चिनियाँ इन्जिनियरहरुले ७ हजार ६०० टनको भवन उठाएर ६२ मिटर पर सारे

काठमाण्डाै – चीनको शङ्घाई सहरका इन्जिनियरहरुले सात हजार ६ सय टनको एक विशाल भवनलाई त्यो रहेको ठाउँबाट अन्यत्रै सारेका छन् ।

इन्जिनियरहरुले सन् १९३५ मा बनेको शङ्घाईको लागेना प्राथमिक विद्यालयको पाँच तले भवनलाई प्रविधिको प्रयोग गरेर अन्यत्रै सारेका हुन् ।

स्थानीय प्रशासनका अनुसार यो भवन रहेको नजिकै एक नयाँ विषयमा काम सुरु गर्नुपर्ने भएकोले विद्यालयको भवन अन्यत्रै सार्ने निर्णय लिइएको हो ।

चीनका इन्जिनियरहरुसँग यो भवन ढाल्ने विकल्प पनि थियो तर उनीहरुले यस ऐतिहासिक भवनलाई त्यो रहेको ठाउँबाट अन्यत्रै सार्ने निर्णय लिएका हुन् ।

चीनको सरकारी सञ्चारमाध्यमका अनुसार इन्जिनियरहरुको एक टिमले प्राविधिक सहयोगबाट भवनलाई उठाएको र एक सय ९८ खुट्टे रोबोटको सहयोगमा केही पर सारेका हुन् ।

स्थानीय मिडियाका अनुसार कङ्क्रिटबाट बनेको हजारौँ टनको यो भवनलाई यसको मूल ठाउँबाट झण्डै ६२ मिटर पर सारिएको हो ।

चीन सरकारद्वारा नियन्त्रित सीसीटीभी न्युज नेटवर्कका अनुसार यस भवनलाई एक ठाउँबाट अर्काे ठाउँमा सार्नका लागि १८ दिन लाग्यो । गएको अक्टोबर १५ मा यस भवन सार्ने काम सकिएको बताइएको छ ।

न्युज एजेन्सीका अनुसार स्थानीय प्रशासनले अब यस ऐतिहासिक भवनलाई संरक्षित गर्ने निर्णय लिएको छ र मर्मत सम्भार पनि गर्ने बताएको छ ।

भवनलाई एक ठाउँबाट अर्काे ठाउँमा सार्ने धेरै प्रविधि छन् तर सामान्यतया इन्जिनियरहरु यस्तो भवनलाई ठूलो प्लेटफर्म (मञ्च) को सहयोगमा निकै क्षमता भएको रेल वा क्रेनबाट खिच्ने गरिन्छ ।

तर यस पटक चिनियाँ इन्जिरिनयरहरुले रोबोटिक लेग्सको प्रयोग गरे । चिनियाँ इन्जिरियरहरुले पहिलो पटक यस तरिका अपनाएका हुन् ।

शङ्घाईका इन्जिनियरहरुसँग भवनलाई अन्यत्रै सार्ने प्रशस्त अनुभव छ ।

सन् २०१७ मा एक सय ३५ वर्षअघि बनेको र झण्डै दुई हजार टन तौल भएको एक ऐतिहासिक बौद्ध मन्दिरलाई त्यसको मूल ठाउँबाट झण्डै ३० मिटर पर सारेका थिए, जसका लागि १५ दिन लागेको थियो ।

यस वर्षको सुरुवातमा चिनियाँ इन्जिनियरहरुले भवन निर्माणको क्षेत्रमा एक कीर्तिमान बनाएका थिए । चीनको हुबेई प्रान्तको वुहान सहरमा कोरोना सङ्क्रमण फैलिएपछि चिनियाँ इन्जिनियरहरुले दश दिनमै एक हजार शय्याको अस्पताल बनाएर देखाएका थिए । वुहान त्यही शहर हो, जहाँ सबैभन्दा पहिला कोभिड–१९ सङ्क्रमणको आधिकारिक पुष्टि भएको थियो ।

भर्खरै प्रकाशित

यस कारण प्रेम चोपडालाई देख्नेबित्तिकै मानिसहरु श्रीमती लुकाउँथे

प्रेम चोपडाको गन्ती बलिउडका ती कुख्यात भिलेनमध्ये हुन्थ्यो, जसलाई दर्शकले वास्तवमा नै डाँका ठान्ने गर्दथे । ८६ वर्ष पुगिसकेका प्रेम चोपडाले एक अन्तरवार्ताका बेला उनलाई…

यसरी भएको थियो नारायणहिटीको श्रीपेच चोर्ने प्रयास

८ असोज, काठमाडौं । रुकुम पश्चिमका एक युवकले नारायणहिटी दरबार संग्रहालयमा प्रदर्शनमा राखिएको पूर्वराजाको श्रीपेच चोर्ने असफल प्रयास गरेका छन् । नारायणहिटी दरबार संग्रहालय व्यवस्थापन…

कुकुर पाल्न महानगरमा दर्ता गर्नुपर्ने

पोखरा महानगरपालिकाले कुकुर पालनका लागि दर्ता गर्नुपर्ने नियम बनाएको छ । पोखरा क्षेत्रमा स्थानीयवासीले छाडेका कुकुरका कारण वातावरणमा असर परेको भन्दै महानगरले कुकुर दर्ता प्रक्रिया…

प्रचण्डसँग चुनाव लड्न तयार छु : बादल

८ असोज, चितवन । नेकपा एमालेका नेता रामबहादुर थापा (बादल)ले आगामी निर्वाचनमा माओवादी केन्द्रका अध्यक्ष प्रचण्डसँग लड्न तयार रहेको बताएका छन् । चितवनको भरतपुर विमानस्थलमा…

कोभ्याक्सिन लगाएका मोदी अमेरिका पुगेपछि अनुमति कसरी पाए भन्दै बहस…

भारतका प्रधानमन्त्री नरेन्द्र मोदी अमेरिकाको यात्रामा छन् । आफ्नो भ्रमणमा उनी संयुक्त राष्ट्र महासभालाई सम्बोधन गर्नेछन् । त्यसअघि उनले अमेरिकाका केही अन्य देशका राष्ट्राध्यक्ष तथा…