रौतहटमा फेरि बढ्यो कोरोना संक्रमण, एक सातामै १०० संक्रमित

१७ कात्तिक, रौतहट । दसैँं सकिएलगत्तै रौतहटमा कोरोना संक्रमितको संख्या पुनः तीब्र गतिमा बढ्न थालेको छ । आइतबार एकै दिन रौतहटमा १४ नयाँ संक्रमित फेला परेका छन् ।

बन्दाबन्दी पूर्ण रुपमा खुलेपछि रौतहटमा सार्वजनिक यातायात र विद्यालय पनि खुलेका छन् । बजार, कार्यालय, व्यापार कोरोना महामारी पहिलेकै अवस्थामा झैं सञ्चालनमा आएको छ, तर सुरक्षाको उपाय भने अपनाएको पाइँदैन ।

स्थानीयले मास्क, भौतिक दुरी तथा स्वास्थ्य सचेतनामा ध्यान दिन छोडेका छन् । संक्रमितको संख्या तीब्र गतिमा बढ्न थालेपछि अवस्था जटिल बन्ने देखिएको चिकित्सकहरु बताउँछन् ।

पछिल्लो एक सातामा रौतहटमा १ सय ८९ जनाको स्वाब परीक्षण गरिएकोमा १ सय जनामा कोभिड १९ को संक्रमण पुष्टि भएको जिल्ला अस्पताल गौरले जनाएको छ ।

रौतहटमा हाल २ हजार ६४ जना संक्रमित रहेको जिल्ला प्रशासन कार्यालय रौतहटले जनाएको छ । कोरोनाका कारण रौतहटमा हालसम्म १३ जनाले ज्यान गुमाएका छन् ।

‘बजारहरुमा बढी भिडभाड हुनु, व्यक्तिगत दुरी कायम नहुनु, सचेतना नअपनाउने बानीले गर्दा जोखिम झनै बढेको छ’ गौर अस्पतालका डा. कृष्ण साहले भने ‘चाडबाडका बेला भएको भिडभाडले संक्रमण फैलिएको हो । अझै पनि सचेत हुन सकिएन भने अवस्था भयावह हुन सक्छ ।’

पछिल्लो समय, स्थानीयसँगै जिल्लाका सुरक्षा अधिकारीहरु, जनप्रतिनिधि, कार्यालयका कर्मचारीहरु संक्रमित हुने क्रम बढेको छ । कोरोना महामारी नियन्त्रणका लागि जिल्ला विपद् व्यवस्थापन समिति तथा जिल्ला स्तरीय कोभिड संकट व्यवस्थापन केन्द्रको संयुक्त बैठकपछि नयाँ रणनिति तयार गरिने प्रमुख जिल्ला अधिकारी इन्द्रदेव यादवले बताए ।

संक्रमणको शंका लागेका र कन्ट्याक्ट ट्रेसिङमा परेका व्यक्तिहरुको परीक्षण गर्दा संक्रमितको संख्या बढेको हो ।

कोरोनासँग मिल्दोजुल्दो लक्षण देखिए पनि परीक्षण नै नगराएर घरमै बस्नेको संख्या पनि रौतहटमा धेरै रहेको छ । सकेसम्म परीक्षण नगराउने पक्षमा रहेकाहरु ज्वरोले च्यापेपछि मात्रै स्वाब परीक्षणका लागि जिल्ला अस्पताल गौरमा रहेको ल्याबमा जाने गरेका छन् ।

दीपावली तथा छठ पर्व नजिकिदै जाँदा बजारमा बढेको भिडभाडले पनि संक्रमण बढ्ने जोखिम छ

भर्खरै प्रकाशित

गीत गाउँदै, कुल्फी बेच्दै ‘पाकिस्तानी डोनल्ड ट्रम्प’ !

इस्लामाबाद । विश्वका दुई कुनामा पनि कहिलेकाहीँ उस्तै अनुहार भएका मान्छेहरु भेटिन सक्छन् । विशेषगरी सामाजिक सञ्जालको व्यापक प्रयोग हुन थालेपछि विभिन्न कारणले आम मानिस…

एसईई मूल्यांकन नतिजा विद्यालयले असार २० भित्र बुझाउनुपर्ने, यसरी हुनेछ…

काठमाडौं । विद्यालयहरुले विद्यालय शिक्षा परीक्षा (एसईई) को मूल्यांकन नतिजा असार २० गतेसम्म सम्बन्धित जिल्लाको शिक्षा विकास इकाई तथा समन्वय समितिमा पठाउनुपर्ने भएको छ ।…

‘सांसद ज्यूले प्रहरीको हिसाब किताब गर्न खोज्दा श्याम थापा मगरले…

नेपाली कांग्रेसका गण्डकी प्रदेशसभा सांसदले प्रहरीलाई धम्काएको भिडिओ शनिबार साँझदेखि सामाजिक सञ्जालमा भाइरल छ। भिडिओमा सांसद मेखलाल श्रेष्ठ र प्रहरी इन्स्पेक्टर श्याम थापा मगरबीच भनाभन…

‘प्लस टु’ सञ्चालन गर्दै गुरुकुल एकेडेमी, राम्रो अङ्क ल्याउने विद्यार्थीलाई निशुल्क…

घोराही।  दाङको घोराहीमा रहेको गुरुकुल एकेडेमीले चालू शैक्षिक वर्षदेखि कक्षा ११ र १२ सञ्चालन गर्ने भएको छ। जिल्लामा गुणस्तरीय शिक्षणसंस्था रुपमा स्थापित भएको गुरुकुल एकेडेमीले…

निषेधाज्ञामा होटल खोल्नेलाई चार लाख जरिवाना तिराइने

काठमाडौं जिल्ला प्रशासन कार्यालयले निषेधाज्ञाको समयमा होटल खोल्ने संचालकलाई चार लाख रूपैयाँ जरिवाना गरेको छ। काठमाडौं महानगरपालिका वडा नम्बर ११ त्रिपुरेश्वरस्थित युनाइटेड बिजनेश होटलका म्यानेजर…