अस्ट्रेलियाको अर्थतन्त्र तहसनहस पार्दै चीन, अरबौं डलरको गहुँ खरिदमा लगायो प्रतिबन्ध

बेइजिङ । चीनले अस्ट्रेलियामा उत्पादित गहुँ खरिदमा प्रतिबन्ध लगाउने तयारी गरेको छ । पछिल्लो समय दुई देशबीच तनाव बढ्दै गएको छ ।

हङकङबाट प्रकाशन हुने साउथ चाइना मर्निङ पोस्टमा छापिएको समाचारअनुसार आगामी शुक्रबारदेखि नै चीनले अस्ट्रेलियाबाट जौ, चिनी, रातो अंगुर, काठ, कोइलालगायत वस्तु आयात गर्न प्रतिबन्ध लगाएको हो ।

गहुँ आयातमा लगाइएको प्रतिबन्धको मितिबारे भने उल्लेख गरिएको छैन । चीनले अस्ट्रेलियाबाट बर्सेनि ३९ करोड ४० लाख अमेरिकी डलरबराबरको गहुँ खरिद गर्ने गरेको छ ।

चिनियाँ अधिकारीहरूले तोकिएको मितिभन्दा पछि अस्ट्रेलियाली प्रतिबन्धित सामग्री आयात गरे त्यसको जिम्मेवार आयातकर्ताहरू नै हुने चे तावनी दिइसकेका छन् । अधिकारीहरूले परिवर्तित नियमहरूलाई कडाइका साथ लागू गर्न आदेश दिएका छन् ।

अस्ट्रेलियाले कोभिड–१९ को उत्पत्ति चीनबाट भएको दाबीसहित छानबिनको माग गरेपछि दुई देशबीचको सम्बन्धमा तिक्तता आएको थियो । पछिल्लो समय चीनलाई काउन्टर गर्न बनाइएको भारत, अमेरिका  जापान सम्मिलित क्वाड समूहको सैन्य अभ्यासमा अस्ट्रेलिया पनि सहभागी हुने भएपछि चीनसँगको सम्बन्ध झन् बिग्रिएको छ।

अस्ट्रेलियाको सबैभन्दा धेरै वैदेशिक व्यापार चीनसँग हुन्छ। चीनसँग मात्रै अस्ट्रेलियाको वार्षिक व्यापार कुल वैदेशिक व्यापारको ३२ प्रतिसत रहेको छ। चीनको प्रतिबन्धले अस्ट्रेलियालाई धेरै आर्थिक क्षति हुने आँकलन गरिएको छ। चीन पछि अस्ट्रेलियाको वैदेशिक व्यापारमा जापान दक्षिण,कोरिया, बेलायत र अमेरिका छन् जुन सबैमिलाएर पनि चीनको भन्दा पनि थोरै हुन आउँछ।

सम्बन्ध खराब भए यता चीनले अस्ट्रेलियाबाट आयात हुने कतिपय सामानमा प्रतिबन्ध लगाइसकेको छ भने केहीमा कर वृद्धि गरेको छ । चिनियाँ भन्सार प्रशासनले शुक्रबार अस्ट्रेलियाबाट आयातित काठमा शंकास्पद विषादी भेटिएको जनाउँदै चीन प्रवेशमा रोक लगाएको जनाएको थियो ।

भर्खरै प्रकाशित

यस कारण प्रेम चोपडालाई देख्नेबित्तिकै मानिसहरु श्रीमती लुकाउँथे

प्रेम चोपडाको गन्ती बलिउडका ती कुख्यात भिलेनमध्ये हुन्थ्यो, जसलाई दर्शकले वास्तवमा नै डाँका ठान्ने गर्दथे । ८६ वर्ष पुगिसकेका प्रेम चोपडाले एक अन्तरवार्ताका बेला उनलाई…

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…