होङ्सी सिमेन्ट उद्योगमा बिजुली पुर्‍याउन ५६०० रूख काटिने

पूर्वी नवलपरासी — नेपालको सबैभन्दा ठूलो होङ्सी सिमेन्ट उद्योगमा बिजुली पुर्‍याउन बर्दघाट–सर्दी १३२ केभीए प्रसारण लाइन निर्माणका लागि ५ हजार ६ सय रूख काटिने भएको छ  । पूर्वी नवलपरासीको विनयत्रिवेणी गाउँपालिका–२ सर्दीमा उद्योगको कारखाना छ  ।

३६ अर्ब रुपैयाँ चिनियाँ लगानीमा सञ्चालित होङ्सी सिमेन्ट उद्योगका लागि आवश्यक विद्युत् सरकारले दिनुपर्ने सहमति थियो । सोहीअनुसार १३२ केभीए प्रसारण लाइनको निर्माण सुरु भएको छ ।

उद्योग, वाणिज्य तथा आपूर्ति मन्त्रालयको लगानीमा बर्दघाट नगरपालिकाको विद्युत् सबस्टेसनदेखि दाउन्ने, दुम्कीबास हुँदै १३२ केभीए प्रसारण लाइन उद्योगमा लैजानुपर्छ । प्रसारण लाइनको विस्तार गरिन लागेको क्षेत्रमा दाउन्ने धार्मिक वनको अधिकांश क्षेत्र पर्छ ।

बर्दघाटदेखि उत्तरतर्फको २० किलोमिटर पहाडी जंगल, दाउन्ने मन्दिर हुँदै सर्दीमा रहेको उद्योगमा विद्युत् पुर्‍याउनुपर्ने १३२ केभीए प्रसारण आयोजना प्रमुख हरिप्रसाद पाण्डेले बताए ।

उक्त प्रसारण लाइन निर्माणका लागि उद्योग मन्त्रालयले गत आर्थिक वर्षको बजेटमा ४५ करोड रुपैयाँ विनियोजन गरेको थियो ।

२०७४ देखि निर्माण सुरु भएको बर्दघाट–सर्दी १३२ केभीए प्रसारण लाइन आयोजनामा ६६ वटा टावर निर्माण हुनेछन् । उक्त प्रसारण लाइनबाट तीन वटा विद्युत् सर्किट जानेछन् । जसमध्ये दुईवटा होङ्सी सिमेन्ट उद्योग र एउटा दुम्कीबास अनि सर्दीका स्थानीयका लागि लगिने योजना रहेको पाण्डेले बताए ।

वन मन्त्रालयले विद्युत् प्रसारण लाइन निर्माण क्षेत्रका ५ हजार ६ सय रूख काट्ने अनुमति दिइसकेको छ । दाउन्ने पहाड हुँदै लगिने प्रसारण लाइनका लागि फाउन्डेसन निर्माणको काम अघि बढेको छ ।

१२ हजार टन क्षमताको यो सिमेन्ट कारखाना नेपालकै सबैभन्दा ठूलो हो । कारखानाले हाल दैनिक ६ हजार टन सिमेन्ट उत्पादन गर्दै आएको छ । वैदेशिक लगानी रहेका ठूला कारखानामा विद्युत्, पानी, सडक र सुरक्षा (प्रहरी पोस्ट) नेपाल सरकारले दिने व्यवस्था छ ।

भर्खरै प्रकाशित

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…

पूर्व आईजीपीको घरबाट एभोकाडो चोरेको आरोपमा एक दर्जन युवा पक्राउ

पूर्व आईजीपीसहित काठमाडौंका विभिन्न व्यक्तिहरुको घरबाट एभोकाडो चोरेको आरोपमा १ दर्जन युवालाई प्रहरीले पक्राउ गरेको छ । नयाँ बानेश्वर संगमचोकस्थित हजारीमार्गमा रहेको पूर्व आईजीपी मोतिलाल…