नेपालमा प्रतिबन्ध खुकुलो भएसँगै आउन थाले विदेशी पर्यटक

काठमाडौं । सरकारले विदेशी पर्यटकमाथि लगाएको प्रतिबन्ध खुकुलो बनाएसँगै नेपालमा विदेशबाट पर्यटक आउन थालेका छन् । अध्यागमन विभागका अनुसार गत साउनसम्म नगन्य रहेको विदेशी नागरिकको आवागमन भदौपछि भने बढ्न थालेको छ । असोजमा पनि यस्तो संख्यामा वृद्धि भएको पाइएको छ ।

सरकारले अक्टोवर १७ पछि पर्यटन विभाग र ट्राभल व्यवसायीको सिफारिसमा अनअराइभल भिसाको अनुमति दिएसँगै विदेशी पर्यटक आवागमनले गति लिएको पर्यटन व्यवसायी राजेन्द्र सापकोटाले जानकारी दिए ।

आशाको किरण देखिएको छ,’ उनले भने, ‘महामारीका बीचमा पनि पर्यटक आगमन राम्रै हुने संकेत देखिन्छ ।’

सरकारले पर्वतारोहण र पदयात्राका लागि १७ अक्टोवरबाट नेपाल खुला भएको घोषणा गरेको हो । पर्यटकले ५ लाख डलरको कोरोना बीमा गरी नेपालमा पदयात्रा वा पर्वतारोहण गर्ने दिनको तालिका, पर्वतारोहण तथा पदयात्रा गर्न पाउने अनुमतिसहित प्रस्तावमा मागेमा अनअराइभल भिसा उपलब्ध गराउन थालेको हो ।

त्यसअगाडि भने विदेशी कुटनीतिक नियोगका कर्मचारी, विकास साझेदार संघ संस्थाका प्रतिनिधि तथा कर्मचारी र उनीहरुको परिवारलाई मात्र अनुमति थियो ।

त्यसपछि सरकारले नेपालका विकास निर्माणका काममा काम गर्ने विदेशी कामदारलाई समेत नेपाल आउने ढोका खोलेको थियो । नेपाल आइसकेपछि भने सबै विदेशी नागरिक ७ दिन होटेल क्वारेन्टिनमा बस्नु पर्छ ।

१७ अक्टोबरपछि ८० विदेशीको भ्रमण सिफारिस

ट्रेकिङ्ग एजेन्सिज एशोसिएसन अफ नेपाल -टान)का अनुसार १७ अक्टोबरयता नेपाल भ्रमणको तयारी पुरा गरेका ८० जना पर्यटकलाई अनअराइभल भिसा उपलब्ध गराउन सिफारिस भइसकेको छ । यो शनिबारसम्मको तथ्यांक हो ।

टानका अध्यक्ष खुमबहादुर सुवेदीका अनुसार यी ८० जना विशुद्ध भ्रमणकै लागि नेपाल आउन चाहेका पर्यटक हुन् ।

यसबाहेक नेपालमा विभिन्न प्रयोजनका लागि दूतावासको सिफारिसमा आउने विदेशीको आगमन यसमा जोडिँदैन ।

उकालो लाग्दै आगमनदर

अध्यागमन विभागका अनुसार साउन २०७७ मा कुल १३७ जना विदेशी नेपाल आएका थिए । उक्त महिनामा २२ हजार ९ सय ३२ जना नेपाली घर फर्किएका थिए ।

भदौ महिनामो विदेशीको आगमन बढेर ४ सय ११ पुग्यो । यो महिनामा नेपालीको आगमन भने १५ हजार ८ सय २२ थियो ।

असोज महिनामा विदेशी पर्यटकको आगमन ११९१ पुगेको छ । यो संख्या चैतयताकै सबैभन्दा बढी हो ।

असोजमा नेपालीको आगमन भने ४६ हजार ४८ जना थियो । कात्तिक महिनामा विदेशी पर्यटकको आगमन अझ बढ्ने अपेक्षा व्यवसायीले गरेका छन् ।

किनकी नेपालमा पदयात्राका लागि सबैभन्दा उपयुक्त मौसम अहिले चलिरहेको छ । यस समय सगरमाथा आधार शिविरसम्मको पदयात्रा बढी चल्छ ।

आन्तरिक पर्यटनमा उत्साह

दशैं बिदाको अवसर पारी भ्रमणमा निस्किएका आन्तरिक पर्यटकले अहिले व्यवसायीलाई बढी उत्साहित बनाएको छ ।

टानका अध्यक्ष सुवेदीका अनुसार पोखरा र चितवन आन्तरिक पर्यटकका सदावहार गन्तब्य हुन् । यी दुई गन्तब्यमा राम्रै चहलपहल भएको छ ।

यसबाहेक सगरमाथा आधार क्षेत्रको पदयात्रा, अन्नपूर्ण पदयात्रा अन्तर्गत मार्दी हिमालको पदयात्रा र लाङटाङमा बढी आन्तरिक पर्यटक पुगेका छन् । यसले स्थानीय क्षेत्रमा होटेल व्यवसायीले उत्साहित बनाएको उनले बताए ।

भर्खरै प्रकाशित

कतार प्रहरीमा शून्य लागतमा भर्ना प्रक्रिया हुनुपर्ने सर्त नमानेर म्यानपावरले…

काठमाडौँ । कतारका लागि नेपाली राजदूत नारदनाथ भारद्वाजलाई गत वर्ष सेप्टेम्बर २७ मा कतारको आन्तरिक मन्त्रालयका उच्च अधिकारीले एउटा सुखद खबर सुनाए । त्यो थियो, त्यहाँको…

राष्ट्रिय सहमति कायम गरेर छिटै एमसीसी पारित गरौं : बाबुराम…

काठमाडौं । पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष डा. बाबुराम भट्टराईले राष्ट्रिय सहमति कायम गरेर अमेरिकी सहयोग परियोजना एमसीसी सम्झौता पारित गर्न सुझाव…

काममा असाध्यै व्यस्त थिएँ, राज कुन्द्रा के गरिरहेका थिए मलाई…

राज कुन्द्रा पोर्नोग्राफी केसमा मुम्बई क्राइम ब्रान्चले २३ जुलाईमा शिल्पा शेट्टीको बयान दर्ता गरेको थियो । एक भारतीय सञ्चार माध्यमले शिल्पाले प्रहरीलाई दिएको बयानको विस्तृत…

बागमती प्रदेशमा पनि बादल नै एमाले इन्चार्ज !

काठमाडौं । नेकपा एमाले काठमाडौंले गरेको प्रशिक्षणलाई बागमती प्रदेश इन्चार्जको भूमिकामा रामबहादुर थापा बादलले सम्बोधन गरेका छन् । कमलादीस्थित प्रज्ञाभवनमा जिल्ला स्तरीय प्रशिक्षणमा बादल प्रदेश…

सेतो पुतली आतंक : १८ वर्षे युवाको गुम्यो ज्योति, ५–१५…

लालप्रसाद शर्मा, घनश्याम खड्का, अगन्धर तिवारी (कान्तिपुर) पोखरा/म्याग्दी/पर्वत । म्याग्दीको बेनी–७ बेनीबजारका १८ वर्षीय अमृत पुनको देब्रो आँखामा भदौ १३ मा सेतो पुतलीको झुस परेर…