर्दै भने, ‘कम्तिमा तपाईँ केपी ओलीजस्तो त हुनुहुन्न । बैठक राख्नुभयो, हाम्रा कुरा सुन्नुभयो, तपाईलाई धन्यवाद छ ।’

पौडेलले गरेको देउवाको तारिफसँगै कांग्रेसमा सभापति देउवा र पौडेल समूहको विवाद लगभग टुंगिएको छ ।

कांग्रेस नेताहरुका अनुसार महाधिवेशनसम्बन्धी सहमतिको प्रस्ताव तयार पार्ने जिम्मा दुई महामन्त्री शशांक कोइराला र पूर्णबहादुर खड्कालाई दिइएको छ । दुई महामन्त्रीले आफ्नो पक्षका केही नेताहरुलाई राखेर प्रस्ताव तयार पारेपछि २७ कात्तिकमा केन्द्रीय कार्यसमितिको बैठक बस्ने सहमति जुटेको छ ।

पौडेल समूहले विभाग गठन, समायोजन र क्रियाशील सदस्यता, भ्रातृ तथा सुभेक्षुक संगठन लगायतका मुद्दा अघि सारेर १२ असोजमा १६ बुँदे विरोधपत्र बुझाएको थियो ।

त्यसबारे छलफल गर्दैगर्दा १७ असोजमा केही नेतालाई कोरोना संक्रमण पुष्टि भएपछि बैठक प्रभावित भएको थियो । २१ कात्तिकमा केन्द्रीय कार्यसमिति बैठकको मिति तोकेका देउवाले त्यसअघि नै फेरि पदाधिकारी, पूर्वपदाधिकारी र केही नेताहरुको बैठक बोलाए र नेताहरुका कुरा सुने ।

छलफल लम्बिएपछि केन्द्रीय कार्यसमितिलाई केही दिन पर सारेर देउवाले सम्वादलाई निरन्तरता दिए । नेताहरुका अनुसार आइतबार पौडेल समूहले उठाएका बुँदाबुँदामा छलफल भएको छ ।

विभाग गठनबारे भने दुबै पक्ष आ-आफ्नो अडानमा रहे । वरिष्ठ नेता पौडेलले विधान विपरीत र महाधिवेशनको मिति तोकिसकेको अवस्थामा बनेको विभाग मान्दिनँ भने । सभापति देउवाले चाहिँ मैले बनाइसकेँ, सकियो भन्ने जवाफ दिए ।

एक नेता भन्छन्, ‘वरिष्ठ नेताले विभाग खारेज नभई केन्द्रीय कार्यसमिति बैठकमा जान्न भन्नुभएको भए अप्ठ्यारो अवस्था आउँथ्यो । तर, उहाँले त्यो अड्डी लिनुभएन ।’

यो १४ औं महाधिवेशनसँग सम्बन्धित नभएकाले पौडेल समूहले खारेजीमा अड्डी लिनुका साटो विभागलाई नमान्ने, यसका कार्यक्रमहरुमा नजाने रणनीति लिएको छ ।

अरु पार्टीबाट कांग्रेस प्रवेश गरेकाहरुलाई दिइएको क्रियाशील सदस्यतालाई विधानअनुसार मिलाउन सभापति देउवा सहमत भएका छन् । कांग्रेसको विधानअनुसार यसरी आएकाहरुलाई केन्द्रीय कार्यसमितिले क्रियाशील सदस्यता दिनसक्छ । तर, तल्लो कमिटीबाट माग भएर आउनुपर्छ । अहिले तल्लो कमिटीबाट माग नै नभई नेताहरुले आफ्नो अनुकुल गरेको पौडेल समूहको दाबी छ ।

समायोजनबारे निर्वाचन समितिको निर्देशिकाअनुसार नै गर्ने सहमति पनि जुटेको छ । भ्रातृ तथा सुभेच्क्षुक संगठनबारे दुई महामन्त्रीले सहमति खोज्ने नेताहरुले बताएका छन् ।

आइतबारको बैठकमा १४ औं महाधिवेशनको मितिबारे भने कुनै छलफल भएन । कांग्रेसले फागुन ७ देखि १० सम्म महाधिवेशन गर्ने कार्यतालिका बनाए पनि त्यसअनुसार समायोजन, क्रियाशील सदस्यता वितरण लगायतका काम हुन सकेका छैनन् । नेताहरुले फागुनमा महाधिवेशन हुन्न भन्ने पनि बुझेका छन् । तर, नयाँ मिति तोक्न कोही तयार छैनन् ।

खासगरी वरिष्ठ नेता पौडेल महाधिवशेनको मिति सार्ने पक्षमा छैनन् । आफूले नयाँ मिति प्रस्ताव गर्दा कार्यकाल लम्ब्याउन खोजेको आरोप लाग्ने बुझेका देउवा पनि यसबारे बोल्ने पक्षमा छैनन् ।

एक केन्द्रीय सदस्यका अनुसार महाधिवेशनको मितिबारे नबोली दुई महामन्त्रीले क्रियाशील सदस्यता वितरणको तिथिमिति प्रस्ताव गर्न सक्नेछन् ।

क्रियाशील सदस्यता छानविन समितिको संयोजकमा भने देउवाले रमेश लेखक प्रस्ताव गरेका छन् । वरिष्ठ नेता पौडेलले भने यसबारे सल्लाह गरौंला भनेको एक नेताले जानकारी दिए ।

यसअघि नरहरि आचार्यलाई संयोजक बनाउने र देउवा पक्षका ३, पौडेल पक्षका २ र सिटौला/गच्छदार पक्षका एक/एक जना राख्ने सहमति भएको थियो । तर स्वास्थ्यका कारण आचार्यले संयोजक बन्न अस्वीकार गरेपछि देउवाले आफू निकटका लेखकलाई अघि सारेका हुन् ।

भर्खरै प्रकाशित

फेरि बढ्यो इन्धनको मुल्य, अब पेट्रोल प्रतिलिटर १२७

काठमाडौं : नेपाल आयल निगमले फेरि इन्धनको मूल्य बढाएको छ। बुधबार राति १२ बजेपछि लागू हुने गरी निगमले इन्धनको मूल्य बढाएको प्रवक्ता विनितमणि उपाध्यायले जानकारी…

विश्वप्रकाशको प्रश्न : मन्त्रीले नै जातीय विभेदको पक्षपोषण गर्ने ?

काठमाडौं । नेपाली कांग्रेसका प्रवक्ता विश्वप्रकाश शर्माले सरकारका मन्त्रीहरूले नै जातीय विभेदको पक्षपोषण हुने गरी सन्देश दिएको टिप्पणी गरेका छन्। रूपा सुनारलाई दलित भएकै कारण…

यी हुन् स्वास्थ्यमन्त्री शेरबहादुर तामाङले १९ दिनमा गरेको चार वटा…

काठमाडौं । पूर्वमन्त्री शेरबहादुर तामाङले आफूले स्वास्थ्य मन्त्रालय सम्हालेपछि गरेका काम सार्वजनिक गरेका छन् । बुधबार फेसबुकमार्फत मन्त्री तामाङले १९ दिनमा गरेको चार वटा कामको…

यूएईले अनुमति दिएका यी दुई खोप लगाएपछि मात्र प्रवेश अनुमति…

काठमाण्डौ । गएको वैशाख पाँच गते यूएईबाट बिदामा नेपाल फर्कनुभएका मोरङ बेलबारीका रमेशप्रसाद भट्टराईलाई कम्पनीले दिएको बिदा सकियो । ६५ दिनको बिदामा आउनुभएका उहाँ अवस्था…

घरबेटी सरस्वती महर्जन छुटेपछि रुपामाथि का’रबाहीको माग

जातीय विभेदको आधारमा कथित दलित जातिकी युवतीलाई घर भाडामा नदिएको आरोपअन्तर्गत प’क्राउ परेकी बबरमहलकी घरबेटी आज छुटेकी छन् । नेवार समुदायलगायत विभिन्न संघ, संस्थाले सरस्वती…